القائمة الرئيسية

الصفحات

أحدث الروايات

الجزئ 2 من قصة الرأس المقطوع { رعب المعسكر}

الجزئ التاني من قصة الرأس المقطوع

{ رعب المعسكر}

فتحت الدولاب لقيت شنطتي وطبقي وهدومي وبعض متعلقات شخصيه ومفيش حاجه في دولاب
قفلت دولاب تاني ودماغي خلاص مش قادر لدرجاتي صداع جبلي تهيئات انا لازم انام
........

مروحه بتلف بسرعه جامد اوي والدنيا ضلمه وفي سرير تحت مروحه هو الوحيد اللي باين وسط ضلمه وواحد نايم عليه
وبعدين اتغيرت كل حاجه ولقيت ناس بتجري كتير في وسط مكان شبيه بالعنبر بتاعي وكان في واحد واقف عند باب عنبر بيتفرج علي بيحصل
وفجأه لقيت نفسي مرمي علي الارض وسط ناس وراسي مقطوعه والأرض غرقانه دم وجسمي مكان الراس بيطلع دم
......
قومت اتفزعت من نوم بسرعه مع صويت خفيف
رقبتييييييييي ااااااااااه
لقيت اصحابي بيتلموا عليا وبيقولولي في ايه مالك بتصوت ليه ومفزوع ليه
......
ابتديت اركز في كلامهم وعرفت اللي انا كنت بحلم وده كان كابوس
بس كان كابوس مرعب اوي كنت حاسس ان انا فيه فعلا
.....
_يلا يابني الساعه ١٠ وربع ميعاد جمع طابور تاني

ودي كانت جمله قالها لي صاحبي كريم علشان اقوم وافوق عشان طابور
......
قومت فعلا وجمعت وانا نازل من عنبر كان في غرفه فيها كوافير رجالي عشان العساكر اللي هتحلق وكده
كان في نفس المبني اللي كنت فيه بس مخدتش بالي منه اول ماجيت
بس الغريبه انه كان فيه راجل جوه كوافير باين هو اللي شاغل فيه لانه كان بيحلق للعسكري..
مش ده غريب الغريب اني شوفته قبل كده بس مش عارف فين حاسس اني شوفته قبل وقريب اوي بس عقلي مش مجمع.
المهم روحت الطابور اشتغلنا واتمرنا وبعدين طلعنا علي فصول لتعليم بعض مواد الحقوق
خلصنا من كل ده كانت الساعه ٢:٠٠العصر
اول حاجه روحت عليها بعد ماخلصت الكوافير الرجالي
مش علشان احلق طبعا
عشان اشوف انا شوفت الراجل ده فين
كله طلع ع عنبر وانا دخلت كوافير رجالي
_سلام عليكوا

¯¯وعليكم السلام ورحمه الله وبركاته اتفضل

_ انا كنت عايز اتكلم معاك شويه مش هحلق.

¯¯اتفضل طبعا اتكلم

_انا سمير في دفعه جديده بتاعت معهد

¯¯اهلا وسهلا نورتنا ياسمير

_بس انا حاسس اني شوفتك قبل كده

¯¯مهو لازم تشوفني منا شغال هنا

_ لاء انا شوفتك بس مش عارف احدد شوفتك ازاي

¯¯ههههه اعم اديك شوفتني اهو و بتكلم معايا دلوقتي انا اسمي اسلام، ابقا تعالي احلق بقا عندي ولو عوزت اي حاجه قولي، هو انت في المبني ده

_ اه، انا في الدور تاني
(س ٢)

اسلام:انت قولت ايه (س ٢)

_ايوه ده رقم عنبر اللي فيه

اسلام: منا عارف ده رقم عنبر

_هو فيه حاجه ولا ايه؟!

.........
وده كان حواري بيني وبين الحلاق واول ماقولتله هو فيه حاجه؟
..
وشه اصفر شويه كأنه خاف من رقم عنبر كأنه عارف حاجه
بس سكت مردش عليا
روحت سايبه وطلعت عشان ميعاد الغدا الساعه ٢:٣٠
.....
اتغدينا كان الغدا فراح وارز وطبيخ
....
طلعنا طبعا مفيش طوابير تاني بعد الغدا بنفضل قاعدين في عنبر وده اللي كان قلقني اننا هنفضل قاعدين في عنبر لحد تاني يوم وانا كنت ابتديت اخاف منه اصلا بعد اللي بيحصلي
.....
المهم طلعنا غيرنا هدومنا بتاعت معسكر ولبسنا هدوم عاديه عشان نقعد بيها
......
قعدنا بقا قاعده كلنا مع بعض نضحك ونهزر واللي كان بيقلد أصوات واللي بيغني
كانت قاعده حلوه صراحه وحمد الله مفيش حاجه حصلت
......
جت الساعه ٦ونص نزلنا وجمعنا عشان العشا
العشا كان عباره عن جبنه وحلاوه
......
وبعد العشا عقبال متجمعنا وكلنا وطلعنا العنبر كانت الساعه ٨
ومفروض كله هينام الساعه ٩ونص
بس كانوا سايبنا نعمل اللي عايزينوا في وقت من ٨ ل ٩ونص
انا طبعا بحب اقعد علي سريري مع نفسي ومسكت كتابي المفضل علشان اقرا فيه
كانت روايه رعب
ومفيش حد في عنبر غيري كنت لوحدي
طبعا اللي نزل الكانتين ياكل واللي بيتمشي في معسكر
..............
المهم كنت لوحدي في عنبر النور كله كان والع ودنيا كانت بليل
وأصوات هادئه من رياح في شبابيك العنبر
وفجأه
صفحات بتاعت كتاب اللي كنت بقرا فيه لقيتها بتتقلب لوحدها صفحه صفحه وبعدين لقيتها ابتدت تتقلب بسرعه وهواا سخن جاي في وشي
وابتدت سرعه تقليب تهدي واحده واحده وبعدين لقيت الكتاب بقا عباره عن صفح بيضاء مفيش حروف مفيش كلمات كأنه كتاب فاضي
وبعدين لقيت نقطه دم نزلت ع كتاب علي الصفح البيضاء وابتدت تتكون ارقام من نقطه الدم
18
...
مفهمتش ايه معني رقم 18 بس لقيت فجأه صفح بتتقلب تاني بسرعه ورجع كتاب زي ماكان
الروايه اللي كنت بقراها
.......
حسيت بحراره جامده وجو كان حر اوي
ببص لقيت مروحه اللي فوقيا مطفيه مش شغاله نزلت من علي سرير علشان اشوف مفتاح كهرباء بتاع مروحه لقيته شغال بس مروحه مش شغاله
نزلت من عنبر عشان اجيب اي حد يشغل مروحه دي
قابلت الحلاق كان بيجيب العشا بتاعه شافني قالي
ازيك عامل ايه
برضوا وشه مكنش غريب عليا
رديت عليه وبعدين سألته قولتله
متعرفش حد يشغل مروحه في عنبر
قالي اني مروحه اللي في (س ٢)
قولتله اه
قالي لاء متخفش محدش هيشغلها او محدش هيعرف اصلا
المروحه دي بقالها كتير مش شغاله من حوالي سنه
قولتله مش شغاله ليه
سكت ومردش عليا
وقالي متقعدش تسأل كتير
سيبته وطلعت عشان انام
...........
مكان مظلم ونور بسيط عند سرير وفوقيه واحد نايم عليه ومروحه سريعه اوي بتلف وبعدين النور وواحد مرمي في الأرض وراسه مقطوعه ودم غرقان في الأرض
وناس متلميه حوليه كتير وفي واحد واقف في آخر العنبر عند باب بس مرادي كان واضح اوي
.......
صحيت من فجأه بصرخه جامده
صحابي اتلموا حوليا
قولتلهم مفيش حاجه انا كويس انا كويس
....
بس في حلم ده انا عرفت مين اللي كان واقف عند باب ده شوفته
عارفين ده مين
ده حلاق طب ليه ظهرلي في حلم
واشمعنا في حلم ده مش انا اللي كنت مقطوع دماغي كان واحد تاني معرفوش
.....
نزلت جري علي حلاق لقيته الباب مقفول قعدت اخبطت محدش فتح كان نايم شكله

......
بس اكيد حلاق عارف حاجه عن موضوع حلم ده واللي بيحصل في عنبر عشان كده بيقعد يقولي متسالش كتير ومبيرضاش يرد عليا لما بفتحله سيره، انا لازم اعرف في ايه في عنبر ده وايه رقم ١٨ اللي اتكتب بدم علي كتاب ده
والمروحه اللي فوقي ايه اللي حصلها وليه مش شغاله من سنه اكيد في حاجه بتربط كل ده

.....
بعد تفكير كتير نمت غصب عني
.......
صحيت تاني يوم جسمي متكسر ومش قادر
مقدرتش انزل طاوابير
....
نزلت علطول علي الحلاق لقيته فاتح دخلتله
بس مرادي قولتله علطول
اي اللي حصل من سنه في عنبر بتاعي (س٢)
.....
قالي انا مش قولتلك متسالش كتير
....
قولتله انا بحلم بيك كل يوم وكنت متأكد اني شوفتك قبل كده وفعلا طلع في حلم انت اللي كنت واقف عند باب وكان فيه جثه راسها مقطوعه
....
بصلي بصه خوف واستعجاب وفعلا عينه بانت عليه انه مخبي حاجات كتير..
...
ابتدي يحكي ويتكلم بعد سكوت ودهشه
....
كان في دفعه جات عندنا المعسكر هنا كانت فرقه عشان تاخد عريف
وكانت الدفعه ١٨ تيجي هنا المعسكر
.....
وفي يوم كان جندي منهم نايم ع سرير وكانت مروحه اللي فوقيه شديده كانت سرير وعلي فكره، كان نايم في نفس عنبر اللي انتي فيه
وكان ع سرير في وسط العنبر كان وراه شباك
كان سرير الرابع من الصف
....
سمير:ده سرير اللي انا نايم عليه
....
الحلاق كمل كلامه
وجندي ده كان اسمه عزت كان دماغه دي مصيبه كان علطول بيعمل مقالب في صحابه ومجنن أمناء شرطه والظباط.
وكان بيحب يستحمي بمياه سخنه.
...
سمير :ايوه منا عرفت
....
الحلاق:في ليله كان نايم ع سرير زي ماقولتلك ومروحه شديده فوقيه فصحابه كانوا عايزين يهزروا معاه....
اتلمه حولين السرير بتاعه هو كان نايم في سرير اللي فوق اتلمه حوليه
علشان يهزروا معاه مكنوش يقصدوا حاجه وبعدين كلهم قالوا في نفس واحد
اصحاااااا يااااااااعزت وهزوا السرير جامد
.....
عزت قام اتفزع من نوم بسرعه ووقف علي سرير من الخضه
بس للاسف كانت افزع واغرب واقعه حصلت هنا في معسكر
فجأه تحول الهزار لجد والضحك لنكد والفرحه لحزن
عزت اول موقف من الخضه نسي ان مروحه كانت فوقيه وكانت بتلف بسرعه جامده اوي
قطعت رأسه كلها بقا جسمه فوق السرير وراسه تحت علي الارض طيرتها المروحه الناس كلها اتشلت في مكانها من موقف واللي كان بيصرخ من منظر وانا كنت تحت في كوافير لقيت ناس بتجري علي فوق للعنبر جريت اشوف في ايه
طلعت وقفت عند باب العنبر مستغرب للمنظر اللي انا شايفه، جثه بينزلوها من ع سرير وبيحطوها ع الارض بس كانت جثه من غير راس وراسها كانت جنبيها والدم غرقان في الأرض من الجثه والناس حوليه كتير
....
استرجعت الحلم اللي كنت بحلمه كل يوم وطلع فعلا حلمي حقيقه واكيد في سبب وراء الحلم
بس انا لما كنت بحلم مكنش ظاهر مات ازاي واللي كان صحابه بيهزروا معاه
....
الحلاق كمل كلامه وقالي من ساعتها والعنبر ده مسكون وبيحصل فيه حاجات غريبه حتي انا بيحصلي حاجات غريبه كتير
في مره كنت بقفل كوافير بليل، كنت سامع صوت مقص عمال يعمل تك تك تك تك
كأن حد بيحلق علي اني الكرسي كان فاضي مفيش حد غيري في الكوافير
بس غريبه لقيت كرسي بيتحرك في المرايه وقدامي ثابت
قولت بسم الله الرحمن الرحيم
أعوذ بالله من شيطان رجيم
أعوذ بالله من الخبث والخبائث
...
لقيت كرسي ثبت فجأه وبعدين قولت تلاقيها تهيؤات علشان كنت منمتش بقالي كتير روحت رايح طفي نور الكوافير بس عيني جت ع كرسي واتنطرت فجأه من مكاني لورا اتخبطت في حيطه وبقيت باصص للكرسي برعب وخوف مش عارف اتحرك
لقيت راس عزت فقط موجوده ع كرسي وعنيها مقفوله
حاولت احرك جسمي من صدمه والمس الراس لقيت العين بتاعت الراس فتحت فجأه وكانت حمره دم اتفزعت جامد روحت ناطط من مكاني وقفلت كوافير وخرجت وطلعت علي مكاني نومي قعدت اقرا قرآن واتوضيت واستعيذت بالله من شيطان الرجيم
...
ده كان موقف من المواقف اللي حصلتلي ده مطلع عين امي عزت ده
.....
انا رديت عليه بخبث شويه
=طب وانتوا مفكرتش هو بيطاردك ليه
وليه من ساعتها ساكن العنبر وبيعمل فيه حاجات غريبه وبيننقم اكيد في سبب ورا ده
حلاق بصلي سويه كده وساكت.
_ لاء أعم سبب ايه ده هو من ساعه ماراسه اتقطعت وهو كده

=بس انا اعرف من قرأتي لقصص الرعب وكده ان الأشباح والارواح مبتطلعش الا لسبب معين عايزه تعمله اكيد عزت عايز يعرفنا حاجه غير اللي انت بتقوله ده

_ بقولك ايه انا قولتي اللي عندي ولو مبعدتش عن موضوع ده انت جاني علي نفسك ومش هحظرك تاني انت فاهم

الباقي هينزل في الكومنتات ومتنسوش لو عوزين قصص كاملة متنسوش تشتركو في جروبات الواتس لي أصحاب القلوب القويه في جروبات خاصة بل البنات فقط زجرزبات للزلاد فقط
......
هل اعجبك الموضوع :

تعليقات