القائمة الرئيسية

الصفحات

أحدث الروايات

الجزء 10: رواية سفاح الكوابيس .. عيش حياة الإثارة - الغموض - الحب - العنف - الوفاء

رواية سفاح الكوابيس   - الجزء العاشر  - جميع الحقوق محفوظة
وتمثل سهير المغربي والدة طارق وعلياء الشريف صاحبة ومديرة مستشفي الافراح التخصصي امام النيابة العامة للتحقيق معها في البلاغ المقدم ضدهم من امين الشحات استاذ القانون والمحامي المعروف .... ويبدأ التحقيق مع علياء الشريف
وكيل النيابة .. اسمك وسنك ومهنتك وعنوانك
علياء .. علياء محمد الشريف .. ٥٣ سنه .. طبيبة وصاحبة مستشفي الافراح .. ساكنه في الزمالك
وكيل النيابة .. ما هو قولك فيما هو منسوب اليكي بالبلاغ المقدم من السيد أمين الشحات بأن ابنته ولاء التي دخلت المستشفي بتاريخ ٢٥ /١٠ وكانت في غيبوبة تامة ومكثت بها اربعة ايام ثم فاقت بعدها لتغادر المستشفي بعد سداد مبلغ ٤٦ الف جنيه بنفسها لتعود بعد يومان الي منزلها وهي ترتدي فستان فرح لا تعي ما تقول وبحوزتها منديل عليه قطرات دم غير معروف مصدرها ومكتوب عليه عبارة بالهنا والشفا !!
علياء .. بعد اذن حضرتك انا ايه علاقتي بالدش دا كله ؟!
الوكيل .. استاذ امين بيقول ان بنته اتعرضت لجريمة اغتصاب وان الدم اللي علي المنديل دا هو دم البكارة
علياء .. برضوا انا ايه علاقتي بالكلام دا ؟!!
الوكيل .. استاذ امين متهم حضرتك انتي وواحدة اسمها سهير المغربي صاحبة شركات المغربي للأستيراد والتصدير انكم اتفقتوا مع بعض للأقتصاص منه لرفضة الدفاع عن ابنها طارق المتهم بقضية حيازة مخدرات
علياء .. كلام عبيط جدا وعيب اوي لما يصدر عن استاذ في القانون والمفروض انه من كبار المحاميين بالبلد!!
الوكيل .. اها .. طيب ممكن تقوليلي حضرتك ايه اللي حصل بالظبط مع بنته ولاء
علياء .. ولاء دخلت المستشفي يوم ٢٥ /١٠ زي ما حضرتك قلت وكانت فعلا في غيبوبة تامه ومش عارفين ايه سبب الغيبوبة دي وعملنالها الاشعة والتحاليل اللازمة وكانت كلها سليمة .. حاجة فعلا غريبة ! طب ايه سبب الغيبوبة دي ؟!! شكينا ان ممكن يكون في لخبطه في كيمياء المخ .. او مثلا بتمر بظروف نفسية او ما شابه .. المهم بعد ما فشلنا في التشخيص الاكلينيكي للحالة ومعرفة سببها اقترحنا عليه انه يسافر بيها برة مصر .. يمكن يلاقي سبب لحالتها دي وبالتالي يبدأ بعلاجها والاب وافق علي الاقتراح ده .. المهم بعد غيبوبة اربع تيام جه الدكتور قاسم بيقلي ان المريضة فاقت وبقت زي الفل وعايزة تمشي فورا .. طبعا انا بالنسبة لي وطبقا للفحوص ان ولاء سليمة مليون المية ومش بتعاني من اي شئ يبقي من حقها تمشي
الوكيل .. ودفعت مبلغ ٤٦ الف جنيه مصاريف للمستشفي؟!!

اضغط التالي

علياء .. ايوا
الوكيل .. جابتهم منين وابوها بيقول انه مكنش معاها فلوس خالص ؟؟!!
علياء .. مش مشكلتي وميخصنيش اني اسألها جبتي الفلوس منين .. انا ليا مصاريف المستشفي تندفع وخلاص
الوكيل .. اها .. طب حضرتك اول ما فاقت ادارة المستشفي ما اتصلتش ليه علي الاستاذ امين تعرفه ان بنته فاقت عشان يجي يستلمها
علياء .. يعني هو خطأ غير مقصود لأن البنت اصلا كويسة ومش بتعاني من مرض محدد
الوكيل .. بس المفروض ان ابوها هو اللي اودعها المستشفي يبقي هو اللي بجي ويستلمها من المستشفي
علياء .. دا خطأ اداري عندي وانا حولت المسئول للتحقيق
الوكيل .. تمام .. طيب لما ولاء فاقت ملحظتوش عليها انها مش في وعيها بالكامل .. بتقول كلام غريب مش مفهوم مثلا
علياء .. ما اظنش .. لأن لو كنا لاحظنا حاجة زي دي مكناش سمحنالها بالخروج من المستشفي وكنا استدعينا اهلها علي الفور
الوكيل .. تمام .. تمام .. مين الدكتور قاسم دا ؟؟
علياء .. دا دكتور مخ واعصاب عندي هو اللي كان متابع حالة ولاء
الوكيل .. عايزه يجيلي هنا ندردش سوا
علياء .. اوي اوي تحت امرك شوف حضرتك عايزن امتي وهو يجيلك
الوكيل .. بكرا من فضلك
علياء .. حاضر ..
الوكيل .. سؤال اخير من فضلك ؟
علياء .. اتفضل حضرتك
الوكيل .. انتي تعرفي مدام سهير محمد المغربي صاحبة شركات المغربي جروب ؟
علياء .. يعني معرفة سطحية مش اكتر .. دايما بتيجي عندنا هي وابنها تعمل تشيك اب دوري
الوكيل .. طب ليه استاذ امين متهمك انتي وهي انكم سبب في اللي حصل لبنته ؟!
علياء .. قلت لحضرتك في الاول .. كلام عبيط ومفيش دليل عليه .. وبعدين انا المستشفي بتاعتي معروفة في مصر كلها وليا اسمي في عالم الطب وانا المفروض احاسبة علي ادعائه دا  والتشهير بيا وبالمستشفي بتاعتي
الوكيل .. تمام ..وقعي حضرتك علي اقوالك ومتنسيش من قضلك تبعتيلي الدكتور قاسم بكرا
علياء .. حاضر .. بعد ازنك
الوكيل .. اتفضلي
ثم ينادي علي سهير المغربي للتحقيق معها والاحداث سوف تشتعل ....
تابعوني والبارت التالي .. تحياتي .. ملك الروايات الكاتب والشاعر والسيناريست المصري محمد مالك.

هل اعجبك الموضوع :

تعليقات