القائمة الرئيسية

الصفحات

أحدث الروايات

قصة كاملة * اتجوزنا من 4 شهور انا مكنتش اعرفه اصلا بس هو كان عارفنى و عارف عنى كل شئ

قصة كاملة

* اتجوزنا من 4شهور
انا مكنتش اعرفه اصلا بس هو كان عارفنى و عارف عنى كل شئ
حتى ادق تفاصيلى
ظهر ف حياتى بعد ما اتخرجت من الكليه ب 4 شهور جه اتقدم لى
و طبعا اهلى شافوه مناسب خريج اقتصاد و علوم سياسيه و ابن ناس حاجه ف نظرهم متتسابش
و كل بنات العائله بيقنعونى اوافق و يا بختك و الجو ده
اتخطبنا لمده شهرين مكنش بيتصل بيا ابدا كانت خطوبه شرعيه
المهم اتجوزنا و انا كان قلبى ده مقبوض جامد
دخلت الشقه و انا مرعوبه لانى معرفوش
- اقعدى يا اميره
* قعدت و انا قلبى بيترعش و الله مش بس اديا
- متخافيش من حاجه انا مش عايز أى حاجه غير انك تاخدى عليا و بس
انا عارف انه فتره خطوبتنا متكلمناش فيها خالص
رغم ده ف انا تقريبا عارف كل شئ عنك بتحبى ايه و بتكرهى ايه
* الا حد ما كلامه طمنى
- دلوقتى قومى غيرى و نتعشى و ننام اوضتك اللى على اليمين دى و انا اوضتى على الشمال
- تمام\
* دخلت اوضتى و غيرت و لبست اسدال و صليت و خرجت اجيب مايه
لاقيت باب اوضته مفتوح و سمعته بيعيط و هو بيصلى
- الحمد لله يارب انك جعلتها من نصيبى يارب خليها تحبنى ربع ما انا بحبها حتى
* خلص صلاه و انا واقفه متنحه
بس هو شافنى ابتسم لى
- عايزة حاجه يا أميره ؟
- لا شكرا انا كنت هجيب مايه
- بس انتى لسه مأكلتيش
- انا مش جعانه
- بس انا نفسى اكل معاكى ومش هاكل من غيرك
* طبعا كنت هعاند لكن افتكرت دموعه و هو بيصلى ف حركت راسى بمعنى انى موافقه
دخلنا المطبخ و جهزنا الاكل مع بعض
- انا بعرف اعمل اكل ارتاح انت
- انا عارف انك بتعرفى بس انا هساعدك ديما
* اكلنا و دخلت نمت صحيت على صوت خبط على باب اوضتى
قومت و انا مش شايفه لانى لسه نايمه ف نسيت اغطى شعرى
- ايوه
* مسمعتش اى رد اطلاقا ف ده خلانى افوق و بصيت له لاقيته بيبص لى و بيبتسم و عينه على شعرى
طبعا قفلت الباب ف وشه من التوتر
لاقيته بيضحك من ورا الباب
- مامتك و باباكى و اخواتك بكره ههههههه البسى و تعالى
* يا دين النبى على الكسفه ههههم
لبست طبعا و سلمت عليهم
- منورنا يا ماما
- ربنا يبارك فيك يا ابنى
- والله انا نفسى ابوس ايدك
- استغفر الله يا ابنى
- كفايه انك ربيتى اميرة احسن تربيه
- والله ربنا العالم انك عندى ف غلاوة اميرة و اخواتها
- ربنا يبارك لنا ف عمرك يا امى
* قعدو معانا شويه و بعدين مشيو
- تحبى نعمل ايه دلوقتى
- مش عارفه
- قومى نتفرج على ال TV
- حاضر
* قعدنا نشوف هنتفرج على ايه
فجأه و هو بيقلب ف القنوات لاقبت كرتون " الفأر الطباخ Ratatouille"
- ايوه بس هو ده
- ههههههه حاضر يا ستى
* انا مركزه جدا مع الفيلم و مش اخده بالى ابدا انه قاعد معايا لا و بيبص لى
بس لما جه اعلان ببص له لاقيته بيبتسم
- انت كويس ؟
- لأ
- ليه مالك
- انتى خايفه عليا
- ايوه مش جوزى
- جوزك !!
- امال الفرح ده كان ايه شاى بلبن هههههههه
- يخربيتك بتفصلينى هههههههه
- هههههههههه هقوم اعمل شاى بلبن اعملك . هعملك
* دخلت المطبخ معرفش هو ايه اللى بيحصل مش انا كنت خايفه ايه اللى حصل بتكلم معاه كده ازاى
هو انا بالعه حد ولا ايه هههههههههه
طبعا انا بكلم نفسى زى الهبله عادى جدا
- انتى بتكلمى مين
- لا انا مش بتكلم اصلا
- لا والله ههههه
- بكلم نفسى ارتحت
- ما تتكلمى معايا ينوبك ثواب يا بنتى دا انا زي جوزك
-.هههههههههه
- الله يديمك و يديم ضحكتك
- يارب هو احنا ممكن نتكلم شويه
- طبعا
* قعدنا ف البلاكونه بعد ما اكلنا
- انا سامعك
- هو انت اتجوزتنى ليه وانت عارف انى مش عايزه اتجوز ؟
- عايزة الحق و لا ابن عمه
- ههههههه الحق
- عشان بحبك
- بتحبنى ازاى و انت متعرفنيش
- ومين قالك
انى مكنتش اعرفك
- انا عمرى ما شوفتك غير يوم ما جيت اتقدمت لى
- دا على اساس شوفتينى يومها هههههههه انتى كنت قاعده بتبص للسجاده
- الله بقى متضحكش عليا هو انا كنت اتخطبت قبل كده يعنى
- ومين قال انى كنت هسيبك تتخطبى لحد تانى
- انا مش فاهمه حاجه
- بصى يا ستى انا صاحب محمد ابن عمك و طبعا انتى ف وادى و الناس ف وادى و كنت بكون موجود ف كل مناسبه تخص العائله لكن انتى ديما كنتى بتبقى قاعده بعيد و لوحدك
انا اتقدمت لك بعد ما خلصتى 3ثانوى
و طبعا والدك رفض لانك كنتى صغيرة و انه عايزك تهتمى ف الوقت ده بمستقبلك و دخلتى اقتصاد و علوم سياسيه
و بما انى اتخرجت من نفس الكليه ف كنت بفهم محمد على كل شئ و هو بيفهمك و كنتى موجود و انتى بتقدمى و كنت بشوفك تقريبا كل يوم
بستنى اشوفك و بعدها اروح شغلى
روحت عملت عمرة و فضلت ادعى ربنا انه بس يجعلك نصيبى
و كنت لما بعرف انه جايلك عريس ببقى عايز اروح اطلع روحه بس كنت بحمد ربنا انه والدك رافض مسأله ارتباطك بحد اصلا
- ايه ده كله
- و بعدين ستى يوم حفله التخرج بتاعتك طلبتك من والدك تانى
- و وافق من قبل ما ياخد رأيي
- يعنى انتى مش موافقه
- اوافق عليك و انا مكنتش اعرفك ازاى
- و لما عرفتنى موافقه و لا لأ
- سيبنى افكر ههههههه
- قومى يابت من هنا
* اندمجنا مع بعض و عرفت انه بابا ادانى للراجل الصح
مالك مكنش غنى ابدا كان شاب بسيط جدا عنده شقه ف بيت اهله و شغله بس عمره ما قصر معايا ف اى شئ كان بيدنى مصروف خاص بيا و يقولى هاتى اللى نفسك فيه
و لما اتكلمنا ف موضوع الشغل
- مالك انا عايزه اشتغل
- ليه يا حببتى هو انتى ناقصك حاجه
- ابدا والله انا بس نفسى احقق طموحى و اعمل لنفسى كرير زيك كده
- انا معنديش مانع ع فكره
* من فرحتى حضنته و بعدين بعدت بسرعه
- انا اسفه
ابتسم - اسفه على ايه
- انا لما بفرح مش بعرف انا بعمل ايه
- لا دا احنا نفرحك علطول بقى
- هههههههه هروح اجهز الغدا
- استنى هاجى اساعدك
- خليك
- لا معندناش بنات توقف ف المطبخ لوحدها بغير عليكى من عيون البوتجاز ههههههههههههه
- ههههههههه ليك حق
* بدأت شغل و كنت بنزل انا ومالك ف نفس الوقت بيوصلنى شغلى و اخر اليوم يجى ياخدنى و نروح سوا و كان بيرفض انى اعمل اى حاجه ف البيت لوحدى كان ديما بيساعدنى و ايده ب ايدى
و كان بيعامل اهلى كأنهم اهله
و كان كل يوم جمعه يخرجنى
حبيته حبه دخل قلبى و ملاه و مبقاش فيه مكان ف قلبى لأى شئ ف الدنيا
نمت و انا ناويه الصبح انى هقوله بحبك
* صحيت مفزوعه على رنه موبيلى
- انتى أميره زوجه مالك الألفى
- ايوه انا مالك فين انت مين
- تعالى بسرعه المستشفى العنوان........
جوزك عمل حادثه و بيموت
* قومت أجرى و انا حسه انه كل شئ حواليا بطئ طول الطريق بعيط
يعنى بعد ما حبيته يسيبنى
انا مش عايزه حاجه تانيه و لا شغل و لا اى حاجه انا عايزاه هو بس
وصلت المستشفى و انا ضربات قلبى عاليه اوى دخلت العنايه المركزه لاقيتهم بيشيلو الاجهزه و بيحطو الغطا على وشه
الدنيا كلها اسودت ف عنيا رجليا مبقتش شيلانى قلبى هيخرج من ضلوعى سامعه دقات قلبى و مش سامعه اى حد
دقيقتين و صرخت كتير و عيط و روحت شيلت من على وشه الغطا و قعدت اضرب فيه
قوم يا مالك قوم قولهم انك مش هتسيبنى قوم مش انت قولتلى انك استنيتنى كتير انا جيتلك اهوه يا حبيبى ارجوك قوم يا مالك انا هموت قوم بقى انت بتكدب عليا و بتقولى عمرى ما هسييك قوووووووم
صرخت
* فجأه صحيت لاقيت مالك اخدنى ف حضنه و بيطبطب عليا
انا مش مصدقه انا كنت بحلم
- مالك انت عايش
- مالك يا قلب مالك فيه ايه
- حلمت انى 😢 😢
* حضنته جامد اوى
- انت معايا صح
- انا معاكى والله اهدى مالك بس ما انا سيبك نايمه كويسه
- متسيبنيش
- عمرى ما هسيبك
- بحبك
- بتقولى ايه
- بقول بحبك اوى
- يا وعدى و انا بحبك اووووووووى

بلاش تضيعو الحب و بلاش الخناق و المشاكل يبعدكو عن حبايبكو لانه ممكن الموت يزورهم قبل ما تتصالحو و تعيشو العمر ندمانين
رأيكم يهمنى وتشجعيكم يهمنى ضع بصمتكم بعمل تعليقات على الموضوع وماركته على الفيسبوك  تشجيع لنا حتى نستمر في نشر المذيد والمزيد من القصص
هل اعجبك الموضوع :

تعليقات