القائمة الرئيسية

الصفحات

أحدث الروايات

كل ما تريد معرفته عن مريض بهاق

ست جاية تكشف مخصوص عشان سلمت بالايد علي مريض بهاق وقلقانة ومبتنامش الليل خايفة ليجيلها المرض ده

وواحد تاني مرعوب ليجيله بهاق عشان كان لازق فمريض بهاق فزحمة المترو ، الحقيقة مقدرش الومهم لان مفيش اي حملات توعية اعلامية بخصوص المرض ده وكل البرامج بالتلفزيون بتتكلم في التجميل وقلما لما حد بيتكلم عن مرض مهم ومنتشر جدا ذي البهاق ، علي النقيض الآخر من أكثر مرضى عيادات الجلدية بؤسا مرضى البهاق..
.
-شاب 17 سنة بكى أمامي فأصريت عليه أعرف سبب بكائه فقالي اصل المرض ده بهدلني ولفيت بيه كتير.
-ست جوزها عايز يطلقها عشان قرفان منها.
-ست ولاد جوزها بيقولوا لباباهم إوعى تاكل من إيديها لحسن تتسمم من المرض ده.
-محامي مهزوز جدا في الكلام وبيقولي الناس بتقرف تسلم عليا
- بنت في إعدادي مرات خالها عنفتها وقالتلها سيبي ابني من ايدك هتعديه
- المغني رامي جمال اللي أعلن فيه إصابته بالبهاق و إن الناس بدأت تتجنبه ودا أثر علي شغله ودا مؤثر لحد عاش في أضواء الشهره إنه يتحكم عليه من نفسه بالإقصاء من المجتمع !

هل تخيلت إحساس مريض البهاق فمجتمعنا ده والناس بتخاف تسلم عليه أو تحضنه أو تتعامل معاه بشكل طبيعي؟؟
أغلبهم حالته النفسية سيئة جدا وبيعانوا بسبب تحفظ الناس بالاختلاط بيهم .
البهاق سببه لخبطة فجهاز المناعة وعوامل وراثية لكنه مش مرض معدي... يعني عيان البهاق ده تتعامل معاه ذي اي انسان عادي.. تحضنه وتسلم عليه وتاكل معاه عادي جدا.
المرض شئ مؤلم الانسان مخترهوش... بس الاكثر الما هو انصراف الناس عنه (عن جهل) .
لو العيان تم إبتلاؤه بمرض مختارهوش ومكنش ليه ذنب فيه... مش لازم الناس تقعد تبعد عنه وتقطع فيه عن جهل خصوصا اذا كان مرض غير معدي علي الاطلاق ولا 1% حتي
لازم ننشر ثقافة إن البهاق والصدفية ومعظم الأمراض الجلدية غير معدي عشان أصحابها يتعايشوا بشكل طبيعي

كونك بتتعمد تبتدي انت وتبادر تمد ايدك تسلم عليه فده بيفرق معاه كتير ان مرضه مش حاجز بينه وبين المجتمع.

#البهاق_مش_معدي
منقول عن
#أطباء_مصر

هل اعجبك الموضوع :

تعليقات