قصة زواج عرفي متعدد في رام الله ونابلس متداولة عبر وسائل التواصل الاجتماعي

الكل بعرف قصص الابتزاز -- ما بدي افوت بتفاصيل اكثر من هيك ----
الموضوع يلي شتغلت فيه انا واخوي Khalil Omar من اسبوع تقريبا للامانة يا اخوان موضوع في غاية الخطورة ----- بتمنى منكم قراءة الموضوع للآخر --
---- القصة كالآتي ----
تواصلت معي بنت من مدينة نابلس عمرها 18 عام --- طبعا هاي البنت بتعاني من هاد الموضوع من سنة تقريبا -- يعني كان عمرها 17عام لما ورطت هاي الورطة
البنت تعرفت على شب من مدينة رام الله قبل سنة تقريبا عن طريق الفيسبوك -- العلاقة استمرت ما يقارب خمس شهور او اكثر -- بعدها البنت حكت لحبيبها لازم تتقدملي للزواج انا ما بقدر اضل مكملة معاك هيك --- الشب حكالها انا ما في معاي مصاري -- بس عندي فكرة -- طالما احنا منحب بعض -- شو رأيك نتزوج زواج عرفي -- هلا البنت من حبها للشب حكتلو انا موافقة -- راحو الجماعة عند محامي وهذا المحامي فاتح المكتب في مدينة رام الله -- طبعا كان الشب منسق مع المحامي وحاكيلو انه جاي مع البنت -- كان رد المحامي -- انا بكتب عقد الزواج العرفي بس ما بحط عليه لا ختم ولا بوقع عليه --- المهم فعلا تم الزواج العرفي عن طريق هذا المحامي -- طبعا كل هاد يلي بصير واهل البنت ما معاهم خبر -- لانها البنت بتشتغل خلص اهلها بكونو عارفين انها بنتهم بالشغل ---
هلأ من هون صارت المصايب --- الاخ مصدق حالو انها البنت صارت مرتو وصار كل يوم يحكيلها تعالي انا شتقتلك ومن هالحكي -- البنت فعلا كانت ترد على الشب يلي بتفكرو زوجها -- بس الحلو بالموضوع انو صار بيناتهعم علاقة غرامية اكثر من 12 مرة وما زالت البنت عذراء -- لانه الشب كان يطلب منها انو لازم تفقدي عذريتك بس البنت كانت ترفض وبشكل قاطع --- البنت تعبت من هاد الموضوع -- اقسم بالله يا اخوان انا شتغلت بهاد الموضوع الكبير وانا بتالم على الوضع يلي بمرو فيه بناتنا هاي الايام --- يا ريت القصة خلصت لحد هون -- انا اصلا ما بلشت بالموضوع -- البنت صارت تتهرب من الشب -- على اساس يجي يطلبها بشكل رسمي -- بس للاسف فات الاوان -- بتعرفو شو صار يا جماعة -- الحقير يلي بدعي انو جوزها بالعرفي -- في الو اصدقاء من نابلس -- وخبرهم بالموضوع -- على اساس انها البنت رخيصة وباعت حالها -- نخيلو يا اخوان قمة الحقارة بهاد الحقير -- طبعا انتو عارفين الشباب بس يعرفو انها البنت وقعت بهيك موضوع صارو بدهم يستغلوها جنسيا -- للاسف صارو اصدقاء الحقير كل يوم يروحو على مكان شغل البنت يراقبوها ولما تروح يلحقوها -- يحكولها تعالي اطلعي معانا بالسيارة -- وكل يوم على هذا الحال -- لحد هون لسا الموضوع الاكبر جاااي -- البنت بعدت عن الشب يلي تزوجها عرفي وضحك عليها او بالاحرى بطل في بيناتهم تواصل --- هلا هون البنت غلطت كمان غلطة كبيرة --- ركزو معي منيح يا اخوان --- اتصلت على البنت وحدة من احدى قرى رام الله -- حكتلها يا فلانة -- كيفك شو اخبارك ومن هالحكي -- خراف يجر خراف -- حكتلها شو رأيك اجيبلك عريس -- البنت من هبلها وافقت حكتلها اه مش غلط جيبيلي عريس -- هلا هاي البنت يلي حكت معها - من طرف الحقير يلي تزوجها بالعرفي -- حكتلها طيب تعالي اعرفك على الشب -- المهم البنت تعرفت على شب جديد - صار بينهم حكي وتعارف بس للاسف البنت بهاي اللحظة ما بعرف شو صاير لعقلها -- ليش قبلت تتعرف على شب تاني وهي عارفة انو هاد التعارف غلط بغلط --
المهم طلعت مع الشب التاني وصار يتصور معها -- يعني البنت غرقت حالها بقصة لا الها اول ولا الها اخر --- هلا المصيبة الكبيرة الشب يلي تعرف على البنت عن طريق البنت يلي رنت عليها --- كلهم طلعو عصابة وشبكة وحدة --- هلا هون صار الابتزاز الحقيقي -- السب يلي تزوج البنت عرفي اخذ جميع الصور من الشب يلي تعرف عليها جديد لانهم بالاصل هدول الشباب بعرفو بعض --- بعتلها رسالة - الشب يلي تزوجها عرفي -- حكالها اسمعي يا بنت الناس يا اما بتيجيلي على رام الله حالا -- يا اما بفضحك عن طريق الصور يلي تصورتيهم مع الشب التاني وبخلي اهلك يقتلوكي --- البنت من الخوف بطلت عارفة حالها وين بدها تروح ومن وين بدها تلقي - البنت تواصلت معي وخبرتني عن هاد الموضوع -- هلا انا بهيك وضع لازم يكون بئيدي دليل قاطع -- حتى اساعدها واحللها المشكلة --- 
اولا --- قمت باختراق حسابات كل من --- المحامي يلي انكر انو كتب هاي الورقة -- ثانيا --- الشب يلي انكر انو تزوجها عرفي -- يعني البنت لو ما وصلتلي كان خرب بيت ابوها وصارت لعبة بين ايدين الحقراء ---
وتم وبحمد الله الكشف عن الحقيقة عن طريقي انا و الهكر الفلسطيني الأول" Khalil Omar"
طبعا بعد ما جبنا الدليل القاطع ----- قمنا بالاتصال المباشر على الاخوة في الاجهزة الامنية --- وقامو بالتحرك الفوري بعد ما اخذو مني الدلائل يلي بدي ارفقها مع هذا المنشور ---- وتم القبض على العصابة بالكامل يوم السبت الموافق 24/8/2019 --- كل هذا صار منا دون علم اهل البنت -- لانو بصراحة ما بدنا البنت تنفضح او تتشوه سمعتها -- الحمد لله انها تمت بستيرة ---
يا ريت هذا يكون درس للبنت بحياتها ما تنساه --- ويا ريت الكل انا بخص بالذكر البنات يلي بتواصلن مع شباب على فئات التواصل الاجتماعي -- انهم يوقفو تواصل حتى ما تتعرضي للابتزاز ---- يا ريت الكل يشارك هاذ المنشور ؟؟؟
وتقبلو منا فائق الاحترام ----
منقول عن ريمانه ناصر

لأننا نؤمن بالحياة.. نحن هنا

في شبكة أضواء الإخبارية، ندرك أن الخبر ليس مجرد حروف، بل هو نبضٌ وإنسان. من قلب التحدي في غزة، نسعى لصناعة غدٍ مشرق يمتد ضياؤه إلى العالم أجمع. رسالتنا هي بث الأمل ونشر الحقيقة، لنرسم معاً ملامح فجرٍ جديد يليق بطموحاتنا العظيمة.