القائمة الرئيسية

الصفحات

أحدث الروايات

أنواع الكناين في موسم الزيتون

أنواع الكناين في موسم الزيتون

الكنة الأولى (ذراع الحماة اليمين )
كل الشغل عليها تلقيط و طبخ ونفخ وتجهيز
وآخر شي لا حمدا ولا شكرا وبتوخذ مثلها مثل غيرها وعادتة بتكون محكومه للزوج وبيت الحما 😢

الكنة الثانية (القوية )
هاي ما بتنزل الا في أيام العطل وغالبا حجتها معها يا عندها وظفية يا ابنها مريض يا منكد
وشوي بتوخذ سيلفي وبتصور ابنها مع الزيتون وبتلم الرصيص و بتأمن مونتها و بتروح ماشيه 🙄

الكنه الثالثة ( ام لسان حلو)
هاي بتنزل آخر النهار حاملة و محملة وبتبلش تدهن😜
حقك عليه يا عمتي والله الصغير اخذ وقتي والله لو علي احب ع قلبي اجي من الصبح و أوقف معكم😥
يلا يا جماعه اتفضلو اتفضلو جبتلكم شاي اتبلو ريقكم😜

العروس الجديده👱‍♀️
أو المخلفه جديد👩‍👧 أو الحامل🤰 هاي بخلوها في البيت مع الصغار 🤼‍ ع اساس هذا يعني دلال و راحه إلها
وهاي المسكينه بتتحمل ألف جميله انها ما بتنزل مع العلم والله الزيتون و تعبه ارحم الف مره من شغل البيت و الطبخ و دوشة الصغار😭

الكنه المغتربه
مرت الحبيب الغالي😏 اللي بوصلها كل شي ع الجاهز المستريح وطول نهارها الحماة اتعييط وتتحسر عليها و ع زوجها يا ويلي يما بحب الزيتون الأسود يا حبيبيني يا ستي مشتهيين الزيتون الأخضر
يا ويل قلبي يمااا بشتهو نقطة الزيت 😏

إذا عجبكم التصنيف كل وحده اتجهز قنينة زيت و زيتون الي 😜

دققو ع المغتربه بتكون بجنب الدار يعني 😂

هل اعجبك الموضوع :

تعليقات