القائمة الرئيسية

الصفحات

أحدث الروايات

زواج صالونات نوع آخر : اتجوزت مرتين في حياتي و#اتطلقت مرتين..

اتجوزت مرتين في حياتي و#اتطلقت مرتين..
في الجوازه الأولى كان عندي 21 سنة وكانت #جواز_صالونات وفضلت متجوزه لمدة شهرين وطلبت #الطلاق لأنه كان بيضربني وبيشرب حشيش.

الحمد لله ما جبتش منه أطفال..
في #الجوازه_التانيه كنت ملهوفه على الحب وحبيته واتحديت بيه أهلي وقلت الحب هيعوضني المرة دي عن اللي فات لكنه كان سيء أكتر من اللي قبله وكان بيضربني #ضرب_مبرح وكان بيشرب حشيش برضه وكان عاطل وقاعد في البيت ومش بيشتغل او يعمل حاجه مفيده في حياته.. طلبت الطلاق وتم من شهور بعد سنتين جواز وجبت منه طفلين.

#طليقي التاني وأبو ولادي رفض يصرف على ولاده بعد ما طلبت اتطلق منه!
هو بيستثمر فلوسه مع واحد صاحبه ومش بيشتغل بنفسه ودايما قاعد في البيت وكسول ومش بيساعدني أبدا في أي حاجه في البيت.

عايز ياكل ويشرب ويخرج مع صحابه ويسهر ويشرب خمور ويعيش عيشه مفتوحه وعايزني ابقى معاه في العيشه دي وأنا مش قادره لأن ده ضد مبادئي تماماً..

بعد اهاناته المتواصله وعنفه وضربه ليا قدام الولاد اصريت على قرار الطلاق.. ولادي لسه صغيرين ومش عايزاهم لما يكبروا يفهموا ان أبوهم بيضرب أمهم ويتعقدوا.. عايزه أرجع زي ما كنت الأول..

أنا كنت بضحك ومقبله على الحياة وكان يومي كله رياضي دلوقتي أنا مش عارفه حتى أبتسم ومش بخرج ومش عارفه أعمل إيه في حياتي.. ولادي هم الحاجه الوحيده الحلوة في حياتي وعايزه اربيهم صح!

#صدمتي في المرتين جواز تعبتني قوي وخليتني #مكتئبه و#حزينه وبقيت بخاف من فكرة #الجواز دي تماما.. عايزه أربي ولادي كويس من غير أب.. أنا ما شفتش حب في #الجواز..
بابا وماما كبار في السن بس طول عمرهم بيحبوا بعض وفيه بينهم #احترام و#مشاركه..
كنت فاكره ان الجواز حاجه جميلة زي ما شفته في بيتنا لكن جوازي في المرتين خلاني كفرت بالحب!

صحابي اللي حواليا قصصهم مشابهه..
مش عارفه العيب فينا إننا مش بنتحمل زي الناس ما بتقول ولا احنا حظنا وحش ووقعنا في رجاله وحشين ولا زي برضه ما الناس بتقول ان الصنف كله وحش واللي عايز يتجوز لازم يقبل ده!!

أنا مريت بكل ده وأنا لسه في العشرينات وحاسه إني عجزت من اللي شفته..
أنا محتاجه أحب واتحب لكن الخوف مانعني أجرب تاني وولادي مش عايزاهم يتبهدلوا مع جوز أم..
ده ابوهم نفسه ماكانش مهتم بيهم ودلوقتي مش بيصرف عليهم.. امال جوز أمهم هيعمل فيهم إيه؟

أنا خايفه وتايهه ومش عارفه أعمل إيه ومش عارفه هاعرف أثق في حد تاني ولا لأ!
بس بابا وماما كبروا وأنا خايفه من الوحده..
أنا مش محتاجه مادياً ومش مضطره اشتغل لأن أهلي واقفين جنبي بس هاكمل حياتي إزاي؟!

هو فيه أمل ألاقي #زوج_صالح بجد ويعرف يراعيني ويراعي أولادي؟
أنا هربت من أبوهم عشان ما يعقدهمش لأنه كان بيضربني قدامهم..

بس هم هيكبروا ولو شافوا حد بيهين أمهم مش هاقدر اخليهم ينسوا اللي شافوه.. لولا وجود أولادي في حياتي كنت اتمنيت الموت.

هويدا:
مشوار ما بعد الطلاق يحتاج للأحتضان والدعم والتعليم والتوجيه الصحيح..
وده بيحتاج لبعض الوقت لكنه يؤتي ثماره ويعيد تأهيل الشخص اللي اتعرض لهذا النوع من الألم بصورة كبيرة

مشكلة القصة دي اسمها "مشكلة #سوء_الإختيار".. الناس بتتجوز من غير ما تعرف إيه #معايير_الاختيار وإيه مواصفات الزوج أو الزوجة المناسب لكل واحد فيهم وإيه الأسباب اللي لو موجوده من قبل الجواز تبقى نذير بالطلاق من قبل حتى الجوازه ما تبتدي..

البنوته الجميلة صاحبة القصة شافت كل ده وهي في أوائل العشرين وطبعا ده عمل لها رعب من فكرة الجواز.. وفيه زيها ملايين للأسف رجال ونساء بيتطلقوا كل سنة في #سنة_أولى_جواز وده بيخلي الناس تاخد فكرة غلط عن الجواز..

الجواز هيكون جحيم لو اخترت الشخص الغلط وهيكون جنة في الأرض لو اخترت الشخص الصح.

طبعاً حاله زي حالة البنت دي محتاجه خطوات كتير جدا عشان تعيد ترتيب أوراقها من تاني وتقدر تواجه الدنيا بتحدياتها وترجع تنجح وتضحك من قلبها من تاني.

هي محتاجه تكون مشغوله بعمل مفيد وعشان كده لازم نساعدها تختار الشغلانه اللي بتحبها ومناسبه لظروفها وده قرار سهل والحمد لله عندنا الأدوات اللي تساعد الناس تاخد القرار ده بسهوله وكفاءه..

كمان هي في قلبها #غضب كبير من ناحية طليقها التاني وأبو ولادها وده محتاج تدريب محترف عشان تقدر تتحكم في الغضب ده..

هي لازم تتحكم في الغضب ده أولا عشان صحتها النفسية وسلامها الداخلي اللي مش هتقدر تعيش #عيشه_سويه من غير ما يكونوا في حالة #استقرار و#هدوء..

وثانياً لازم #تتحكم_في_الغضب وتتخلص منه عشان محتاجه تتعلم إزاي تربي الولاد صح وإزاي تدخل الأب لحياتهم بطريقه تخبي عيوبه وتظهره لهم بشكل مقبول وتمنع أي احتكاك مع الأب وتحوله إلى صديق عشان ما يهجرش ولاده ويتعبوا نفسيا لما يكبروا ويحسوا أنه أبوهم رماهم ومش بيحبهم..

طبعاً ده أصعب هدف فيهم لأنه معتمد على سيطرتها على نفسها أولاً وثانياً لأنه معتمد على قدرتها على التعامل مع خصم وتحويله إلى صديق ودي مهمه محتاج للكثير من الدعم من مختصين عشان تنجح فيها وثالثاً لأنه معتمد أيضاً على #شخصية_الأب اللي بتميل لعدم #تحمل_المسئوليه واللي سببت لها احساس عظيم بالمراره.

من الأهداف اللي لازم نساعدها تحققها كمان السيطرة على الماضي هي لازم تتعلم إزاي تسيطر على الخوف اللي جواها عشان تعرف تتجوز مره تالته بس تكون المره الصح اللي هتستقر فيها وقلبها هيرتاح مع شريك للحياة قادر يصونها ويقدرها..

وعشان كده فأخر هدف محتاجين نحققه معها – بعد ما تستقر نفسياً - هو إنها تتعلم أساسا تختار شريك للحياة صح إزاي وده الحمد لله سهل ومتاح.. واحنا بنساعد فيه الناس طول الوقت!

الطلاق بقى شبح كبير وبيسبب ألم عظيم لكل الأطراف في الزواج.. واصبح لازم نواجهه ونتصدى له واحنا اخترنا نتصدى له بطريقتنا كمحترفين في عالم #الاستشارات_الزوجيه، بأننا ندعم #المطلقين و#المطلقات ونساعدهم يقوموا من تاني وإننا نعلمهم يختاروا صح في المرة التانية وقررنا كمان إننا نحاول نمنع الطلاق أساساً من قبل الجواز ما يبتدي بأننا نساعد اللي لسه ما اتجوزش أنه يختار صح من الأول قبل ما يتدبس ويبقى عدد جديد في أعداد حالات الطلاق المتزايده.

لما تحجز استشارتك وتتعرف أكتر على تحدياتك وإزاي ممكن في 6 خطوات #تبدأ_حياة_جديدة .. هتعرف ان الموضوع صحيح محتاج مجهود.. بس مش بالصعوبه اللي انت متخيلها..

من خلال اختبار SOY - #Story_of_You# هتقدر تتعرف على نفسك وتحترم اختلافاتها وبالتالي هتكون مرشح قوي للإنضمام لـ#دايرة_السعداء..

احنا دايما معاك و هنثبتلك ان النور اللي في اخر النفق مش قطر :)

هل اعجبك الموضوع :

تعليقات