أخر الاخبار

الجزء الأول : رواية زوجي يعشق جودي .. أحببتك أكثر مما ينبغي

#الجزء_الاول_والثانى_والثالث_والرابع_تلبية_لرغباتك
🌹الجزء الأول 🌹
أنا لسة متجوزة جديد جوزي أول ما وصلنا الشقة قالي إتفضلي يا عروسة بزهق دخلت وأنا مكسوفة بعدين قالي بصي بقي يا بنت الناس انا متجوزك بس عشان أرضي أهلي😮 إنتي عارفة كويس إني بحب جودي😦 قلتي إيه قلتله عارفة سيرتك سبقاك يا قريبي وبصتله بقرف راح طنش كلامي ودخل أوضة وقعد يكلم جودي .... دخلت أوضة النوم وقلعت الطرحة والفستان ولبست بيجامة حلوة وبصيت ع نفسي ف المراية بثقة وقفلت الاوضة بالمفتاح بعدين رحت نمت وأنا زعلانة صحيت الصبح ع تخبيط ع باب الأوضة سمعته بيقولي بتريقة إفتحي الناس وصلت عشان تباركلنا .. قمت م النوم وأنا مش حاسة بأي فرحة بالعكس حاسة بنار 🔥جوايا لأنه كسرني وكسر فرحتي فرحة أي عروسة بعريسها اللي هيموت عليها 😢فتحت باب الأوضة ومشيت م قدامه م غير حتي ما أبصله .. هو بصلي باندهاش اندهش م جمال شعري ورقة لبسي دي أول مرة يشوفني كدة وم غير طرحة فاق م اندهاشه ومسكني م دراعي وقالي رايحة فين انتي هتروحي تفتحيلهم كدة .. إتعصبت لما مسك كتفي وقلتله إبعد إيدك عني 😡

التالي إلى الجزء الثاني 

تزوج نرويجية مسلمة مجانا واحصل على عمل وإقامة فى مملكة النرويج .


الجزء الثاني
إتعصبت لما مسك كتفي وقلتله إبعد إيدك عني .. قالي خلاص إولعي بس إنتي مراتي وميرضنيش تخرجي كدة قدام حد إدخلي إلبسي أي حاجة يلا .. قلتله بعصبية وضعف أنا أصلا كنت رايحة أغسل وشي شيل إيدك عني بقي وبدأت أعيط .. قالي بس بس خلاص متعيطيش انا كنت بحسبك هتخرجي كدة وأهو شيلت دراعي اهو عديت م جنبه وأنا بمسح دموعي😢 وهو خرج يفتح ويرحب بالضيوف .. لبست لبس بيتي شيك أوي وحطيت ميكب خفيف بس تقلت الروچ والأيلاينر عشان يبان غرور شخصيتي وثقتي ف نفسي .. خرجت أرحب بالضيوف أول ما آدم جوزي شافني إتضايق أنا كنت جميلة جدا بس هو إتضايق لأني تقلت الروچ والأيلاينر قعدنا مع الضيوف وقعدنا نهزر وبيننا للناس إننا زوجين مبسوطين وآدم قام باصصلي وقالي يلا بقي يا حبيبتي هاتي للضيوف حاجة يشربوها .. قلتله بإستسلام حاضر ودخلت المطبخ والدموع ف عيني مش مصدقة إني إتجوزت واحد مش عايزني وعايز غيري .. فجأة سمعت صوته م ورايا إتخضيت قالي خلصتي ؟ قلتله قربت أهو قالي وهو متعصب إيه القرف اللي حطاه ع وشك ده قلتله ببرود وإنت مالك .. إتعصب ومسكني م شعري بالراحة فزعلت وعيطت مش كفاية مش بيحبني لا وكمان بيمد إيده عليه .. قالي بعصبية تدخلي حالا وتشيلي القرف اللي ع وشك ده فاهمة .. قلتله بدموع وضعف قلت ميت مرة متلمسنيش قالي ما إنتي لو محترمة نفسك مش هقربلك متنسيش إنك مراتي يعني إحترامك م إحترامي وإتظبطي أحسنلك فاهمة .. قلتله أنا محترمة غصب عنك وعنها قالي بعصبية تقصدي مين قلتله بعناد معرفش قالي إنتي تطولي تبقي زيها قلتله بإنهيار أنا أحسن منها ع الاقل مش هكلم راجل متجوز ف نص الليل وسبته ومشيت💔.......😔😔
التالي إلى الجزء الثالث
تزوج نرويجية مسلمة مجانا واحصل على عمل وإقامة فى مملكة النرويج .


🌹الجزء الثالث🌹
آدم خرج ورايا وكان معاه المشاريب وقعدنا مع الضيوف شوية وأول ما الضيوف مشيوا وآدم قفل الباب وراهم وقمت جريت ع أوضة النوم بدموع وإنهيار وقفلت الباب ورايا ومقدرتش أقف قعدت ع الأرض أعيط .. آدم قفل باب الشقة وجه ع اوضة النوم الكبيرة بتاعتنا وقبل ما يخبط سمع صوتي وأنا بعيط فاتضايق وزاد عليه التعب النفسي أولا فراق حبيبته ثانيا تعذيب بنت بريئة مالهاش أي ذنب ومش أي بنت دي قريبته اللي مربيها ع إيده .. آدم قالي بصرامة هتفضلي تعيطي كتير .. مرديتش عليه وعيطت أكتر إتنهد وقالي إفتحي الباب قمت م ع الباب ورحت ع السرير نمت بحاول أهرب م الواقع اللي انا فيه بالنوم .. آدم فضل يخبط كتير لحد ما زهق وراح مشي وراح ع اوضة الاطفال .. صحيت م النوم وانا جسمي متكسر ووشي أحمر م النوم وعنيه مورمة م العياط خرجت م الاوضة ورحت اغسل وشي بعدين رحت ع التلاجة عشان اشرب لقيت آدم ف الريسبشن رجعت تاني بسرعة .. آدم قام وجري عليه ومسكني م كتافي وشعري وضهري ليه وقالي أخيرا مسكتك تعالي هنا ساعة بخبط ع الباب مش بتفتحي ليه .. إتكسفت وإتضايقت إزاي يمسكني كدة وقلتله شيل إيدك عني قالي مش هشيلها هتعملي ايه يعني قلتله انا بكرهك بكرهك اتضايق وقالي بتكرهيني قلتله بقرف أيوة قالي طب تعالي نقعد نتكلم قلتله بعصبية لا راح مسك ايدي الاتنين بايد واحد وقالي لما اقول كلمة تنسمع فاهمة قلتله انت بتحلم .. راح شايلني وراح ع الريسبشن قعدت أصرخ ومتضايقة م لمساته عليه ايده كانت ع ضهري ووسطي ومحتويني جامد وإيده التانية كانت ع رجلي تحت ركبي لدرجة إن جسمي كله كان مسنود ع صدره العريض وكتفه .. كنت مكسوفة أوي ولمساته دي كانت مضايقاني فعشان اهرب منه رحت محاوطة ايديا حوالين رقبته ودفنت راسي ف صدره وقعدت اعيط لدرجة اني حسيت ان وشي بقي احمر وسخن م العياط والكسوف قعدني ع كرسي وقعد ع ركبه ومسك ايديا الصغيرة بايديه الكبيرة وقالي خلينا نتكلم كلام كبار .. هديت لما مسك ايدي وحسيت بحنيته قالي جودي دي أنا بحبها أوي والحب ده مش بإيدي متصعبيش الموضوع عليه أكتر م كدة .. انهارت وعيطت وقمت جريت ع الاوضة بعيط ع جوزي اللي مش عاوزني وعاوز غيري واعيط كمان لاني بحبه وفرحت ازي لما اتقدملي وافتكرته بيحبني هو كمان أتاريه جواز مصلحة .. قالي إفتحي الباب قلتله إمشي م قدامي قلي عشان خاطري متحسسنيش بالذنب أكتر م كدة قعدت أصرخ وأكسر ف الأوضة وفتحت الدولاب وقعدت أرمي هدومه م الدولاب وادوس عليها واللي اعرف اقطعه اقطعه .. راح قالي بعصبية إفتحي خلينا نتفاهم تعبت م كتر التكسير والعياط وقلتله بعصبية وانهيار بتحبها ليه مش قادر تنساها ليه فيها ايه زيادة عني ووقعت ع الأرض بانهيار وحضنت قميصه وقلتله قلبك ده المفروض يبقي ليا أنا .. قالي متتعبيش قلبي اكتر م كدة وافتحي قلتله بضعف ليه هتموت عليها أوي كدة سكت وفجأة الباب خبط قالي أرجوكي إوعي تعملي حاجة ف نفسك هفتح الباب وأجيلك بسرعة .. آدم فتح الباب ولقي الصدمة .. آدم : جودي ؟! 😳😲😲
التالي إلى الجزء الرابع\
تزوج نرويجية مسلمة مجانا واحصل على عمل وإقامة فى مملكة النرويج .


🌹الجزء الرابع🌹
آدم : جودي ؟ .. جودي بضعف وصوت واطي وحشتني أوي يا آدم .. آدم قالها بصوت واطي وارتباك بتعملي ايه هنا .. قالتله جيت أنا وصاحبتي سارة عشات نباركلكم .. سارة قالتله إزيك يا آدم مبرووك . راح آدم قالها بس .. سارة قالتله بس إيه إنت مش هتدخلنا ولا إيه .. جودي بزعل خلاص يا سارة يلا نمشي .. راح آدم قالهم لا تعالوا إتفضلوا إدخلوا .. سارة قالت بصوت عالي أومال العروسة فين .. أنا كنت قاعدة ف الأوضة بعيط وحاضنة قميصه أول ما سمعت الصوت إتصدمت والدم وقف ف عروقي .. آدم بص لجودي وقالها إتفضلي إقعدي قالتله بصوت رقيق تسلملي .. أنا جريت فتحت باب الأوضة وقربت م الريسبشن واول ما سمعت صوت جودي انتفضت وجريت ع الأوضة ولبست بيجامة ضيقة أوي وسيبت شعري وفتحت سوستة البيجامة وكنت لابسة تحتها تيشرت رقيق أنثوي وحمالات البرا كانت باينة ع كتفي ولونهم احمر وحطيت روچ وتقلته أوي وميكب خفيف وبصيت ف المراية وأنا الشر بيطلع م عيوني إزاي جاتلها الجرأة تيجي هنا .. آدم قالهم بصرامة إزيكم يا بنات عاملين إيه .. جودي قالت برقة الحمد لله تمام إنت اخبارك إيه طمني عليك .. دخلت وقلت بصوت صارم كويس وكنت بتمخطر وبتدلع عروسة بقي .. آدم فتح بؤه أول ما شافني ووشه أحمر وجودي وسارة إتصدموا م منظري ومكنوش متوقعين انهم يشوفوني بس إزاي .. رحت قلتلهم بدلع إزيكم يا بنات عقبالكم متزعلوش القطر مش هيفوتكم .. آدم قالي لانا ! رحت قلتله نعم يا بطتي وقربت منه وبوسته م خده لدرجة إن الروج طبع رسمة شفايفه ع خده .. وهو إتصدم وإتكسف م اللي عملته .. سارة إتغاظت أوي وجودي هي كمان بس حافظت ع هدوئها وقالتلي بحقد مش هتعزمينا ع حاجة ولا إيه .. رحت قعدت جنب آدم ولفيت إيدي الاتنين حوالين إيده وسندت علي وقلت بسهوكة إنتم هتطولوا ف القعدة ولا إيه ورحت ماسكة خدود آدن وقلت ده إحنا حتي لسة عرسان جداد ومشغولين .. راح آدم قالي لانا ؟ قلتله بدلع نعم يا مانجتي قالي إحم إحم يلا قومي قدميلهم حاجة قلتله بسهوكة ودلع وأنوثة آدم بجد مش قادرة قوم قدملهم إنت أنا ملحقتش اقعد معاهم .. آدم قالي بإستغراب م تصرفاتي ماشي .. جودي أول ما مشي قالتلي بغيظ وكره إنتي مفكرة إنه هيحبك لا يا عنيه ده بيعشقني أنا راحت سارة قالت سبيها يا جودي هي متعرفش إنها مجرد ليلة هيضيها معاها وهيرجعلك تاني عشقه الوحيد ... آدم جه وقالهم إتفضلوا يا جماعة جريت عليه ومسكته م إيده وقلتله إخس عليك يا دومي إتأخرت كدة ليه هما خلاص هيمشوا عشان مشغولين سارة وجودي قالوا بغيظ اه احنا هنمشي بقي نجيلكم وقت تاني قلتلهم بسهوكة وعدم إهتمام ماشي .. ومشيت وراهم وقفلت الباب بسرعة أول ما خرحوا لدرجة إنهم إتخضوا وجودي عيطت م الغيظ ومشيت ........اكمل ولا لا؟؟😉لتكملة القصة 20 ملصق ومتابعه لحسبي *ملحوظة* التكملة لن تصل إلا للمتابعين المتفاعلين فقط😒✋
تزوج نرويجية مسلمة مجانا واحصل على عمل وإقامة فى مملكة النرويج .

اعمل متابعة لحسبي او ابعت طلب صداقة عشان يوصلك اشعار الجزء الأخير

تعليقات



حجم الخط
+
16
-
تباعد السطور
+
2
-