القائمة الرئيسية

الصفحات


الشاعر المبدع / محمد مرجان ( قصيدة مش هاعاتبك)

حتى لو قلت
 انى رافضك 
انى بايعك
 انى كارهك 
مش هحاسبك
  مش هعاتبك
مش هحن
 في لحظه تاني
قصاد مشاعرك
كل ده كله كلام
كل ده زلة لسان 
الحقيقه انى بحبك 
فى الخصام
أد حبي فى الصفا
 واكتر كمان
في الخصام
ببقا نفسي وقتها 
ترفضي 
تعتبي
تغضبي
تجري فى حضني 
تستخبي وتهربي
وبكف قلبك فوق 
ضلوعي تضربي
وتطبطبي
واضم فيكي تقولي
 ابدا والنبي
اضم تانى
 تقولي سيبني الساعه دي
اضم تانى 
تقولي هي الضمه دي
محتاجه ضمه 
تختلف فيها الضلوع
محتاجه ضمه
تتولد بيها الدموع
محتاجه  ضمه تتحد
فيها المشاعر والجسد
فأحس اني بتوجد
احس فيها 
حنيني طفل بيتولد
احس فيها 
كل شيء بينا انعدم 
بعد المسافه
والخلاف المستمر
بينتهي بجرة قلم
بينتهي بخطوة قدم
بينتهي بكلمة نعم 
احس ايدي بترسمك
احس عيني بتحلمك
احس روحي بتسمعك
ضمي بعزمك وادبحي 
طيف الفراق
واتحللي وهللي 
محلى الحنين والاشتياق
في عز رفضي بقبلك
في عز بعدي بعبرك
في عز ضعفي بعشقك
الغل في الاشواق حلال
البعد للعشاق محال
وانا طفل بين يدك يدوب
بتعلميه الحب 
وازاي يدق القلب
ما تحرميش الحب
الحب للأطفال حلال
الحب بيهز الجبال
انا فيه حاجه
ما حسهاش غيرك
انا فيه حته 
ما مسهاش غيرك
انا كلي ذنبي 
في الحياه اني
لو يوم ضحكت 
في مره من غيرك
محمد مرجان
هل اعجبك الموضوع :

تعليقات