قصة حقيقية : حوادث قصة الاثارة والرعب والغموض والحب #جواز_صالونات

#معركة_الصالونات
#جواز_صالونات 😏 😌

-بقولك ايه يا عبدو، لازم تكلم يارا قبل ما العريس يجي!😡

*اكلمها اقولها ايه يا سميرة؟😒

-تقولها ايه؟؟😡.. في ايه يا عبدو؟..😡انت عاجبك اللي بتعمله مع كل عريس يجي يتقدم عشان تطفشه؟؟ 😡😡
انا مش فاهمة هي عايزة ايه بالظبط!!..😡😡😡

*سيبيها براحتها يا سميرة..😔 يارا مش صغيرة و انا بثق ف تفكيرها..☺

-أهو كلامك ده هو اللي مقويها على اللي هي بتعمله!..😠😡😧 خليها بقى جنبك و تقعدوا تثقوا ف تفكير بعض..!!😡
-----------------------------
😌(يارا قاعدة مع العريس)😌

-أهلا بيكي يا آنسة يارا..💮

*اهلا بيك يا أستاذ آ.... معلش هو حضرتك اسمك ايه؟ 😏

-ابراهيم :)

*أهلا بيك يا أستاذ ابراهيم.. ^^
(الموبايل بتاع يارا بيرن)😉
معلش بس تسمحلي أرد؟ 😌

-أكيد.. اتفضلي.. :)

*الو.. ايوة يا أمنية.. تمام الحمدلله انتي عاملة ايه.. ☺ايوة العريس جه.. ايوة قاعد بيعاين البضاعة أهو..😏 لا لا قاعد أهو ف الكرسي اللي قدامي..😏 ايوة طبعا سامعني..😌 لا هتكسف من ايه مش دي الحقيقة!..😌 طب خلاص هكلمك بعدين.. اوك باي يا قمراية.. ^^
سوري يا أستاذ ابراهيم معلش دي أمنية صاحبتي كانت بتسألني اذا تاجر الجواري وصل ولا لِسَّه.. 😏

-امممم.. تاجر جواري و يعاين البضاعة..😨 طبعا انتي مستنية رد فعل سلبي مني كأي شاب هيسمع كلمتين زي دول هيقوم يمشي و يقول (سوري يعني) ابو شكلها.. صح؟ 😌

*أبو شكلها؟؟!!!.. :o مستوى الحوار تدنى اوي يا أستاذ ابراهيم -😡 و لاحظ أني لِسَّه بقولك يا أستاذ و لاحظ كمان انك ف بيتنا!!😡

-اهدي بس و اقعدي بعد إذنك يا آنسة يارا.. انتي اديتي نفسك الحق انك تكوني صريحة.. ليه زعلانة أني أديت نفسي الحق أني أكون صريح بردو؟ 😌😌

*بس مش لدرجة ابو شكلها!!😧😡

-مع ان دي اقل حاجة هتيجي ف دماغ اي شاب مكاني، لكن انا آسف على اللفظ.. 😔
و بما انك جريئة و بتعبري عّن آرائك بحرية كدة، يا ترى ممكن تتناقشي بنفس الجرأة و التفتح؟ 😏

*اكيد.. بس للأسف مش بتناقش كتير مع الرجالة! ~_~

-ممكن اعرف ليه؟😏

*ممكن اوي اوي..
شوف..الرجالة يا استاذي الفاضل مستحيل يكونوا محايدين ف اي نقاش مع بنت.. ليه؟؟.. عشان ذكوريتهم عاملة قوالب جامدة و افتراضات مسبقة ف دماغهم نتيجة لعوامل التربية المتخلفة اللي بتفترض تلقائيا فوقية و استعلاء للراجل لمجرد انه أقوى جسديا و المفروض انه مسيطر و بتاع.. و ده بيخليهم متحيزين لآراء معينة و هما مش حاسين.. و غصب عنهم – لاشعوريا- بيظهر التحيز جدا ف أي نقاش او حوار..😔😔

-ممكن اطلب منك تخاطري و تجربي معايا نقاش؟ .. 😌و الله لو طلعت ذكوري متعفن، مش هتخسري حاجة.. هاخد التورتاية الرائعة اللي انا جايبها و اروح اضربها مع صحابي و يا دار ما دخلك شر.. ايه رأيك؟ 😌😌

*هو مبدئيا مش هتاخد التورتاية..🐸 لانها تعتبر زي كشف الدكتور كده.. لازم تدفع عشان تخش تكشف.. و مفيش دكتور بيرجع تمن الكشف حتى لو ماطلعش الشخص عيان.. تقدر تعتبرها مقابل للوقت اللي انا ضيعته معاك ف القعدة اللطيفة دي.. 🐸🐸

-اقنعتيني.. طب تمام.. نتناقش بقى؟ 😌😌

*اتفضل😒

-تعالي نفترض إن حضرتك و مجموعة من زملائك و زميلاتك ف الشغل قاعدين ف شركة.. 👬👫👭و كلكو سنجل.. بعد شوية بتلاقي في علاقات بدأت تتكون و الكابلز بدأوا يظهروا.. أحمد مع أميرة.. 👫سها مع طارق..👫 حنان مع إبراهيم..👫 تقى مع محمد👫.. و هكذا.. 👫👫👫موافقة إن ده بيحصل ف الواقع و لا لأ؟😌

*تمام بيحصل😌

-كويس جدا،، تفتكري ليه و ازاي ده حصل؟؟ 😏
ماهو بردو كل واحد تلقائيا و بدون تخطيط، عاين البنات اللي موجودين و كل بنت عاينت الشباب اللي موجودين..😌 و ده السبب اللي بيخلي نسبة كبيرة من الإرتباط تتم ف الجامعة و الشغل و الجيران و القرايب و المعارف.. لأن الدواير الاجتماعية دي عبارة عن معرض جواري و عبيد كبير على حد تعبيرك يعني..😏😏

*أيوة بس ده بيتم بطريقة تلقائية زي مانت قلت.. 😒احنا مش رايحين الجامعة أو الشغل عشان نحب و نختار و نرتبط!.. الموضوع بيحصل لوحده.. و ممكن مايحصلش!😒😒

-إذن المشكلة مش ف عملية المعاينة ذات نفسها لأنها كده كده بتتم حتى لو ف الشارع!.. 🐸المشكلة ف تخصيص زمان و مكان لعملية المعاينة دي و اللي بنقول عليه "قعدة صالونات" أو جواز صالونات، صح؟😌

*مش فاهمة.. عايز توصل لـ إيه؟😒😒

-عايز أوصل إن حضرتك مش مضايقة إن واحد يعاينك و تعجبيه أو ماتعجبيهوش.. لأن بمجرد نزولك الشارع، انتي عارفة كويس إن نسبة كبيرة من الرجالة و حتى البنات و الستات، هتعاينك من فوق لتحت!🐸
انتي متضايقة من الطريقة المترتبة اللي بيتم بيها الموضوع.. و هزة الثقة بالنفس اللي ممكن تجيلك لو اترفضتي!🐸

*أممممم.. هو أنا مش بترفض طبعا لأن انا دايما اللي برفض.. 😏بس كلامك منطقي.. 👍👍 فعلا التركيز على عملية المعاينة بالصورة اللي بتتم ف جواز الصالونات هي اللي بتكون مصدر توتر للبنت.. و كمان ضغط الأهل إنها لازم تدي أخطر قرار ف حياتها ف فترة زمنية قصيرة جدا جدا!👎👎

-أشكرك على صراحتك..😌 و موافقك على كلامك..👍 و خدي بالك إن أنا كمان كشاب جاي يتقدم متعرض لنفس العملية و نفس الإحتمال للرفض.. و بردو مطلوب مني ف وقت قصير آخد أخطر قرار ف حياتي.. و ممكن بردو أتعرض لهزة ف ثقتي بنفسي لو البنت هي اللي رفضتني..😏😏

*أيوة بس أنت راجل.. البنت أكيد بتتأثر أكتر بكتير!.. و بعدين ليه كل ده أصلا؟!! ليه الطريقة دي؟! 😒😒

-هحاول أجاوبك.. بس اعتبر ده اعتراف إن البنت أكثر هشاشة نفسية من الرجل؟؟😏😏😏🐸

*انت لئيم أوي!..😒 بس للأسف كلامك صح.. ف المتوسط أيوة البنت طبعا أكتر هشاشة نفسية من الراجل لأنها بنت و ده جزء من تكوينها ..😔

-إذن المشكلة مش جواز الصالونات كمبدأ.. 😌المشكلة ف الطريقة اللي ممكن تضغط على البنت و تحسسها إنها ف اختبار معاينة و تطلب منها قرار سريع، صح؟ :)

*تمام صح.. و ف الحالة دي رجعنا لنفس النقطة.. الموضوع بايخ و سخيف و بيحط البنت ف موقف مش لطيف و ضغط نفسي و مخاطرة إنها ممكن تتهز و تفقد ثقتها بنفسها شوية.. 😔😔

-طيب و الناس اللي معندهاش دواير اجتماعية كافية عشان تختار منها شريك حياتها يعملوا ايه؟! و كمان الناس اللي رافضة مبدأ الإرتباط قبل الجواز تعمل ايه؟! 🐸

*يبقى كل بنت تختار اللي يناسبها بقى! ~_~

-حلو اوي.. ايه بقى المانع إن يكون جواز الصالونات وسيلة متاحة كواحدة من الوسائل اللي ممكن تسهل ارتياط اتنين ببعض؟؟ ليه نرفضها من ناحية المبدأ و نقفل باب من أبواب التعارف؟ 😏
و ليه كمان بنحدها بوقت معين؟؟ ليه البنت و الشاب مايتقابلوش بمعرفة الأهل مرة و اتنين و تلاتة و يتكلموا و يتواصلوا لحد ما يوصلوا لقرار؟!😏

*هرجع تاني أقولك عشان الموضوع مخاطرة و موقف مش لطيف للبنت!.. و كمان حتى لو تواصلوا مع بعض بهدف التعارف للجواز، ده بيحط ضغط إضافي على الطرفين.. لأنهم مضطرين يبرزوا أفضل ما فيهم حتى لو بافتعال..
غير مثلا لما شاب و بنت يعرفوا بعض من خلال الشغل و يشوفوا تصرفات بعض على الطبيعة من غير تكلف ولا افتعال!😌

-مفيش مشكلة.. بس مش كل البنات بتشتغل.. و مش كل البنات بتشتغل ف أماكن مختلطة.. و في قطاع كبير من البنات بترفض الإختلاط لأسباب دينية.. لو احنا نظرنا النظرة الضيقة دي لجواز الصالونات يبقى منعنا عنهم الباب الوحيد اللي ف النور!
و بعدين البنت لو استقبلت الموضوع على إنه مجرد وسيلة للتعارف بتسهل علينا و توفر وقت، افتكر انها ممكن تاخد الموضوع بصورة أفضل شوية..👍
و تعليقا على نقطة الوقت، ف أمريكا مثلا في ناس فعلا مش فاضيين للمناسبات و الإختلاط ف الدواير الإجتماعية.. و بالتالي اخترعوا حاجات كتير لتسهيل التعارف بين الراغبين ف الجواز أو الإرتباط.. من ضمن الوسايل دي حاجة اسمها Speed Dating .. مجموعة من الرجالة و مجموعة من الستات ف قاعة كبيرة و كل واحد يقعد مع كل واحدة 3 دقايق مثلا أو 5 دقايق و بعدين ياخدوا قرار عايزين يتقابلوا تاني ولا لأ.. لو إن المسألة مسألة عبيد و جواري بقى،، إيه رأيك ف الـ Speed Dating ده؟؟ 😌

*أمممم.. مش كل بنت ممكن تفهم الموضوع كده!.. >_< و بعدين كل واحد و واحدة أحرار يعملوا اللي يناسبهم! >_<

-بالظبط!.. يبقى بلاش تعميم بقى!.. 🐸السؤال دلوقتي ليكي انتي يارا: يناسبك جواز الصالونات؟؟😏

*لأ😒

-عشان بتشتغلي يعني؟؟😏

*عشان بشتغل و عشان حاجات كتير.. >_< انا اعرفك منين معلش يعني عشان أقرر ف مقابلة ولا اتنين اني اتجوزك او لأ؟😒😒

-مش مطلوب تقرري نتجوز ولا لأ!..هو احنا هنتجوز أول ما نقول اوك؟! 😏😏

*أكيد لأ بس مطلوب مننا قرار هنكمل و نعمل خطوبة ولا لأ!😏😏

-مين اللي طالبين مننا ده؟😌

*أهلك و أهلي أكيد!😒

-لأ مالكيش دعوة بأهلي أنا كفيل بيهم.. تقدري انتي تطلبي من بابا يصبر على القرار؟؟😌

*بابا انسان ذكي و انا واثقة إنه هيتفهم.. بس وقت أد ايه يعني؟😔

-وقت كافي إننا ناخد قرار.. شهر مثلا؟!😌

*و أفرض انك شاب – سوري يعني – مقضيها و داخل طالع بيوت الناس تتعرف على بنات وكل واحدة تقعد معاها شهر؟؟😒😒

-الشهر ده هنتواصل فيه بمعرفة الأهل و هنتقابل فيه ف وجودهم.. يعني حتى لو أنا لعبي، هتخسري ايه؟؟👍

*مممم.. المبدأ نفسه!.. و بعدين ممكن اتعلق بيك مثلا و بعدين مايحصلش نصيب!😔

-انتي بتناقضي نفسك على فكرة!🐸
ازاي بتشتكي من ضغط الوقت و بعدين لما اقترحت عليكي ناخد وقتنا بردو بتشتكي؟!😏

*مش عارفة بقى!😔
هو الموضوع كله ملعبك على بعضه!😔

-ممممم.. و عشان كده الأسهل انك تتكلمي بعدائية و تطفشيني؟!🐸

*أكيد طبعا.. واضحة يعني!

-طب اديني ماطفشتش أهو..🐸 بالعكس.. جرأتك و طريقتك ف النقاش و قدرتك على التعبير عن نفسك عجبتني جدا..👍

*و انت كمان طريقتك ف النقاش المتحضر الغير متحيز عجبتني بصراحة!..

-الحمدلله.. فاضل بقى نقطة أخيرة.. 😌

*إيه تاني؟ :/

-انا كلت حتة من التورتة و انا جاي ف الطريق.. 😌لأني بحب الشوكلات كيك دي جداااا و كنت طالع م الشغل مالحقتش اتغدى!🐸

*هههههه.. يا ختاااي!.. 😂😂 ماما لو عرفت هتفضحك و تقول عريس مفجوع!..😂 بس بصراحة أنا كمان بحب الشوكلات كيك أوي.. ف أنا عذراك..😂😂👍👍

-لأ إن كان كده بقى قومي هاتيها من برة نضربها سوا.. :D

لأننا نؤمن بالحياة.. نحن هنا

في شبكة أضواء الإخبارية، ندرك أن الخبر ليس مجرد حروف، بل هو نبضٌ وإنسان. من قلب التحدي في غزة، نسعى لصناعة غدٍ مشرق يمتد ضياؤه إلى العالم أجمع. رسالتنا هي بث الأمل ونشر الحقيقة، لنرسم معاً ملامح فجرٍ جديد يليق بطموحاتنا العظيمة.