أخر الاخبار

الشاعرة القديرة / نادية ذكي في قصيدة ( دا أبوك )

دا أبوك
دا أبوك ودى عيونه اللى حبوك
دا اللى طبطب داللى قاسا
                           واللى ضحى كتير زمان
دا الشقيان بطول سنينه
فروق كتير بينك وبينه
هوّ شالك جوّ عينه
كان بيتمناك تصونه
                              وانت فى أعلى مكان
دا اللى تقلت يوم حموله
يومها قال اوعوا تقوله
أصله شال همك بِطُوُله
كان بيحلم بيك فى عونه
                              ياريته شد لك ودان
وانت بتحبى كنت بايسو
النهارده  انت   دايسو
والشيطان حتى مسايسو
كان زمان قلبك حنين
                              النهارده ٠٠٠ له سنان
كان بيحلم باهتمامك
كان بيربطلك حزامك
اصل شال عنك آلامك
بس زرعه!!والزرعه كبرت
                                شوكها بان من غير أوان
قاطع ليه حبل الوداد
وانت له كنت الحصاد
لما تنكر خير قديمك
صعب يكون لك ف الجداد
اللى حاصل منك انت 
                         علامه من أخر الزمان
تعليقات



حجم الخط
+
16
-
تباعد السطور
+
2
-