أخبار_عالريق 85
✅يكتبها/سعيد الطويل
■النهار بلش يطول شوي شوي والجو بيتعدل للأفضل ان شاء الله ،بس برضه في منخفض جاي هاليومين.
■فتح و7ماس بموضوع صفقة القرن وزيارة المنظمة كل واحد كبر راسه و الي بده الثاني بيتصل عليه.
■اليهود وسعولنا مساحة الصيد ل 15 ميل " بلاقافية" وكل التصاريح الي وقفوها حيمشوها.
■مصر بلشت تنبي جدار بينا وبينها عالحدود برفح ارتفاعه 6 متر بطول 14 كيلو.
■الجاج اليوم الكليو ب8شيكل والي بده يعمل مندي يوديه بدري وع كل بتدفع جاجة 3شيكل وبتاخذها جاهزة .
■الكلمنتينا الها يومين مدخلتش عالبلد.
■افتتحوا بغزة قبل يومين معرض لعالم القهوة لسة بيصير لأول مرة .
■المفتول اليوم حيكون عزومة الخاطبين الجداد عند نسايبهم الي ع حظهم ضل الجو قالب منخفضات.
■دباديب عيد الحب الحمر أقل من كل سنة ،والضغط السنة عالعطور زي الفل.
■ بالكورة يوفنتوس تعادل مع ميلان
وكل فريق حط قون بالثاني .
■الوكالة بتقلك انها حتقلص شوية من مشاريعها عشان معهاش ضل مصاري.
■شركة الاتصالات نزلت أرباحها عن السنة الي فاتت حوالي 3مليون دولار .
■فيديو خطوبة وليد مقداد تبع طيور الجنة جاب 10 مليون مشاهدة بيومين.
■مات فايروس كورونا بالصين مبارح بس فوق ال120بني آدم ،الله يبعد شره عنا وعنكم.
■الخيار والبندورة الأربعة كيلو بمية والبطاطا البلديةال 8 كيلو بمية.
■كالعادة اسرائيل قصفت سوريا الليلة الي فاتت وسوريا احتفظت بحق الرد.
■الكناين اليوم عليهم غسيل الحرامات الخفيفة وتكتكة السجاد الجو ما شاء الله مشمس.
■افطروا مناقيش بزعتر بدل الشعيرية بسكر ازكى لانه الشعيرية بدها سقعة.
■احتمال تكون زيارت سريعة للبنات المتجوزات بعد العصر خاصة انه النهار طول شوية.
#صباح_الخير للناس الي فش عندها اجازة اليوم.
-صباح الخير للدكتور والشرطي والممرض وعامل المخبز وبياع الكنافة السخنة.
-صباح الخير لكل أب صحي يقرأ قرآن عالصبح وجنبه كاسة الشاي والقرشلة.
-صباح الخير لكل ست حامل رغم وجعها بتصحى تجهز الفطور للعيلة.
-صباح الخير للأخت الكبيرة الي شايلة شغل البيت شيل.
-صباح الخير للحجة الكبيرة الي قاعدة قدام دارها بتتشمس عالصبح.
صباح الخير للناس الي اشتغلت طول الأسبوع عشان تقدر توفر حق طبخة العيلة.
#يسعد_صباحكم #جمعتكم_مباركة 🌹
✅يكتبها/سعيد الطويل
■النهار بلش يطول شوي شوي والجو بيتعدل للأفضل ان شاء الله ،بس برضه في منخفض جاي هاليومين.
■فتح و7ماس بموضوع صفقة القرن وزيارة المنظمة كل واحد كبر راسه و الي بده الثاني بيتصل عليه.
■اليهود وسعولنا مساحة الصيد ل 15 ميل " بلاقافية" وكل التصاريح الي وقفوها حيمشوها.
■مصر بلشت تنبي جدار بينا وبينها عالحدود برفح ارتفاعه 6 متر بطول 14 كيلو.
■الجاج اليوم الكليو ب8شيكل والي بده يعمل مندي يوديه بدري وع كل بتدفع جاجة 3شيكل وبتاخذها جاهزة .
■الكلمنتينا الها يومين مدخلتش عالبلد.
■افتتحوا بغزة قبل يومين معرض لعالم القهوة لسة بيصير لأول مرة .
■المفتول اليوم حيكون عزومة الخاطبين الجداد عند نسايبهم الي ع حظهم ضل الجو قالب منخفضات.
■دباديب عيد الحب الحمر أقل من كل سنة ،والضغط السنة عالعطور زي الفل.
■ بالكورة يوفنتوس تعادل مع ميلان
وكل فريق حط قون بالثاني .
■الوكالة بتقلك انها حتقلص شوية من مشاريعها عشان معهاش ضل مصاري.
■شركة الاتصالات نزلت أرباحها عن السنة الي فاتت حوالي 3مليون دولار .
■فيديو خطوبة وليد مقداد تبع طيور الجنة جاب 10 مليون مشاهدة بيومين.
■مات فايروس كورونا بالصين مبارح بس فوق ال120بني آدم ،الله يبعد شره عنا وعنكم.
■الخيار والبندورة الأربعة كيلو بمية والبطاطا البلديةال 8 كيلو بمية.
■كالعادة اسرائيل قصفت سوريا الليلة الي فاتت وسوريا احتفظت بحق الرد.
■الكناين اليوم عليهم غسيل الحرامات الخفيفة وتكتكة السجاد الجو ما شاء الله مشمس.
■افطروا مناقيش بزعتر بدل الشعيرية بسكر ازكى لانه الشعيرية بدها سقعة.
■احتمال تكون زيارت سريعة للبنات المتجوزات بعد العصر خاصة انه النهار طول شوية.
#صباح_الخير للناس الي فش عندها اجازة اليوم.
-صباح الخير للدكتور والشرطي والممرض وعامل المخبز وبياع الكنافة السخنة.
-صباح الخير لكل أب صحي يقرأ قرآن عالصبح وجنبه كاسة الشاي والقرشلة.
-صباح الخير لكل ست حامل رغم وجعها بتصحى تجهز الفطور للعيلة.
-صباح الخير للأخت الكبيرة الي شايلة شغل البيت شيل.
-صباح الخير للحجة الكبيرة الي قاعدة قدام دارها بتتشمس عالصبح.
صباح الخير للناس الي اشتغلت طول الأسبوع عشان تقدر توفر حق طبخة العيلة.
#يسعد_صباحكم #جمعتكم_مباركة 🌹
لأننا نؤمن بالحياة.. نحن هنا
في شبكة أضواء الإخبارية، ندرك أن الخبر ليس مجرد حروف، بل هو نبضٌ وإنسان. من قلب التحدي في غزة، نسعى لصناعة غدٍ مشرق يمتد ضياؤه إلى العالم أجمع. رسالتنا هي بث الأمل ونشر الحقيقة، لنرسم معاً ملامح فجرٍ جديد يليق بطموحاتنا العظيمة.
By: Laila Omran, Editor-in-Chief of adwwa.com News Network