القائمة الرئيسية

الصفحات

أحدث الروايات

الشاعر القدير أحمد يحيي في قصيدة بإستفاضه

باستفاضة
...
كل جـرح
وله إفادة
له دروسه
المستفاده
جرح تطلع منــــــــه عارف
ميـــــــن عدوك من حبيبك
اللى عارفك لجــل شخصك
واللـــى كان عارفك لجيبك
اللى شالك جوا منــه
واللى من جواه رماك
واللى جنسـه شيطان ولكن
مستخبي ف تـــــوب ملاك
والتخفى ف طـــــبعه عاده
كل جــرح 
ولـه افاده
لـه دروسه 
المستفاده
يكفى تعرف منه وزنك
عند كل الناس وقيمتك
اللى عايزك تبقي عالى
م اللى عايز يحنى قامتك
اللى عايزك تبقي عايش
م اللى نفسه تقوم قيامتك
او تجيك شوطه وإباده
كل جرح 
وله إفادة
له دروسه
المستفاده
جرح يظهر ليك حقايق
طول حياتك مش عارفها
جرح قرب ليك خلايق
كات بعيده ومش شايفها
جرح جابك
جرح وداك
جرح خد ايدك
وعداك
للى خفياه 
القلوب
الجراح زى امتحان
زى برضو 
مافيه نجاح
فيه رسوب
وفيها دور تانى
واعاده
..
هو ده الجرح 
وفوايده
والدروس
المستفاده
هل اعجبك الموضوع :

تعليقات