أصله خد ف العشق غفوه
وقلبي مش حيقوله ليه ؟؟
مش حاسمي البعد جفوه
دا الندم ساكن عنيه
والحساب يبقاش ع هفوه
مش نهد الكون عليه
حبه فايت جوه مني
كانش قصده ف يوم يهيني
والدموع النازله مني
راح يكفكفها بإيديه
قلبي عمره ما مره عانده
أصلي عارفه غلاوتي عنده
وياما بألمحها في عينيه
لسه فاكره غرامه بيه
لما نبقي ف وقت نشوه
ومرجحة إيدي ف إيديه
كنت أنا ف العشق بأحبو
وقلبي كان دايما مصاحبه
أصله علمني في غرامه
وف المحبه ألفا بيه
كنت بأبقي بجد هانم
هو كان لي ألف بيه
قلبي ممكن منه يزعل
بس ما بيقساش عليه
......