الدرس 19 من سلسلة قبسات روحانية
الاستعانة والاستعاذه
آسف لطول الدرس
الاستعانة بالجن في العلاج أو أمور الكشف وغيره هل هي حلال أم حرام ...الموضوع مهم جدا لكتير من الروحانيين. ..لأن الأمر مهم فهي دنياك وحسابك علي الله ...طبعا الموضوع ده اختلف فيه ناس كتير من علماء الدين. ..وكان فيه كلام مختلف ...انا الوقت مش هقول حلال أو حرام انا هقول وجهه نظري فقط وليس تحليل أو تحريم فأنا أبرئ نفسي من حد يقولي بحرم أو بحلل
أولا ايه الفرق بين الاستعانة والاستعاذه
الاستعانة أنني اطلب العون من شي لكي يساعدني في أمر ما
مثال انا بستعين بالدكتور عشان يعالجني. بس لو رجعت لرسول الله صلى الله عليه وسلم هنلاقي قال في الحديث اذا استعنت فاستعن بالله ...طب نشوف سورة الفاتحة ...إياك نعبد وإياك نستعين. .طب هل لما اروح لدكتور يعالجني كده بستعين بغير الله. ..لو واحد بيفسر لفظي كان قالك اه حرام انت مشرك لأنك بستعين بغير الله. ..أولا نتفق أن أي أمر كان ويكون وسيكون هو بأمر الله تعالى. ..يعني انا لو مريض وروحت لدكتور انا بنفذ أمر الله واخد بالأسباب أن الدكتور ده يساعدني ويعينني علي قضاء حاجتي ويكون سبب في شفائي. ..لكني في الأمر كله الاستعانة بالله في المطلق يعني منكرش فضل الله وأسبابه. ..وبرضو أفتكر أن الدكتور ده سبب في شفائي برغم أن ربنا قال واذا مرضت فهو يشفين. .بس ربنا مقلش ليك عندك حمي تفضل تصلي وتدعي الله ومستني انك تخف. .آه ممكن تخف بس ربنا أمرك تأخذ بالأسباب ولا تلقي نفسك في التهلكة ...وممكن مريض يلف علي دكاترة كتير ومحدش يعالجه وفي يوم يشفى بأمر الله ...فالاستعانه المطلقه بالله ...والأسباب تكون بخلق الله .زي اللي مات عندما وقعت عليه صخرة ..هل الصخرة قتلته أم هو مات بسبب وقوع صخرة عليه ...طبعا بسبب وقوعها فقط ..طب القاتل ليه بيدخل النار .برغم انه ممكن يتحجج ويقول انا كنت سبب في تنفيذ قدر الله فقط وهو كده ميت ميت ...طبعا هنا غلط في الفهم .فالقاتل غير قدر الله بأن مثلا أحمد الحسيني عمره 70 انت جيت قتلته في سن 40 سنه ..كما أنك غيرت قدر الله المحتوم وأيضا انك تعقل ومكلف ليس كالانعام أو الجماد. . ونفس الكلام الساحر يريد تغير قدر الله. وهذا عند الله ليس بسيط ده تدخل في شي خاص بربنا واعتداء علي الله ....عشان كده الساحر والقاتل كبعض خالدين في النار حتي لو مسلم موحد
طب انا لما بيجيلي قضيه طبعا بستعين بمحامي ولو هبني بيت بستعين بمهندس طب لو بحفظ قرآن ..بستعين حد بيعلمني
طب ممكن أستعين مثال بكلب في الحراسة أو الصيد ..أو أستعين بطائر في إرسال رسالة كالحمام الزاجل
فالاستعانه هي طلب المساعدة من شي في قضاء شي
كيف يا أخي تقول كدا. .مفروض الاستعانة من الله ...نعم يا أخي الاستعانة بالله في كل شي لكن تاخد بالأسباب ...وتتعاون مع خلق الله. .وكل ما في الأرض مسخر للإنسان ...فربنا لابد أن تعلم أنه صاحب الاستعانة المطلقه وقدره ومشيئته تتحقق في أسباب خلقه ومن ترتيبات أموره في خلقه ...فخذ بالأسباب
أما الاستعاذة. ..هنا فيه مشكله كبيره ...فالاستعانه دايما بتكون طلب العون ماهو أعلم منك بالشي تمام
أما الاستعاذة فهي طلب العون ماهو اقوي منك في الفعل ...وده حرام بكل المقاييس
ليه ايه الفرق
ربنا قال اذا قرأت القرآن فاستعذ بالله من الشيطان الرجيم
وأما ينزغنك من الشيطان نزغا فاستعذ بالله من الشيطان
نشوف كمان ايه
وَقُل رَّبِّ أَعُوذُ بِكَ مِنْ هَمَزَاتِ الشَّيَاطِينِ
واعوذ بك ربي أن يحضرون
فالاستعاذه هنا هي أنك تطلب المساعدة من الاقوي علي القوى ...بمعني الشيطان اقوي من الإنسان بالكثير ...فأنت كبشر لاتستطيع ولن تجد من ينجدك منه ابدا إلا من هو أقوى منه ..وهنا تكون الاستعاذة من الله فقط لأنه الاقوي. .إن كيد الشيطان كان ضعيفا. .ده بالنسبه لله تعالي .
فإنا الاستعاذة هنا تكون من الله فقط لا غيره لكي ينقذك من الشيطان ...فالشيطان يخاف من بني آدم جدا ولكن اقوي بكثير ..أول القوه انه يراكم هو وقبيلة من حيث لا ترونهم. .بس لو ظهر وانت مسكته اكيد هتقطعوا الف حته ..عشان كده يخاف يظهر لك متجسد ولو ظهر ليك بيكون ومضات أو خيالات بسرعة قبل منت تلحق تمسكه. .فهو هنا اقوي منك بقدرة اختفاءه. .فبالتالي بتستعيذ بالله منه لأن الله هو الاقوي. ..
طب نشوف ايه
وَأَنَّهُ كَانَ رِجَالٌ مِّنَ الْإِنسِ يَعُوذُونَ بِرِجَالٍ مِّنَ الْجِنِّ فَزَادُوهُمْ رَهَقً
طبعا الايه دي كتير من أهل العلم اختلفوا في تفسيرها. .منهم من قال إنها كان العربي عندما ينزل بوادي وهو مسافر ليلا كان ينادي كبير الوادي من الجن لكي يطلب منه أن يقوم بحمايته أي يستقوي بالكبير فيهم ويصلي له أو يقبل طلباته بالخضوع له حتي يحميه من باقي الجن
ومن هنا جاء الاستعاذة بأن الساحر يستقوي بالجن بأن ينفذوا له طلباته مقابل أن يخضع لهم ...والخضوع ليس شرطا أن يكفر بالله أو يشرك. .قد يكون موافقه علي أي طلب مقابل هذا العمل ..بأن يذبح مثلا له أو ينفق صدقه من أجله أو يطعم مساكين من أجله ...فكل ده ظاهره خير وباطنه كفر ..
إذا نفهم الاستعاذة تكون من شخص اقوي وليس بعده قوة ..ولا تصح الاستعاذة إلا بالله ...لأنه هو القوي المتين ..
فنجد في وصف الايه .وأنه كان رجال من الإنس .يعوذون برجال من الجن ...فزادوهم رهقا. ..ظن الإنس الذين يعوذون بجن أنهم ملكوا القوة والعظمة والمقدرة. .وهم في ضياع .بل حياتهم دمار ..وزادوا رهقا علي رهق الحياه .مضاعف. ..فتجد الساحر دايما تعبان ..حزين مكتئب ضايع. فاشل كل الفشل ..لو كان الجن اللي بيعوذه ده كان فالح كان فلح معاه ...ده حتي الرزق اللي هو الرزق مبيعرفش يجيبهوله. .تلاقي رزق الساحر بيجي من اللي ممعهوش جن ..الشخص العادي ..طب لو الجن ده نفعه كان راح جابله فلوس من البنك أو طلع له دهب من الأرض وجابها عنده ..
فإنه يستقوي علي الناس بالاستقواء بجن ويقوم بسحرهم واذاهم وجلب الضرر عليهم
طب الناس اللي بتعمل طلاسم تحضير جن محدد لقضاء شي محدد ...حرام لأنه استعاذه بالجن
طب اللي بيعمل قسم وتحضير وعزائم لاستحضار جن محدد. .ظن أن هذا الجن هو القوي وسوف يفعل ويفعل ..برضو حرام ..وهم أصحاب ايه انه كان رجال من الإنس يعوذون برجال من الجن
لاحظ لم يقل الله يستعينون أو للرسول فاستعن بالله بل قال فاستعذ بالله
عشان كده انا حذرت كتير من الحاجات دي
طب نفهم ايه ..نفهم ..إن الاستعانة شي عادي لأن الاستعانة بتكون فى علم ومنفعه للشخص ..وتعاون بين الخلق ...
طب الاستعاذة هي الاستقواء علي الخلق بما هو اقوي وده شرك وكفر
طب الاحباب والصحبة معاك ايه وضعهم ....إن استخدمتهم في الخير واستعنت بعلمهم في علاج وشفاء انسان .لأنهم ادري بحالهم عنا ..فهذا مهم .وده رأيي الشخصي ولست مفتي
اما اذا استخدمتهم في شر فعلي أثم. .مثال انا طلبت من طبيب عمل جراحه لأمي لكي تشفي. .وقد يكون اطلب من نفس الطبيب عمل جراحه سرق كلية مريض ..وهو نفس الطبيب لكن العمل مختلف هذا حلال وهذا حرام
أما الاستعاذة فهي حرام تمام لانها تستقوي بما هو أقوى .وتقدم له فرائض الولاء. .وطلباته. ..والقسم الخاص به وهذا غرور وكبرياء له وتعظيم ...
وأنا لما نصحتكم تبعدوا عن سكة تحضيرات الجن والطلاسم والعزائم كان بس خوف عليكم ومش هاجمت حد .
انا كنت مأجل الدرس ده وباقي آخر درس في السلسلة. .بس مش هنزله وهو درس كيفية استجلاب أحباب بدون أي تحضير .لأن ممكن السحرة يستخدموه
اخوكم أحمد الحسيني
