أخر الاخبار
شذرات في اللغة والأدب
0

الفصل 30 و الأخير : رواية ( ومازال قلبي ينزف 💔) بقلم :- أسماء أبوشادي

صورة
دنيا عبدالله - صحافة
اخر تحديث :
رواية( ومازال قلبي ينزف) الفصل الأخير
بقلم :- أسماء أبوشادي ( Ana Amera Habeby)
__________________________________
الكل متجمعين في فيلا أنس الجديدة وبيتكلموا وبينظموا لفرح نور وسما
نور / نعم يا أختي أنتي مجنونة ولا إيه
سما / يا نور أسمع بس
نور / لا مش هسمع حاجة بقى بعد ما كنتي عايشة معايا في بيت واحد وطول اليوم معايا أفضل 5 أيام من غير ما اشوفك
أنس / ههههههههههههه أنت محسسني أنهم 5 سنين مش 5 أيام
تالين / دي حاجة حلوة والله يا أستاذ نور علشان توحشك
نور / والله هي وحشاني من دلوقتي مش محتاج أفضل من هنا ليوم الخميس من غير ما اشوفها وهي عارفة كدة كويس
سما / أيوة عارفة بس بردو أنا عايزة كدة دي عادة هندية وعجباني
نور / وأحنا مالنا احنا ومال الهنديين يا سما
أنس /😂 مالنا في في البنك والبنك مقفول
نور / 😏خفيف أوي حضرتك وأنا بقول سما بتجيب الكلام الغريب دا منين واتاريك أنت اللي ورا الموضوع دا
أنس / لا والله دا هي اللي بتعلمني الكلام دا كله حتى اسألها
سما / نور ممكن تيجي معايا الجنينة شوية
أنس / هتعملوا إيه في الجنينة ها على اساس إني كيس جوافة هنا
نور وقف قصاد الكرسي اللي أنس قاعد عليه وبصله وقاله / مراتي وعيزاني في الجنينة في حاجة
أنس / أحم لأ يا ابونسب مافيش طبعا البيت بيتك يا راجل هو انت غريب
سما / ههههههههههههه أخبار الجوافة إيه
أنس / أمشي يا بنتي مع جوزك قبل ما الجوافة تتعمل عصير
( نور وسما خرجوا الجنينة بيتمشوا فيها)
سما / نور هما 5 أيام بس وبعدها تكون معاك وفي الأيام دي أنا كدة كدة هكون مشغولة في فستان الفرح وفي حاجتي اللي عايزة أشتريها وأنت كمان لازم تخلص الشغل المهم اللي في الشركة قبل الفرح
نور / طيب وفيها ما أخلصه وبعدها نتقابل مع بعض نروح نختار الفستان مع بعض ونشتري اللي أنتي عايزاه سوى
سما / لا ما ينفعش أنا مش عايزاك تشوف الفستان قبل يوم الفرح وكمان الحاجات اللي هشتريها ما ينفعش تبقى معايا وأنا بشتريها
نور / ليه إن شاء الله
سما / كدة بقى يا نور أرجوك وافق بقى
( بعد نقاش طوووويل وافق نور إنه مايشوفش سما لحد يوم الفرح
وبعدها فضلوا قاعدين مع بعض شوية وكل واحد مستني التاني يقوله كلمة بحبك وحشتني أي كلمة من الكلام ده بس للأسف ماقالوش لبعض حاجة
وسما كانت متضايقة جدا من أن نور مقالهاش إي كلمة حلوة من اللي كان بيقولهالها قبل مايبعدوا عن بعض
وكمان نور كان قلقان ان سما تكون رجعتله علشان محتاجاه جنبها مش علشان بتحبه زي الاول
ومشي نور بعد ما وعد سما إنه مش هيحاول يشوفها قبل يوم الفرح ودخلت سما الفيلا تاني )
أنس / إيه مش عايزين تخلصوا كل دا كلام
سما / ههههههههههههه وانت مالك أنت متضايق ليه
أنس / وأنا هتضايق من إيه يا اختي يا مسهل بقى ونخلص منكوا علشان نحصلكوا أحنا
سما / طيب ما أنا قولتلكوا نبقى كلنا في يوم واحد مع بعض رفضتوا
تالين / لأ يا سما أنتي تخلصي فرحك براحتك وشهر عسلك وأحنا نشتغل في الشركة وبعد كدة نتجوز احنا ونسيبك بقى إنتي في الشركة على ما نخلص أحنا كمان علشان الشغل ما يوقفش
أنس / تالين معاها حق يا سما
سما / خلاص اللي يريحكوا
أنس / عملتي ايه مع نور وافق على اللي أنتي قولتيه
سما / عيب عليك دا أنا سما هو أنا شوية ولا أيه علشان مايوافقش
تالين / ربنا يسعدكوا يارب انتوا تستاهلوا كل خير ونور بيحبك أوي
سما / الله يخليكي يا قلبي المهم بقى هو ساهر ما بيتصلش بيكوا ولا إيه
أنس / لا بيتصل من وقت للتاني وأنا حكيتله على اللي حصل وقولتله على معاد الفرح بس هو قال إنه مش هيقدر يحضر الفرح
سما / إيه ودا أزاي بقى اتصلي بيه دلوقتي حالا لما اشوف مش هيحضر فرحي أزاي
( أنس أتصل بساهر وسما أخدت التليفون منه علشان هي اللي تكلمه )
ساهر / أبو الانانيس وحشتني والله
سما / لا مش أبو الانانيس يا ساهر اللي بيكلمك
ساهر / أحم س سما عاملة إيه
سما / هو يهمك أوي انا عاملة ايه ما انت نسيتني خالص ولا كأنك تعرفني
ساهر / لا يا سما ماتقوليش كدة أنا بتطمن عليكي من أنس علطول وبسأل عليكي حتى اسأليه
سما / أنا مش هسأل حد بص أنا فرحي الخميس الجاي لو ماجتش أعرف أني هزعل منك جامد وهخصمك مدى الحياة ماشي
ساهر / يا سما أسمعي بس
سما / أنا مش هسمع حاجة أنا قولت اللي عندي وخلاص سلام

( مرت الايام الخمسة من غير ما نور يشوف سما ولا مرة ودي كانت حاجة مجننة نور لدرجة إنه كان مابيطقش حد يتكلم معاه وكان حاسس ان في حاجة كبيرة أوي نقصاه وفي الوقت دا عرف إنه مستحيل يقدر يبعد عن سما تاني أبدا وأنه مستعد يعيش معاها حتى لو هي مابقتش تحبه زي الأول هو راضي أهم شئ تكون هي جنبه ومبسوطة في حياتها
يوم الفرح نور في الفندق مستني سما تنزل من الغرفة اللي كانت بتجهز نفسها فيها والكل واقف حواليه مبسوط جدا

نزلت سما وهي ماسكة في زراع أنس وكانت زي القمر
فستانها رقيق جدا وجميل كان ضيق من فوق ونازل بوسعان كبير وله ديل طويل والطرحة كمان طويلة و شعرها معمول بطريقة جميلة مرفوع لورا وعليه تاج فوق الطرحة

نور أول ما شاف سما فضل يبصلها كتير لأنها كانت وحشاه جدا وكمان شكلها كان جميل اوى وهو كان مبهور بجمالها وفضل واقف قصادها هي وأنس كتير
أنس / إيه يا نور غيرت رأيك ومش عايز تستلم عروستك
نور ماردش عليه بس حضن سما جامد جدا قصاد الناس كلها
وبعد كدة مسك ايديها ودخلوا القاعة في زفة جميلة جدا
وأول ما دخلوا بدءوا الفرح برقصة رومنسية مع بعض على أغنية أجنبية هادية
نور بيبص لسما ومش عايز يشيل عينه من عليها وسما مكسوفة جدا من نور
سما / بتبصلي كدة ليه هو شكلي مش عاجبك
نور / أنا ببصلك لأني مشتاقلك جدا ولأنك وحشتيني أوي
سما / شوفت بقى ان أنا كان معايا حق لما قولتلك ما نشوفش بعض قبل الفرح
نور / لأ مش معاكي حق أبدا أنتي وحشاني حتى وأنتي معايا
سما أنا مش مصدق نفسي حاسس انى بحلم معقولة أنتي بين ايديا وبقيتي مراتي بقيتي ملكي
سما / أيوة يا نور أنا بين ايديك فعلا وأحنا في فرحنا بس يا ترى يا نور لسه بتحبني زي الأول

نور / أحبك زي الأول أنتي عبيطة يا سما معقولة مش عارفة حبي ليكي اد ايه
سما / ماهو أنت يوم ما حددنا معاد الفرح فضلت مستنياك تقولي إي حاجة ماقولتش خالص وانت ماتعرفش أنا مستنية الكلمة دي اد ايه
نور / بجد يا سما عايزاني أقولها ومستنياها زي ما أنا مسنيها منك
سما / عارف نفسي في إيه نفسي اسمعها منك بتقولها بصوت عالي لدرجة أنه يرج الدنيا من حولينا

نور ساب سما في وسط الرقصة والناس بتبص عليهم ومستغربة
نور بأعلى صوته / بحححححححححبك بحححححححححببببببببك بححححححححححبك

واحد من منظمي حفلة الفرح جاب ميك واداه لنور وواحد تاني اداه لسما
نور في الميك / بحبك وعمري ماهقول لأي واحدة تانية الكلمة دي
لأني حاسس أن كل الحب اللي في الدنيا دي مخلوق علشانك
أنا نفسي حاسس انى موجود في الدنيا علشانك انتي حبيتك وبحبك وهفضل أحبك لآخر يوم في عمري
بتحبيني يا سما
( سما بتبص لنور وساكتة )
بتحبيني يا سما
( سما رجعت لورا شوية ورفعت الميك وبصوت قوي جدا وبأحساس أقوى طالع من قلبها )

سما / مكتوبة ليك إن أنا اللي تعيش لها
مكتوبة على اسمك حياتي كلها
أول ما قولت بحب كانت ليا أنا
مين تستاهلها غيري أو تتقال لها
مكتوبة ليك وهي كل حاجة في وقتها
تكمل حياتك بيا لما دخلتها
وقت أما شافك قلبي شافت عيني فيك صورة حبيبي اللي في خيالي رسمتها

( سما بتشاور بأيديها على الناس كلها )
قول بقى يا حبيبي حبيبي لمين أنا لو مش ليك
قول بقى ياحبيبي حبيبي هحب فمين غير فيك
طب دا انا أيامي أحلامي وحياتي واقفة عليك
( سما بتشاور على عنيها )
نور عيني حبيبي حبيبي لمين أنا لو مش ليك

( سما غنت الكلمات دي يمكن هي صوتها مش حلو اوى بس الاحساس اللي غنت بيه كفيل إنه يسحر نور ويخليه يجري عليها يشيلها من أسفل ظهرها ويفضل يلف بيها
وسما مش خايفة بالعكس دي فاردة زراعتها كأنها بتطير في الهوا كأنها بتحضن الدنيا
وبعد وقت طويل من الطياران مع بعض في دنيا العشق
ال DG , شغلوا الأغنية دي واللي هي اغنية اليسا بتاعة مكتوبة ليك
ونور وسما رقصوا عليها والناس من حواليهم بتهيص
💙💙💙💙💙💙💙💙💙💙💝💝💝💝💝💝💝💝💝💝💝💝💟💟💟💟💟💟💟💟💞💞💞💞💞💞💞💞💞💞💞💏💏💏💏
خلصت الرواية واشوفكوا في الجزء التاني منها أن شاء الله قريب اوى
أما القصة الجديدة فا دي بقى ان شاء الله قبل الأسبوع الجاي هكون بدأتها وأنا متأكدة انها هتعجبكوا جدا
أتمنى تكون عجبتكوا وياريت تقولوا رايكوا في الرواية دي
إلى اللقاء في الجزء الثاني



تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -