القائمة الرئيسية

الصفحات

أحدث الروايات

جزء من قصيدة بالنسبه لأمي الشاعر الاستاذمجدي فرج عامر



(جزء من قصيدة بالنسبه لأمي)
 
بالنسبه لأمي أنا دايمًا
 كتاب مفتوح 
تعرفني ساعة الفرح 
وأما أبقي يوم مجروح
وساعات تقهقه بضحكه
 لما أشوف نفسي.. 
وتقوللي دايما كده 
طالع.لابوك أنزوح
بالنسبه لأمي أنا
 الواد إللي بيريل
ومهما باكبر ف عينها
 لسايه أنا العيل 
لو أمد إيدي واعاكسها
 وأقول لها يا جميل
تقولي مالك يا واد 
أهمد بقي أتنيل 
بالنسبه لأمي أنا 
الواد إللي زيي مافيش
لو يوم لقتني في خناقه 
مع شلة الحرافيش 
من جوه تعلي السارينه
 تصرخ تقول مالك
تجري علي الشباك 
فاتحه الضلف والشيش
بالنسبه لامي أنا 
ف الشده فيش غير ي
أحضنها دايما وأطبطب
. وأكون لها سديري
بتكون لي دايما وطن
 ويله إللي يوم يعاديه
بتكون كنيستي وجامعي
 وكونيتي وديري
 بالنسبه لأمي أنا 
الواد إللي فيش زيه
أجمل شباب البلد
 والمنطقه وحيه
وتحب دايما تشوفني
 أعلي من الحاضرين
وعينها تضحك بحب 
ولي أنا يحيوا 
بالنسبه لأمي أنا
 الزرعه إللي غرساها
ترويها من دمهاااا
 بعينيها حارساها
وتضل طول عمرها 
تراعيها وتحوط
ما تكل أبدا يوم 
ف صباحها ومساها
بالنسبه لأمي يكون 
بركان لها وزلزال
لو حد مني قرب 
تعمل أوام إنزال 
وتلم فيه وتحضن 
تحميني من شري 
ماهو حتي أنا لو قرد 
راح أكون في عينها غزال 
 
مجدي فرج عامر
#magdi_farag_amer
15.07.2020
هل اعجبك الموضوع :

تعليقات