القائمة الرئيسية

الصفحات

أحدث الروايات

قصيدة ( تم ) للشاعر القدير أحمد يحيي

دنيتك فسبوك هم
بوست حزن وبوست غم
إشعارات ديما تجيلك
كلها بتبدأ ب ( تم )
تم شيلك
تم حطك
تم شدك
تم مطك
تم يومياً
احاطتك
{ بالمواجع  والهموم }
تم تنيك
تم فردك
تم ضمك
تم طردك
تم ناس بتخوض
فى عرضك
{ كل ليله وكل يوم }
تم ناس بتقل قيمتك
تم عايزين كسر قامتك
تم ناس حبيتها لكن
هما حبوا  تقوم قيامتك
تم قلبك دق دقه
تم عقلك قالو لأه
تم قلبك قالو ليه
تم عقلك ثار عليه
ثم بقي بينكم شتات
تم طلع الشوق بيوجع
ثم  لما حاولت ترجع
كان خلاص الوقت فات
تم خسفك
تم نسفك
تم حزف الشوق
وحزفك
وانطفى شمعك ونورك
بعد زرعك
تم قلعك
تم خلع الشوق
وخلعك
تم نزعك من جدورك
تم بؤسك
زاد ويأسك
جه وخلص ع اللى باقي
بعد سلبك
بعد غلبك
بعد زرع الخوف
فى قلبك
اجبروك تبقي انطوائى
تم توهت 
وتاه مصيرك
تم ضليت
خط سيرك
وابتديت رحلة 
سراب
رحله الحر
اللى مسجون
رحلة الحى
اللى مدفون
بس مش
تحت التراب
هل اعجبك الموضوع :

تعليقات