بعيد عن جو الكورونا والضغط النفسي
- قال لزوجته مازحاً إنتي شكلك كده عجزتي و بقيتي ماتنفعيش أنا بفكر أشوفلي عروسة
- و هنا ردت عليه زوجته و قالت
والله يا عمر أنا لسه كنت بفكر في الموضوع ده إنت راجل و من حقك تتجوز و تتهنى و ده حقك الشرعي طب ليه إحنا الحقوق بتزعلنا ليه بنبدي العادات و التقاليد على الدين و شرع الله والله يا عمر أنا فكرت أجوزك مابهزرش إيه يعني تبقي عندي ٣ أيام و عند عروستك زيهم
- أبتسم عمر وقالها إنتي بتتكلمي جد؟
قالت أيوه طبعاً و ليه لأ ده أنا كمان برشحلك سها بنت خالتي بنت جميلة و بنت ناس و عندها ٣٢ سنة و ماتجوزتش قبل كده و أنا بحبها قولت إيه ؟
- برق عمر و قال بصوت واطي ربنا يكملك بعقلك يا حبيبتي هي كويسة بس متنفعش
- فقالتله طب إيه رأيك في منال أهي مفيش أحلى من كده و شغاله فى بنك
- قالها طب ما تنفعش أمينة إللي معايا في المستشفى ؟
أهي غلبانة و عندها عيل و مطلقة و طليقها مبيصرفش عليه أهي دي بقي إللي تبقي الثواب الكبير يا حبيبتي
- و هنا وقفت الزوجة و نكشت شعرها و شرشحت و لمت عليه العمارة و الشارع و الجزار و البقال و بتاع عصير القصب و عينك ما تشوف إلا النور
- إشتغلت بعلو صوتها ياراجل ياطفس يابو عين زايغة أنا كنت شاكة و تقريباً متأكدة إن في حاجة بينك و بين أمينة بنت المبقعة ليلتك سوده إنت و هي
- و في النهاية وقع الخايب كان فاكر إن الحداية بتحدف كتاكيت 😂😂😂
رايحه فين وريني التعليق الحلو لو ضحكتي