هل جربت الموت
الموت نهايه الحياه الدنيا. هل جربت الموت .هل رأيت ما يحدث بعد موتك ..ليس في قبرك بل في الحياه بعدك .
رأيت فيديوهات كثيره عن ناس يموتون. منهم من مات وهو يصلي وآخر في كان بمحل وآخر يمشي وسقط فجأه. حتي لاعب كره يسقط أمامك فجأه
هل تخيلت نفسك مكانه. ياترى ايه هو حاسس ايه بيجراله. ايه شايف .كلنا شفناهم بيموتوا بس متخيلناش احساسهم. احساس مرعب محدش يعرف طعمه لأن هو إحساس وشعور بيكون مره واحده بس مش بتتكرر. ملائكة قبض الأرواح مع ملك الموت جايين عليك فجأه بدون سابق إنذار هجوم شرس مطلوب منهم قبض روحك حالا ثواني معدودة تقبض الروح فيها وهم لا يفرقون. ..ذهبوا بك الي المقابر دفنوك بكي عليك أصدقاء واقارب. ...قالوا مات ازاي قالوا كده فجأه .وحكوا قصه موتك رجعوا سلموا علي بعض .رجعوا بيوتهم اكلوا وشربوا. وشويه وعملوا العزاء. وكله راح علي بيته. اخوك راح لزوجته واختك لزوجها. وانت هناك في عالم غير عالمنا. ..صديقك المقرب راح قابل واحد تاني قالوا كنت فين قالوا كنت في جنازة فلان. .قاله ليه هو مات لا حول ولا قوة الا بالله العلي العظيم. مات ازاي .ده كان معايا من يومين. .حبيبتك زعلت عليك وبعد شويه أتقدم ليها واحد قالولها الحي ابقي من الميت اتجوزي وافرحي. .أو زوجتك قالولها انتي هتعيشي كده انتي لسه صغيره. لازم تتجوزي. أهلك وقرايبك مش فاكرين منك غير ميراث بيتخانقوا عليه ...الكل بعد أيام بينساك وبعد شهر بينسوك اكتر .أيام كمان قليله معتش حد فاكرك لا استنا ...بتيحي فين وفين علي بالهم ساعات ويقولوا ياااه. .الله يرحمه بقا ده كان طيب. .الدنيا ماشيه وانت خلاص بقيت لا شي مجرد صورة آثار انسان كان عايش ...اللي مش شافك شخصيا ميصدقش انك كنت عايش يوم غير أن الناس تقوله كان لينا ابن اسمه فلان ومات ودي صورته يادوب صورة ..لو تعرف الناس هتنساك بعد موتك بعد اد ايه .كنت تبكي علي حالك... ارجع بذاكرتك زمان وانت طفل صغير وانت بتلعب مع الأطفال ذكريات حلوة .وكبرت ودخلت المدارس وعشت وكبرت. ياااه كانت أيام حلوة .مهما العمر طول بنحس انه قصير ...قصير اوي ...كنت وانت عايش بتفتح الفيس بوك تلاقي صورة شاب مات يقولو مات فقيد الشباب .تلاقيه شاب زي الورد. وسيم ماشاء الله. .كنت تقول لا حول ولا قوة الا بالله العلي العظيم مات ازاي يقولوا مات فجأه كده ..بس عمرك ما تخيلت نفسك مكانه ...فكر مره واحده بس انك تحط نفسك مكانه
هل هتظلم حد هل هتكسر حد هل هتخدع حد .هل هتنسي الله اكتر من كده مفكرتش تندم علي حياتك اللي فاتت
تفتكر الدنيا تستاهل ؟
تفتكر الدنيا تساوي شي ؟
كل إنسان الزمناه طائرهه في عنقه
في حديث جميل اوي للرسول صلى الله عليه وسلم
حديث مش مشهور بس حديث صحيح أو أننا أساسا مبنقراش أحاديث نبوية أساسا لأننا بعيد اوي عن الدين
قال رسول الله صلى الله عليه وسلم
إن صاحبَ الشمالِ ليرفعُ القلَمَ ستّ ساعاتٍ عن العبدِ المسلمِ المخطِيء أو المسِيء ، فإن ندمَ واستغفرَ اللهَ منها ألقاهَا وإلا كتبَ واحدةً
ربنا يمهلك الفرصه تتوب بس انت مصمم علي دنيا خايبه. بقا همك فيها تعيش فيها بس تأكل وتشرب وبس. واخدها هزار. ومن أصعب الأشياء تلاقي ناس تأخذ دينها هزوا
واحد بيصلي وهو يتكلم في موبايل أثناء الصلاه
وفيديو أم تضرب علي رجلها عشان بنتها بتاخد فلوس منها أثناء وهي تصلي. واللي تلاقيهم بيصلوا جماعه ويصلي بالمقلوب
قال الله
الَّذِينَ اتَّخَذُوا دِينَهُمْ لَهْوًا وَلَعِبًا وَغَرَّتْهُمُ الْحَيَاةُ الدُّنْيَا ۚ فَالْيَوْمَ نَنسَاهُمْ كَمَا نَسُوا لِقَاءَ يَوْمِهِمْ هَٰذَا وَمَا كَانُوا بِآيَاتِنَا يَجْحَدُونَ
لا حول ولا قوة الا بالله العلي العظيم
هل جربت الموت
طب تخيلت الحياه بعد موتك
عرفت انك رخيص عند الناس بعد موتك. ..رخيص اوي هينسوك بسرعه اوي
منهم اللي يدعيلك ومنهم اللي يدعي عليك
صدقني متساويش الدنيا والله ما تساوي. ..محدش يستحق حبك فيها غير حبيبك. ربك
حبيبك هو الله .والله مفيش حبيب غيره لما تتأكد بجد أن مالكش حبيب غير الله ساعتها هتكون وصلت لرضا الله عنك
أخوكم أحمد الحسيني.
