القائمة الرئيسية

الصفحات

أحدث الروايات

رواية انا بنت مين #كاملة

رواية انا بنت مين #كاملة

الجزء الاول
مرت ثلاثة ايام علي وفاة زوجها الملياردير رفعت المصري انها عصمت بركات سيدة الاعمال .. امرأة متميزة وناجحة ولها مكانة مرموقة في المجتمع الي جانب نشاطها الخيري المعروف لديها ابنة واحدة اسمها سلسبيل ممثلة معروفة عمرها ٢٣ عاما خريجة المعهد العالي للسينما تعشق التمثيل فلديها موهبه حقيقية استطاعت ان تفرض نفسها في الوسط الفني حتي اصبح لها ملايين من المعحبين وبالليل بعد ان دخلت عصمت غرفتها بعد يوم شاق وحزين فما زالت تتلقي العزاء في زوجها ويأتيها القاصي والداني الغني والفقير العزيز والحقير .. شخصيات عديدة في مختلف المجالات وعلي مختلف المستويات جآت لتقدم واجب العزاء واثناء صعودها علي السرير لكي تريح جسدها جأتها مكالمة من نمرة مجهولة ظنت انه شخص ما يريد ان يقدم واجب العزاء فأجابت ..
عصمت .. الو 
شخص مجهول يتحدث بأسلوب همجي ومستفز.. الو .. اه يا ست الكل والله ما انا عارف اعزيكي ولا اهنيكي ؟!!
عصمت بتعجب .. مين معايا ؟!!
المجهول .. مش مهم تعرفي انا مين .. بصي انا هعزيكي وههنيكي في نفس الوقت .. هعزيكي عشان وفاة المرحوم وههنيكي عشان الفلوس المتلتلة والخير اللي انتي ورثتيه انتي والنبي حارصها سلسبيل.. هي مش اسمها سلسبيل برضوا
عصمت .. انت مين وعاوز ايه ؟!!
المجهول .. جبتي المفيد .. عاوز ايه .. بصي من غير مقدمات ولا لف ودوران انا عاوز ١٠ مليون جنيه .. هتقوليلي ليه ؟!! هقلك عشان اخرص واحط لساني جوة بقي ومرحش اقول لأخوات جوزك ان المحروصة سلسبيل هانم مش بنت اخوهم 
عصمت بغضب .. انت بتقول ايه يا متخلف ؟!!
المجهول ..زي ما بقلك كدا وبدون غلط لو سمحتي .. سلسبيل لا بنت رفعت بي الله يرحمه ولا بنتك انتي كمان وعاوزة تتأكدي روحي اعملي dna وانتي هتعرفي انها مش بنتك .. معلهش هو خبر مؤلم بالنسبة لك ومش وقته .. بس دي فرصتي اضرب ع الحديد وهو سخن .. اه .. قلنا ايه هتجيبي الفلوس وحلال عليكي الباقي ولا نطير علي عمام البنت ونقول الحقيقة 
عصمت .. اقفل يا حيوان ومترنش هنا تاني
المجهول .. ليه!!  الطيب احسن انتي ست ليكي اسمك ومكانتك وبنتك فنانة مشهورة فبلاش شوشرة احسن 
عصمت تغلق الخط في وجه المتصل ويبدوا انها لا تعير المكالمة اهتماما فقد ظنت انها مكالمة الغرض منها النصب والاحتيال ولكن تأتيها صورة علي الواتساب من نفس الشخص تصاب بالصدمة عندمت تراها ..
وكما عودتكم القصة شيقة واحداثها مثيرة .. تابعوني الكاتب والسيناريست المصري محمد مالك
[٢٨/‏٥ ٨:٤٦ م] محمد مالك: والآن موعدنا  مع البارت الثاني من الرواية التي حظت علي اعجاب الكثيرين بمجرد نزول البارت الاول منها انها رواية ..
انا بنت مين؟
 ↚
البارت الثاني 
وصلت صورة ع الواتساب ل عصمت بركات من نفس رقم المجهول الذي كان يكلمها واذا بها تفتح الصورة فتصاب بالصدمه انها صورة لابنتها وهي بصحبة امرأة اخري ويبدوا في الصورة ان المرأة ترتدي زي العمليات وترقد علي سرير بإحدي المستشفيات وتحمل البنت بين يديها وهي تبتسم فهذه الصورة التقطت لها بعد الولادة مباشرة . . عصمت تصاب بالدهشة فالبنت التي تحملها تلك المرأة هي سلسبيل ولكن من هي هذه المرأه ؟!! بدأ الشك يتسلل الي قلبها ثم تتصل بالمجهول ..
المجهول .. الو . . كنت متأكد انك هترني بعد ما تشوفي الصورة .. اه .  اتأكدتي بقي ان البنت دي مش بنتك .. اهو بقي الست اللي شيلاها في الصورة دي امها الحقيقية .. 
عصمت .. هي البنت فعلا شبه سلسبيل وهي صغيرة
المحهول .. شبه سلسبيل !! هي فعلا سلسبيل 
عصمت .. طب مين الست دي اللي شيلاها؟!!
المجهول .. ما قلتلك امها 
عصمت .. اسمها ايه ؟! وساكنه فين ؟
المجهول .. ليه؟!!
عصمت .. عشان ارحلها واعرف الحكاية بالظبط .. واتأكد بنفسي
المجهول .. لا مش هقدر اقلك
عصمت .. لانك كداب ونصاب ودي صوره متفبركه .. وانا هبلغ البوليس انت باين عليك مش عارف انا مين ومرات مين !!
المجهول .. ههههه .. انا عارف كويس انتي مين ومرات مين وعندي ملف كامل عنكم والبنت دي مش بنتك والصورة مش متفبركه وممكن تتأكدي من دا بنفسك وقلتلك روحي اعملي تحليل انتي وبنتك وهتعرفي انها مش بنتك .. قلنا ايه؟!!
عصمت .. طب لو البنت دي مش بنتي !! المولود اللي انا ولدته راح فين ومين اخد ابني واداني البنت دي ؟!!
المجهول .. كلام سليم حقك تسألي وواجب عليا اجاوبك .. انتي ولدتي ولد زي القمر وابنك اتاخد بصنعة لطافة واتحطلك مكانه البنت دي 
عصمت .. ليه ؟!! ومين اللي عمل كدا ؟!!
المجهول .. ليه ؟!! ومين ؟!! مش هقدر اجاوبك بصراحة 
عصمت .. ليه يبقي انت فعلا نصاب ومعندكش كلام حقيقي تقوله
المجهول .. انا مش نصاب وكل اللي قلتهولك صدق لكن مقدرش اقلك اكتر من اللي قلته عشان متأذيش 
عصمت .. يعني انت عارف مين اللي اخد ابني ؟!! وليه عمل كدا ؟!!
المجهول .. انا عارف مين اللي نفذ العمليه دي .. لكن نفذها لصالح مين وليه ؟ انا معرفش
عصمت .. يعني انت متعرفش ابني عند مين دلوقتي ؟!!
المجهول .. ورحمة ابني هشام ما اعرف 
عصمت .. طب قلي مين اللي اخد ابنه واوصله ازاي
المجهول .. صدقيني مقدرش لو عرف اني هكلمتك هيئذيني وممكن يقتلني .. كفايه اللي قلتهولك واتأكدي منه براحتك .. قلنا ايه ؟!!
عصمت .. يومين واتصل عليا 
المجهول .. يومين وهكلمك ولو ادتيني بومبه انا اسف في اللي هعمله .. سلام 
عصمت تغلق الخط وتفكر في كلام المجهول ثم تقوم وتفتح البوم صور ل سلسبيل وهي مولوده وتقارن بين الصورتين فتتأكد انها هي سلسبيل وهي رضيعه
عصمت .. مش معقول ؟!! 
ثم تدخل سلسبيل فترتبك الام 
سلسبيل متعجبه.. ايه يا ماما .. بتقلبي ليه في البوم صوري وانا صغيرة ؟!! عاوزه تفتكري شكلي وانا بيبي ؟!!
عصمت .. انتي مهما كبرتي هتفضلي بيبي في نظري
سلسبيل .. ربنا يخليكي ليا يا ست الكل .. بقلك ايه يا ماما
عصمت .. قولي يا روح ماما 
سلسبيل .. المخرج كلمني وقالي انه صور الفيلم كله ومش فاضل غير الشوطات بتاعتي واهو المرحوم بابا عدي علي وفاته ٣ ايام .. ممكن انزل الشغل بقي .. لأحسن المخرج خارب الدنيا وعايز ينزل بالفيلم علي عيد الفطر
عصمت .. اوك يا حبيبتي انزلي شوفي شغلك مالوش لزوم تعطلي مصلحتك ومصالح الناس اكتر من كدا
سلسبيل تقبلها .. ربنا يخليكي ليا يا احلي واغلي ام في الدنيا 
عصمت .. قليلي بقي .. هو الفيلم اسمه ايه ؟
سلسبيل .. انا بنت مين ؟
عصمت بدهشه .. ايه؟!!

سلسبيل .. مالك يا مامت اتخضيتي ليه كدا ؟!! الفيلم اسمه انا بنت مين؟
عصمت .. اه .. اوك بالتوفيق يا حبيبتي 
سلسبيل .. هتكوني معايا في العرض الخاص للفيلم عشان اتباهي بيكي قدام الناس كلها والناس تعرف ان سلسبيل المصري الممثلة الناجحة بنت عصمت بركات سيدة الاعمال المعروفه
عصمت .. ان شاء الله 
سلسبيل .. مالك يا ماما في حاجة مضيقاكي؟!!
عصمت .. لا يا حبيبتي بس ابوكي وحشني
سلسبيل .. الله يرحمه .. حسك بالدنيا .. اروح انا بقي استعد للسفر عشان المشاهد بتاعتي في الغردقة 
عصمت .. اتفضلي يا حبيبتي 
سلسبيل .. باي يا ماما .. ثم تقبلها 
واثناء توجهها خارج الغرفة تنادي عليها عصمت
عصمت .. سلسبيل 
سلسبيل .. نعم يا ماما
عصمت .. طمنيني اول ما توصلي بالسلامة ومتقغليش موبيلك زي عوايدك
سلسبيل .. حاضر .. اشوف وشك بخير .. باي
عصمت .. مع السلامة يا بنتي .. ثم تتنهد وتقول .. لا حول ولا قوة الا بالله . 
تابعوني والبارت الثالث .. تحياتي الكاتب والسيناريست المصري محمد مالك.
[٣٠/‏٥ ١١:٢٥ م] محمد مالك: رواية انا بنت مين 
البارت الثالث
للكاتب المصري محمد مالك
تسافر سلسبيل الي الغردقة لاداء دورها في فيلمها بينما تظل عصمت في حيره وتشتت وتفكير متواصل بسبب اتصال المجهول بها والامر الذي اخبرها مما دفعها الي التأكد من صحة قوله فذهبت الي استديو احد كبار المصورين في مصر والعالم العربي وعرضت عليه تلك الصورة للتأكد من حقيقتها
عصمت .. ايه الاخبار يا عم عوض ؟
عوض .. الصوره يا ست هانم مش فوتوشوب دي حقيقية بس وجه الست اللي في الصورة مش حقيقي دا وجه متركب عشان يخفي وجهها الحقيقي 
عصمت .. اها .. طب والطفلة اللي في الصورة دي مش هي نفس الطفلة اللي في الصورة التانية ؟
عوض .. اه تقريبا هي نفس الطفلة 
عصمت .. لا يا عم عوض انا مش عاوزه تقلي تقريبا .. هي ولا مش هي ؟
عوض .. هي يا ست هانم 
عصمت .. انت متأكد يا عم عوض .. كلامك ده هيتبني عليه حاجات كتير 
عوض .. عيب يا ست هانم .. ٣٠ سنه مصور دا انا اشتغلت مع كبار الفنانين زي المرحوم رشدي اباظة والمرحوم فؤاد المهندس واشتغلت كمان مع السندريلا .. سعاد حسني وسيدة الشاشة العربية فاتن حمامة .. عقبال يارب كدا ما اشوف بنت سعتك سلسبيل هانم زيهم
عصمت .. ان شاء الله .. شكرا يا عم عوض .. بعد ازنك
عوضر.. ازنك معاكي يا ست الكل .. والبقية في حياتك 
عصمت .. حياتك الباقية .. سلام
وتعود عصمت الي المنزل وقد ازدادت حيرتها بعدما سمعت كلام عوض وتأكدت ان الصورة حقيقية ولكن لماذا اخفي المجهول وجه السيدة التي في الصورة بوجه اخر ؟!! سؤال محير يدور في ذهن عصمت واعتقدت انه تعمد اخفاء الوجه الحقيقي حتي لا تتعرف عليها عصمت .. فربما تلك السيدة التي في الصورة تعرفها عصمت .. وعصمت تحادث نفسها بكلام يدور في عقلها
عصمت .. وبعدين في الحيرة دي !! الصورة طلعت حقيقية !! طب ليه الراجل ده اخفي وشها الحقيقي ؟!! اكيد عمل كدا عشان متعرفش علي في الصورة .. ما ممكن تكون واحدة انا اعرفها وهو عارف ومتأكد اني لو شفتها هتعرف عليها اكيد .. ايه اللي انتي بتقليه ده يا عصمت ؟!! انتي صدقتي كلام النصاب ده ؟!! وبدأتي تشكي ان سلسبيل فعلا مش بنتك ! لا لا .. اعوذبالله من الشيطان الرجيم .. سلسبيل بنتي وحبيبتي كمان .. دا اكيد نصاب .. بس ازاي يكون نصاب !! دا بيتكلم بثقة .. يا حول الله ياربي .. ايه اللي بيحصل ده؟!! طب لو سلسبيل فعلا مش بنتي .. امال بنت مين ؟!!
وفجأة تتذكر صديقتها انتصار فقد حملت معها وولدت في نفس التوقيت وكانت دائما تقول ان زوجها يهددهت انها لو انجبت بنت سوف يطلقها فقد انجبت ثلاث بنات من قبل وهذا هو الحمل الرابع لها وانها وضعت ولد وفعلا جميل الملامح كما اخبرها المجهول .. وانه بحب عصمت كثيرا ودائما يناديها ب ماما
عصمت .. معقول !! وليد ابن انتصار هو ابني ؟!! معقول سلسبيل تبقي بنت انتصار ؟!! معقول انتصار تكون خطفت ابني واديتني بنتها؟!!
الاحداث اشتعلت وعصمت دخلت في دوامة الشك وبدأت تبحث عن الحقيقة .. تُري ماذا حدث؟؟
هذا ما سنعرفه من البارت الرابع .. تحياتي الكاتب والسيناريست المصري محمد مالك.
[٥/‏٦ ١٠:٣١ ص] محمد مالك: رواية انا بنت مين 
للكاتب المصري محمد مالك
البارت الرابع
عصمت تريد ان تتأكد هل وليد ابن انتصار هو ابنها ام لا .. لانها الوحيدة التي وضعت في نفس التوقيت التي وضعت فيه عصمت ولكن كيف ستتأكد من ذلك ؟ ثم اتصلت ب انتصار
عصمت .. انتصار حبيبتي .. اخبارك ؟!!
انتصار .. عصمت هانم .. عاملة ايه قلبي عندك يا حبيتي وربنا يجعلها اخر الاحزان 
عصمت .. ميرسي جدا يا انتصار ربنا يخليلك احمد جوزك وابنك وليد 
انتصار .. ازي دلوعتنا سلسبيل عاملة ايه؟!!
عصمت .. اهي سافرت الغردقة عندها تصوير فيلم هناك 
انتصار .. بجد !! سافرت كدا من غير ما تيجي تودعني !! اغص عليها بجد زعلانه منها
عصمت .. معلش المخرج راوشها بقاله كام يوم فمكنتش مركزة خالص وقررت السفر فجأة
انتصار .. يا حرام .. ربنا يوفقها يارب .. بجد بنتك دي يا عصمت قريبة اوي من قلبي وبحبها زي ابني وليد ويمكن اكتر .. وربنا يعلم مبستحملش يعدي يوم غير لما اشوفها او اسمع صوتها.. 
عصمت .. ياه !! للدرجه دي ؟!!
انتصار .. واكتر صدقيني
عصمت .. اها !! سبحان الله اللي يحبه ربنا بيحبب فيه خلقه ..زي ما وليد ابنك كدا بيحبني ومتعلق بيا اوي
انتصار .. تصدقي ومن غير ما تزعلي مني ساعات بضايق اوي لما كل شوية يقلي ماما عصمت ماما عصمت .. اروح ل ماما عصمت .. اسأل ماما عصمت .. لدرجة اني قلتله يابني قلي بالظبط هو مين فينا امك ؟!! انا ولا ماما عصمت ؟!! 
عصمت .. اها ؟!! سبحان الله انتي بتحبي بنتي اكتر من ابنك وابنك بيحبني اكتر منك ! 
انتصار .. وانتي تستاهلي الناس كلها تحبك يا حبيبتي .. طول عمرك طيبة واعمالك الخيرية كتيرة 
عصمت .. ربنا يخليكي يا انتصار .. امال فين وليد ؟!!
انتصار .. وليد ليه كام مع باباه بيخلصوا بضاعة من جمرك بورسعيد هيرجع انهارده بالليل 
عصمت .. يرجع بالسلامة .. انا هبقي اكلمه .. يلا يا حبيبتي اشوفك علي خير
انتصار .. ماشي يا عصمت مع السلامة
عصمت .. مع السلامة 
ازداد القلق والشك عند عصمت بعد هذه المكالمة تُري ماذا حدث بعد ذلك ؟
انتظروني والبارت الخامس من الرواية .. تحياتي الكاتب والسيناريست المصري محمد مالك.
[١٠/‏٦ ٣:١١ م] محمد مالك: رواية انا بنت مين
البارت الخامس 
للكاتب المصري محمد مالك
عصمت في حيرة وقلق وازداد قلقها بعد المكالمة التليفونية مع انتصار واصبحت تريد ان تتأكد اذا كان وليد ابنها ام لا ولكن كيف ستتأكد من ذلك .. فخطر علي بالها ما ستفعله الان ..
قامت بالاتصال علي وليد 
عصمت .. ايه يا وليد اخبارك يا حبيبي ؟
وليد .. انا الحمد لله .. اخبارك ايه انتي يا ماما عصمت ؟
عصمت .. الحمد لله بخير .. رجعت بالسلامة ولا لسة ؟
وليد .. رجعت امبارح 
عصمت .. حمد الله ع السلامة .. طب ما تيجي تقعد معايا شوية انا لوحدي وسلسبيل في سفر عشان الفيلم بتاعها .. ايه ماما عصمت موحشتكش ؟!!
وليد .. بالعكس وحشتيني جدا يا ماما .. خلاص بالليل هاجي واقعد معاكي شوية 
عصمت .. خلاص ونتعشي مع بعض .. هستناك .. اوك ؟
وليد .. اوك .. باي يا ماما
وبعد ان يحضر وليد في الموعيد المحدد تتصل عليها احدي السيدات قد اتفقت معها عصمت ان تتصل بها في هذا التوقيت وتخبرها بأن ابنتها تعرضت لحادث وتحتاج لنقل دم 
عصمت .. وحشتني اوي يا وليد 
وليد .. وانتي كمان يا طنط 
عصمت .. قلي بقي اخبارك ايه .؟!!
وليد ..اهي ماشية
ثم يرن تليفون عصمت
عصمت .. ثواني يا وليد .. الو .. مالك يا الفت .. معقول .. يا ساتر يارب .. طب اهدي اهدي .. هي فصيلة دمها ايه ؟ .. انت فصيلة دمك ايه يا وليد  ؟
وليد .. O+
عصمت .. طب اهدي بس انا جاية حالا
وليد .. خير يا ماما؟
عصمت .. دعاء بنت الفت صحبتي عملت حادثة خطيرة ومحتاجة نقل دم وفصيلتها o+
وليد .. يا ساتر .. طيب انا فصيلتي زيها بالظبط انا جاي معاكي اتبرعلها بدمي عادي
عصمت .. لا يا حبيبي .. احنا هنتصرف
وليد .. يا ماما انا موجود وما دام في ايدي اقدم خدمة ايه المانع اني اتأخر !!
عصمت .  ماشي يا حبيبي زي ما تحب يلا بينا 
استطاعت عصمت بخيلة ذكية ان تحصل علي عينة من دم وليد لتحليلة حتي تتأكد اذا كان وليد ابنها ام لا وبعد ايام ظهرت نتيجة التحليل تفيد بعدم تطابق العينات اي ان وليد ليس بأبنها وبهذا استبعدت وليد من دائرة الشك وبقي ان تتأكد اذا كانت سلسبيل بنتها ام لا 
ماذا فعلت ؟ هذا ما سنعرفة من البارت السادس .. تابعوني .. تحياتي محمد مالك.
[١٢/‏٦ ٢:١٣ م] محمد مالك: رواية انا بنت مين
البارت السادس 
للكاتب المصري محمد مالك
عصمت بعد ما قدرت بحيلة ذكية منها انها تاخد عينة من دم وليد وتحلله عشان تتأكد ان وليد ابنها او لا واكتشفت ان وليد مش ابنها وتجلس عصمت بمفردها يكاد يقتلها التفكير والحيرة اصبحت لسان حالها تحادث نفسها دائما
عصمت .. وبعدين يا عصمت اهو وليد اللي شاكة انه يكون ابنك طلع مش ابنك .. كدا مش فاضل غير اني اعمل تحليل كمان ل سلسبيل عشان اتأكد اذا كانت بنتي او لا .. ايه اللي جري لك يا عصمت مجر تليفون من انسان مجهول متعرفيش نيته ايه يخليكي في الدوامة دي كلها !! ما جايز يكون كداب !! طب والصورة اللي بعتها ما طلعت حقيقية والبنت اللي فيها هي سلسبيل وكمان بيتكلم بكل ثقة  .. وبعدين في الحيرة دي ؟!! كدا لازم اعمل التحليل ل سلسبيل عشان اتأكد .. طب لو طلعت فعلا مش بنتي اعمل ايه ساعتها ؟!! وهي نفسها ايه اللي هيجري لها لو عرفت انها مش بنتي ولا بنت رفعت المصري ؟!! طب ولو الكلام ده صح مين اهل البنت دي ؟!! وفين ابني اللي بيقول عليه ؟!!
وفجأة يتصل بها المجهول
عصمت .. الو 
المجهول .. مساء الفل .. يعني غبتي وقلتي عدولي ؟!! فين الفلوس ؟!!
عصمت .. انا مش هديك ولا مليم الا لما تقلي الحقيقة كاملة دا لو فعلا كلامك صح
المجهول .. هترجعي تاني تشكي في كلامي ما انا قلتلك اتأكدي براحتك ولا انتي غاوية تماطلي معايا وخلاص ؟!
عصمت .. عشان تاخد الفلوس اللي قلت عليها لازم تقلي مين اهل البنت دي وابني عند مين دلوقتي 
المجهول .. قلتلك مقدرش .. هتئذي لو اتكلمت 
عصمت .. وانا مش هدفع جنيه واحد الا لما اعرف الحقيقة كاملة واتأكد من دا بنفسي
المجهول .. متضطرنيش اروح ل عمام البنت واقولهم علي كل حاجة .. هتخسري الجلد والسقط
عصمت .. ولنفرض ان كلامك صح ورحت قلت ل عمام سلسبيل انت فاكر هيدوك مكافأتك ١٠ مليون جنيه !! تبقي بتحلم .. دا قليل ان طلبولك الشرطة .. مصلحتك معايا انا بس انت اتكلم وقول كل حاجة
المجهول .. يعني لو عرفتي الحقيقة كاملة هتدفعي الفلوس ؟!
عصمت .. اكيد 
المجهول .. خلاص سيبيني يومين ادورها في دماغي وهتصل بيكي تاني 
عصمت .. براحتك 
المجهول .. سلام 
وتغلق عصمت الخط وفجاة تجد سلسبيل امامها ووجهها حزين جدا والدمع في عينيها
عصمت .. سلسبيل !! انتي جيتي بالسلامة يا حبيبتي؟ مالك يا سلسبيل ؟؟!
سلسبيل .. انا بنت يا عصمت هانم ؟!!
الاحداث اشتعلت بالفعل تابعوني والبارت السابع .. تحياتي محمد مالك.
[١٢/‏٦ ٦:٥١ م] محمد مالك: رواية انا بنت مين 
البارت السابع
للكاتب المصري محمد مالك
سلسبيل .. انا بنت مين يا عصمت هانم ؟!!
عصمت .. انتي بتقولي ايه انتي بنتي انا طبعا 
سلسبيل .. لا مش بنتك وبلاش تكدبي انا عرفت كل حاجة
عصمت .. عرفتي ايه ؟!!
سلسبيل .. عرفت اني مش بنتك وان ابويا مش ابويا .. قليلي انا بنت مين ؟!! قليلي ريحيني من ابويا وامي الحقيقيين ؟!!
عصمت .. انتي بنتي انا وهتفضلي بنتي انا ومحدش يقدر ياخدك مني ابدا يا سلسبيل فاهمه ؟!
سلسبيل .. خلاص يا ماما اهدي .. انفعلتي ليه اوي كدا ؟!! دا مشهد من الفيلم بتاعي قلت امثله قدامك اشوفك هتقتنعي بيا كممثلة وتصدقيني ولا لا .. بس الواضح انك صدقتيني يا عصمت واندمجتي معايا كمان 
عصمت .. اغص عليكي يا سلسبيل بقي كدا ؟
سلسبيل تقبلها .. وحشتيني يا ست الكل 
عصمت .. وانتي كمان .. خلصتي تصوير ؟
سلسبيل .. الحمد لله .. يارب بقي تعبنا يجي بفايدة ويعجب الناس 
عصمت .. اكيد هيعجب الناس انتي ممثلة موهوبة .. اذا كنت انا صدقتك الناس مش هتصدقك ؟!!
سلسبيل .. يارب يا ماما الفيلم ينجح ويكسر الدنيا .. اما اروح بقي اغير هدومي واخد شاور عشان نتفرج مع بعض علي المونتاج بتاع الفيلم .
عصمت .. روحي يا قمر وانا هخلي الدادا تحضرلك العشا 
وبعد ان تذهب سلسبيل تقول عصمت لنفسها..
عصمت .. وقعتي قلبي يا سلسبيل .. يارب يطلع كل كل الكلام دا كدب انا مستحملش موقف زي دا ابدا 
ثم نري المجهول ويدعي ثروت يتقابل مع شخص اخر يدعي شعراوي 
ثروت .. قلي بقي يا فتك هنعمل ايه في الورطة دي ؟!! اهو راسها والف سيف مش هتديني مليم واحد غير لما قلها الحقيقة كاملة
شعراوي .. خلاص يبقي دبور وزن علي خراب عشه .. مشوار بسيط ل عمام البنت ونعرفهم الحقيقة ويبقي هدينا عليها الدنيا دا غير الفضايح ليها ولبنتها ودول ناس معروفه وسط البشر
ثروت .. يا فالح انت .. واحنا لما نهد الدنيا عليها .. هنستفاد ايه احنا بقي ؟!! اه .. ومش بعيد عمام البت يسلمونا للشرطة وسين وجيم والبت جت ازاي والواد راح فين ونروح في ستين داهيه
ثروت .. طب هنعمل ايه ؟! خلاص نقلها الحقيقة ونخلص 
شعراوي .. بس انا خايف من الخطوة دي .. الدنيا هتولع بسببنا وممكن ندفع تمن ده حياتنا .. انت ناسي اننا قبضنا التمن زمان بعد ما بدلنا الواد بالبت .. انت عارف اهل الواد شكلهم ايه .. اسهل حاجة عندهم القتل 
ثروت .. حيرتني معاك ! امال عاونا نعمل ايه بالظبط ؟!!
شعراوي .. الموضوع ده عاوز تفكير بحيث اننا منظهرش في الصورة خالص وكأن الموضوع جه بالصدفه
ثروت .. خلاص .. طول عمرك بتفكر وانا بنفذ .. فكر وشوف هنعمل ايه شعرواي .. هفكر في حكاية ولا حكايات الف ليلة وليلة 
ونعود الي عصمت حيث قامت بوضع مخدر ل سلسبيل في الطعام فنامت واحضرت طبيبة من معمل للتحاليل لسحب عينة من دم سلسبيل 
عصمت .. تعالي يا نور نامت خلاص 
نور تسحب العينة 
عصمت .. النتيجة هتبان امتي ؟
نور .. يعني كمان يومين
عصمت .. خلاص هستني تليفونك 
نور .. اطمني هتطلع بنتك ان شاء الله وربنا مش هيكسر بخاطرك ابدا طول عمرك واقفة جمب الغلبان
عصمت .. يارب يا نور .. دا انا لو سلسبيل مطلعتش بنتي انا هموت .. صدقيني هموت بجد
نور .. اطمني وقولي يارب 
عصمت .. يارب 
وبعد يومين الام وبنتها تجلس امام التلفاز وتري سلسبيل اعلان فيلمها يُعرض علي الشاشة فتطير فرحا
سلسبيل .. شايفة يا ماما .. اعلان الفيلم نزل اهوه .. انا اهوه ياماما .. 
الام .. دايما منورة الشاشة يا عمري ..
وفجأة يرن موبيل عصمت والمتصل نور طبيبة المعمل ويبدوا انها تريد ان تخبر عصمت بنتيجة الفحص وتتغير معالم وجه عصمت ونري عليها القلق والتوتر 
سلسبيل .. ماما تليفونك بيرن !!
عصمت .. ايه ..
سلسبيل .. ردي علي الموبيل !!
عصمت .. حاضر 
وبيد مرتعشة تلاحظها سلسبيل تمسك المحمول وتجيب
ماذا حدث ؟ تابعوني والبارت الثامن .. تحياتي الكاتب والسيناريست المصري محمد مالك.
[١٣/‏٦ ٦:٤٣ م] محمد مالك: رواية انا بنت مين
البارت الثامن
للكاتب المصري محمد مالك
عصمت .. الو
نور .. ايوه يا عصمت هانم.. للأسف سلسبيل مطلعتش بنتك .. انا متأسفة جدا كان نفسي اقلك خبر يفرحك 
عصمت .. اوك مع السلامة
سلسبيل .. مين يا ماما ؟!!
عصمت .. النمرة غلط .. بعد ازنك يا سلسبيل هطلع اوضتي ارتاح شوية .. 
سلسبيل تتعجب فقد تغير حال امها فجأة وانقلب رأسا علي عقب بعد تلك المكالمة وتصعد عصمت الي غرفتها وتغلق الباب من الداخل وتبدا بالبكاء الشديد وهي تقول 
عصمت .. لا حول ولا قوة الا بالله .. اعمل ايه دلوقتي بس ياربي ؟!! بنتي الوحيدة طلعت مش بنتي ! وابني معرفش عند مين دلوقتي ؟! وهل اذا كان عايش او ميت ؟! يا الله.. ثم تتذكر المجهول الذي كان يكلمها وتتصل به 
عصمت .. الو .. فكرت في اللي قلتلك عليه؟
ثروت .. فكرت يا ست الكل بس انا شايف ان اللي يهمك في الموضوع انك تتأكدي ان بنتك مش بنتك .. لكن حصل ايه بالظبط دا موضوع ملوش لزوم تعرفيه
عصمت .. ملوش لزوم ازاي يا جدع انت ؟!! مش اعرف ابني عند مين ؟ وسلسبيل دي تبقي بنت مين بالظبط؟!!
عزت .. اها .. كدا انتي بقي عملتي ال dna واتأكدتي ان سلسبيل مش بنتك
عصمت .. ايوه لسة عرفة نتيجة التحليل حالا ودلوقتي لازم اعرف البنت دي بنت مين وابني عند مين دلوقتي ؟!! انت لو عايز فلوسك لازم تقلي كل حاجة
ثروت .. خلاص انا هقلك علي خيط يوصلك لأبنك وانتي عليكي بقي تمسكي بطرف الخيط عشان توصلي للحقيقة .. هو ده اللي انا اقدر عليه .. غير كدا موعدكيش .. اتفقنا ؟!!
[١٤/‏٦ ١:٢١ م] محمد مالك: رواية انا بنت مين
البارت التاسع 
للكاتب المصري محمد مالك
عصمت .. ابني ؟!!
ثروت .. ايوا هو ده ابنك اللي اتاخد من حضنك اول ما اتولد واتبدل ب عدم لا مؤاخذه سلسبيل اللي هيا مش بنتك
عصمت .. وحسام الضبع ده بيشتغل ايه هناك ؟!!
ثروت .. هو صاحب الكبارية يا ست الكل .. دا حاجة كبيرة اوي والكل بيعمله الف حساب 
عصمت .. ابني انا فاتح كبارية ؟!! اوعي تكون بتكدب عليا ؟
ثروت .. عيب كنت كدبت عليكي في موضوع بنتك واديكي اتأكدتي انها مش بنتك وزي ما اتأكدتي انها مش بنتك هتتأكدي برضوا ان حسام الضبع ابنك
عصمت .. الضبع !! اسم غريب وكله شر
ثروتة.. ههههه .. كله شر !! دا هو الشر بذات نفسه 
عصمت .. قصدك ايه ؟!!
ثروت .. مش هقدر اتكلم اكتر من كدا انا دليتك علي ابنك وانتي بقي اعرفي الباقي بنفسك .. هتحيبي الفلوس امتي ؟!!
عصمت .. ولا مليم لحد ما اتأكد ان الشخص اللي بتقول عليه دا ابني واعرف ايه الحكاية بالظبط
ثروت .. وعدم لا مؤاخذه انا هفضل قاعد مستني لحد ما تتأكدي وتعرفي الحكاية ؟!! انا عاوز فلوس .. طب اديني حاجة امشي بيها حالي دلوقتي 
عصمت .. اشوف حسام الاول وبعدين نتكلم سلام
ثم تغلق الخط وتفكر عصمت قليلا ولكنها لابد ان تعرف الحقيقة كاملة فذهبت الي كبارية الفارس الابيض وكانت تلك المرة الاولي التي دخلت فيها سيدة الاعمال المشهورة هذه الاماكن وكانت المرة الاولي التي تشاهد فيها كبارية في الحقيقة وراقصات ولهو ولعب ثم سألت احد البودي جاردات التي يقفون داخل الصالة 
عصمت .. لو سمحت عايزة اقابل حسام الضبع
البودي جارد .. الكينج ؟!!
عصمت .. ايه ؟!
البودي. الكينج يعني مالك الصالة 
عصمت .. اه 
ثم ينادي علي احدي الراقصات اللاتي يعملن بالكبارية وتدعي مشيرة وهذه الراقصة مقربة جدا الي حسام
البودي .. مدام مشيرة .. الهانم عايزة تقابل الكينج
مشيرة .. طب مش نتعرف الاول .. الهانم تبع وزارة السياحة ولا شرطة الاداب؟!!
عصمت .. انا لا تبع ده ولا ده .. انا جاية وعايزة حسام في موضوع شخصي 
مشيرة .. شخصي ؟!! وشخصي من انهي نوع بقي ؟!! وعدك بالجواز وخلي بيكي !! ولا قضيتوا ليلة حلوة مع بعض ومحاسبكيش؟!!
عصمت .. ايه الكلام اللي انتي بتقولية ده ؟! انا ست محترمة 
مشيرة .. ههههه .. محترمة ؟!! طب يا ست المحترمة جاية كبارية وعاوزة تقابلي حسام الضبع اللي هو اساسا عمره ما عرف محترمين في حياته عشان ايه ؟!! اوعي تكوني عندك بنت وضحك عليها وعايزة تحوزهاله ؟؟!
عصمت .. ايه الكلام ده ؟؟! قلتلك عاوزة اقابل حسام في موضوع شخصي انتي مالك ؟!!
مشيرة .. مش مرتحالك .. تعالي معايا يا ختي 
ثم تصطحبها الي مكتب حسام ويكون حسام مديرا ظهره حيث يضع بعض المال في خزانته الخاصة 
مشيرة .. واحدة عايزاك يا كينج .. اتفضلي يا هانم
حسام يدير وجهه ناحيتها وفجأة يدق قلب عصمت عندما تراه فتجد شابا وسيما ذو لحية كثيفة يشبه ابيه تماما وكأنه هو امامها .. 
ماذا حدث .. تابعوني والبارت العاشر والاخير .. تحياتي محمد مالك.
[١٤/‏٦ ٣:٥٢ م] محمد مالك: رواية انا بنت مين
البارت العاشر
للكاتب المصري محمد مالك
عصمت .. مش معقول !!
حسام .. ايه هو اللي مش معقول ؟!! مين حضرتك ؟!!
عصمت .. استأذنك ممكن نبقي لوحدنا .. عايزة اتكلم معاك في موضوع شخصي
حسام .. اتكلمي عادي انا مش بخبي حاجة عن مشيرة
عصمت .. ياريت نكون وحدنا لان الموضوع حساس جدا
مشيره .. يوه !! ما قالك مبيخبيش حاجة عني ولا هي رزالة وخلاص ؟! اوعي تكوني انتي اللي حامل منه وخايفة تقولي اكمنك ست كبيرة وقرشانه
عصمت .. علي فكرة انا مش هقدر استحمل سفالتك دي اكتر من كدا !! بعد ازنك يا حسام عاوزة اتكلم معاك علي انفراد
حسام .. خلاص يا مشيرة بعد ازنك سيبينا لوحدنا 
مشيرة .. ماشي .. لما اشوف اخرتها
وتخرج مشيرة وتغلق عصمت باب المكتب ثم تقترب منه وتتأمل منظره .. تكاد لا تصدق انه يشبه رفعت المصري تماما وكانها فوله وانقسمت نصين ويلاحظ حسام ذلك 
حسام متعحبا.. انا ملاحظ ان حضرتك بتبصيلي اوي !! زي ما اكون شبه حد تعرفيه
عصمت .. انت فعلا شبه حد اعرفه 
حسام .. ههههه وياتري مين دا بقي سعيد الحظ اللي يشبه حسام الضبع؟!!
عصمت تخرج له صورة من حقيبتها ويبدوا انها صورة لوالده رفعت المصري وحسام ينظر الي الصورة في تعجب شديد
حسام .. مين دا ؟!! هو فعلا يشبهني !!
عصمت .. دا رفعت المصري ابوك يا حسام
حسام .. نعم !! ابويا ؟!! هههههه .. هو انتي شربتي حاجة في الصالة قبل ما تدخليلي ؟!! 
عصمت .. انا مبشربش يا حسام .. انا واعية لكل كلمة بقلهالك دلوقتي
حسام .. خلاص مادام مش شاربه حاجة يبقي اكيد انتي ست مجنونه ؟!!
عصمت .. الله يسامحك .. انا عازراك ليك حق متصدقش 
حسام .. اصدق ايه يا ست انتي ؟! 
عصمت .. تصدق كلامي لأن دي الحقيقة .. انت ابن رفعت المصري وابني انا كمان .. انا في الاول لما اتقالي انك ابني مصدقتش .. لكن لما شفتك قلبي اتخطف من مطرحه وكأن رفعت المصري لسة عايش ومامتش .. صدقني دي الحقيقة
حسام .. انتي شكلك جاية تهزي .؟!! ومينفعش حد يهزر مع حسام الضبع
عصمت .. انا معرفش اهزر اصلا انا سيدة اعمال وحياتي كلها جد .. انت مش عاوز تصدقني ليه ؟! طب اقلك علي حاجة انت تاريخ ميلادك ١٢ / ١٠ / ١٩٩٧ .. مش صح ؟!!
حسام .. صح !! انتي عرفتي منين تاريخ ميلادي ؟!!
عصمت .. لأن ده هو التاريخ اللي انا ولدتك فيه 
حسام .. انا مش فاهم حاجة ؟!!
تعالي نقعد في مكان هادي وانا هفهمك ثم تقص له القصة باكملها
حسام .. يعني انا ابنك انتي مش ابن فوزي الضبع ؟!!
عصمت .. مين فوزي الضبع ده ؟!
حسام .. دا ابويا هو صاحب الكبارية ده 
عصمت .. وفين فوزي الضبع ده ؟!! انا عاوزة اقابلة .. وعاوزة كمان اقابل امك ..قصدي الست اللي خطفتك مني وحرمتني السنين دي كلها منك وحرمت نفسها كمان من بنتها .. البنت الرقيقة الجميلة سلسبيل .. ازاي تسمح لنفسها تعمل كدا ؟!!
حسام .. للأسف ابويا وامي ماتوا في حادثة من ٥ سنين بس علي فكرة انا متأكد ان ابويا ميعرفش بالقصة دي 
عصمت .. وعرفت ازاي ؟!
حسام .. انا ابويا اتجوز قبل امي خمس نسوان وخلف منهم ١٢ بنت وكانت امي الست رقم ٦ وعلي ما اتحاكالي انه قالها لو محبتيش الواد من اول مره هتكون طالق وامي عشان كانت بتحب ابويا وما صدقت انها اتجوزته بعد انتظار طويل وخافت فعلا يطلقها اول ما ولدت البنت قامت مبدلاها بالولد اللي هو انا .. وبكدا انتي اخدتي البنت وامي اخدت الولد 
عصمت .. فاكر امك لما ولدت .. ولدت فين بالظبط 
حسام .. ايوه انا اتقالي حاجة زي دي .. مستشفي ايه .. مستشفي ايه .. ايوه مستشفي الرحاب 
عصمت .. مستشفي الرحاب دي جمب مستشفي الحنان اللي انا ولدت فيها!! انا نفسي اعرف مين المجرم اللي عمل كدا؟!! والحيوان اللي بيكلمني مش عاوز يقول
حسام .. مين اللي بيكلمك ؟
عصمت .. دا واحد بيهددني وهو اللي عرفني بالقصة دي كلها وطالب مني ١٠ مليون جنيه يا اما يروح يقول لعمام البنت ويفضح سرها 
حسام .. اديني نمرته 
عصمت .. حاضر .. بس باقي حاجة واحدة بس 
حسام .. ايه هي ؟
عصمت .. تعمل تحليل dna عشان قلبي يطمئن وارتاح
حسام .. بس انا الحمد لله معنديش اي امراض معدية
عصمت .. لا دا تحليل يثبت انك ابني 
حسام .. يا حول الله .. يعني شبه المرحوم الخالق الناطق ولسة عايزة تتأكدي ؟!
عصمت .. معلش هو تحليل بسيط عشان اطمن اكتر
حسام .. تمام .. الواحد والله ما مصدق اللي سمعه ده !! بقي انا حسام الضبع مبقاش ابن فوزي الضبع وابقي ابن رفعت المصري !! سبحان الله .. فعلا الحق لازم يرجع لاصحابه.. وانا والحق وانتي يا عصمت هانم اصحابه .. ولا اقلك يا ماما احسن
عصمت تبتسم وبالفعل يتم عمل تحليل dna ل حسام وتتأكد عصمت انه ابنها فعلا وفجأة تدخل سلسبيل علي امها بوجه عبوس وغاضب ومعها جريدة 
سلسبيل .. مين دا بقي اللي انتي متصورة معاه !! وازاي تسمحي لنفسك انك تقعدي مع شاب غريب في مكان عام وبابا لسة ميت ملهوش اسبوعين .. طب اصبري شوية يا مدام عصمت
عصمت .. بنت .  ازاي بتكلميني كدا ؟!!
سلسبيل .. وانتي ازاي تعملي كدا يا عصمت هانم يا سيدة الاعمال المشهورة
عصمت .. انا مش هرد عليكي
سلسبيل .. لأن معندكيش رد اصلا .. طب حتي اتكسفي علي نفسك .. دا من سني ولا انتي خلاص العجوز اللي كان معاكي مات .. قلتي اغير واخليها شاب المرة دي 
عصمت .. اخرصي يا قليلة الادب .. ثم تضربها بالقلم 
سلسبيل .. بتضربيني يا ماما ؟!! ع العموم مش عاوزاكي تنسي انك حرم المرحوم رفعت المصري ومكانتك وسط الناس لأن الجرايد بتقول ان الشاب اللي كنتي قاعده معاه ده صاحب كبارية واعماله كلها مشبوهه وعليه ١٠٠ علامة استفهام 
ثم تنصرف وتشعر عصمت بالذنب لأنها ضربت سلسبيل ثم يتصل بها حسام 
حسام .. اه يا ماما .. انا عرفت مين اللي كان بيكلمك وعملت معاه الصح
عصمت .. مين يا حسام ؟!!
حسام .. دا واد اسمه ثروت مراته كانت بتشتغل ممرضة في مستشفي الحنان اللي انتي ولدتيني فيها 
عصمت .. يبقي هي اللي خطفتك وبدلتك بالبنت 
عصمت.. ايوه واللي ساعده في كدا واحد اسمه شعراوي كان بيشتغل في مستشفي الرحاب ممرض برضوا
عصمت .. بس يبقي الراجل ده ومرات الراحل التاني هما اللي عملوا كدا 
حسام .. وانا قمت معاهم بالواجب
عصمت .. لا يا حسام انا مش عاوزاهم يروحوا يقولوا لعمام البنت .. انا عاوزة سلسبيل تفضل بنتي زي ما هي 
حسام .. انتي طيبة اوي يا ماما 
عصمت .. انا ناوية اديهم اللي عايزينه بس سلسبيل لازم تفهم اني انا امها .. لازم يا حسام 
واتفقا حسام وعصمت علي ان يبقي الوضع علي ما هو عليه وان يظل حسام امام الناس ابن فوزي ال
ضبع .. وسلسبيل تظل بنت عصمت ورفعت المصري ودفعت عصمت المبلغ المتفق عليه ل ثروت وشعراوي واخبرهم حسام اذا نطق منهم احد بكلمة سيموت وهم يعرفون من هو حسام الضبع جيدا وتمر الايام ويتقرب حسام من سلسبيل وتعلم انه قام بمقابلة امها لأنه معجب بها وانه يريد الزواج من سلسبيل .. في الاول رأته شخصا فاشلا ولكن بعد ان رأته يحاول ان يصلح من نفسه ويتغير للأفضل من اجلها تعلقت به واحبته وبالفعل تزوجته وعاشا الاثنان مع امهما بالقصر والتي كانت في غاية الفرح والسرور واصبحت تقول انا عندي بنت وولد .. وحقق فيلم سلسبيل انا بنت مين نجاح ساحق وايرادات عالية واستطاعت عصمت ان تعثر علي ابنها في نفس الوقت التي رفضت فيه ان تتخلي عن سلسبيل .. لأن الام ليست التي تلد فقط .. انما الام هي التي ربت ... انتهت قصتي ولم تنتهي محبتي .. تحياتي الكاتب والسيناريست المصري محمد مالك.
هل اعجبك الموضوع :

تعليقات