أخر الاخبار

الجزء التاسع من رواية أمسكي بيدي وأعيديني . - أمل بين الصخور 2019

الجزء التاسع   من رواية أمسكي بيدي وأعيديني . - أمل بين الصخور  2019
الجزء التاسع والأخيير.........

أمل. يا مجنونة نحنا رايحين لحتى نستفزهون

لين. ههههه ادا هيك ماشي طالما في خطط شريرة منروح ليش لاء

أمل. روح قلبك الخطط الشريرة أنتي

لين. ههههه هيك شي

أمل. اي قومي لبسي بسرعة ريما ناطرتنا

لين. اوف ماشي قايمة

.................................
................................

فتنا عالمصنع ونحنا عم نمزح ونضحك وولا كأنو في شي طبعاً طول الطريق كنا عم نتفق شو رح نعمل كان المصنع كتير هادي لما دخلنا

أمل. صباح الخير سامي

سامي. اهلين صبايا

أمل. ليش هيك اليوم المصنع كتير هادي ومافي روح وين الباقيين

سامي. الاستاز باسم عم يتفق مع زبون مشان طلبية جديدة والاستاز وائل عم يتفق مع شيف جديد مشان القسم الي بدو يفتحو ويمكن اليوم يبلش دوام

أمل. هيك لكن وانت شو عم تعمل

سامي. انا بدي روح وصل الطلبيات وأرجع ساعدكون بالشغل وحطيتلكون قائمة طلبات اليوم بالمطبخ

لين. تمام سامي يعطيك العافية

دخلنا المطبخ تلاتتنا وجهزتلنا لين كل الخلطات لحتى نبلش شغل قبل ما نبلش دخلو عالمطبخ وائل وباسم تطلعنا انا ولين ببعض وكملنا شغلنا

وائل. صباح الخير صبايا

ريما. اهلين

وائل. مين بدو يصلي معنا رح نصلي جماعة

ريما. من ايمتا

باسم. وائل شجعني وحتى عم نفكر نعمل مصلى بالمصنع

فتحت عيوني على وسعهون وانا مصدومة من الي سمعتو وائل بيصلي!!
وائل. شو رح تصلو معنا

أمل. اي اي يالله منصلي

بعد الصلاة...
باسم. الهيئة اليوم في كتير شغل

ريما. يعني هيك شي

وائل. أمل شو صار بالدونات جهزو ولا لسا

تطلعت فيه وصرت أتزاور أمل. استاز وائل بتوقع اني قلت مافي طلبية خاصة لبعد دوام المصنع

تطلع باسم بلين باسم. لين جهزتي الخلطات

لين. اي استاز باسم كلون صارو جاهزين

باسم. استاز!!
من ايمتا

وائل. تركهون شريك تركهون الهيئة في خطة جديدة نازلة عالساحة

باسم. ههههه كأنو شو رأيك بفنجان قهوة هلق من تحت أدين الأنسة ليين

قربت من ادني ووشوشتني لين. اوووف مستفزين

أمل. لو سمحتو شو رأيكون تشمرو عن ايديكون وتلبسو مراييلكون لتساعدونا شوي لانو متل ما بتعرفو اليوم عنا ضغط شغل كبير وترككون من القهوة هلق

لين. هههه برافو أمول
علت صوتها وزتتلهون المراييل. معها حق أمل اتفضلو ساعدونا

اتطلع وائل بباسم. اتحاد نسائي يعني

باسم. هيك الهيئة الله يستر

لبسو المراييل ووزعنا الشغل علينا نحنا الخمسة كنا عم نتجاهل وجودهون تماماً كنا نحكي ونضحك ونفتح سير وولا كأنو موجودين

ريما. أمول شو بدك تلبسي اليوم

أمل. ليش شوفي اليوم شو المناسبة

ريما. لك شبنا مو اليوم جاي قصي لحتى يشوفك

لما شفت وائل التفت لعنا بتوتر أمل. آااه ايي الهيئة نسيت خبرك
سكتت شوي لزيد من توترو. أجلنا الموعد لبعد أسبوع أحسن

ريما. امم حلو كتير ومنو بتكون بلشت العطلة شو رأيك تلبسي فستان لين الأحمر

لين. اي والله كتيير بيلبقلك الأحمر

كان عم يسمع بصمت وعم يشد عقبضة أيدو أمل. اي ليش لاء بقيسو وبشوف
زودت العيار شوي. صبايا عنجد كتير متحمسة لشوف قصي قولكون بيكون حلو

لين. لك بيشلللل شلللان انا شفت صورتو

معد يستحمل اكتر من هيك كان رح ينفجر بس نطق باسم. مين هو الي بيشل أنسة لين

لين. يي ليش ما قلنالكون هاد الي بدو يجي يخطب أمل عنجد ما تشوفو بيشللل وغير هيك وضعو المادي تمام وابن عالم وناس

وائل. هيك لكن بس اكيد أمل ما رح توافق عليه مو هيك

قبل ما تجاوبو أجا سامي ومعو بنت تانية كانت طويلة وشعرا أسود لأخر ضهرا ملامحها ناعمة ولابسة فستان اسود لفوق الركبة
كانت فوتتها متل الصاعقة خلت كل الأنظار عليها بثواني

سامي. احمم بعرفكون الأنسة سالي الي رح تكون الشيف للقسم الجديد

تطلعنا انا ولين وريما ببعض. شيييف!!

أمل. اهلا وسهلا فيكي

الكل. اهلين فيكي

سالي. شكراً الكون

قرب منها باسم وصارت عيون لين تقدح شرار باسم. انا باسم وهاد شريكي وائل بتحبي نعرفك عطبيعة شغلنا ولا بتحبي تاخدي استراحة صغيرة

سالي. تشرفت بمعرفتكون اكيد بحب باشر بالشغل فوراً

وائل. نحنا الي النا الشرف هههه الهيئة نشيطة

سالي. ان شاء الله

تركت الشغل الي بأيدي وقربت منها أمل. بس هيك ما رح يمشي الحال

سالي. عفواً!

أمل. ههههه قصدي أضافرك ... أضافرك ما بيمشي حالون بشغلنا لازم تقصيهون لانو اهم الشي عنا النضافة

بان على ملامح وشها التوتر سالي. يا أنسة انا بستخدم كفوف حرصاً على النضافة الهيئة انتو ما بتستخدموهن

رفعت راسي وصرت أحكي بثقة أمل. طبعاً منستخدمهن بس النضافة بتضل نضافة يعني افترضي انشقو ما بيفوت جراثيم

لين. مزبوط ...مع الاسف متظطرة تقصيهون

ريما. وانا هيك بقول

تطلعو وائل وباسم ببعض وهنن كاتمين الضحكة
وائل. طبعاً هالشي بيرجعلك

حكت بأنزعاج سالي. لا خلص رح قصون

ريما. ان شاء الله ما تكوني انزعجتي منا بس هالشي اجباري لنضافة الشغل

سالي. لا ما زعلت

باسم. باسم شو رأيك تعرفها لسالي عالشغل وتشرحلا طبيعة شغلها

وائل. تمام...امشي سالي عرفك عالمصنع

تطلع بسامي باسم. وانت سامي خود الطلبية الي خلصناها من شوي وروح وصلها و لين لحقيني عالمكتب بدي احكي معك

لين. حاضر استاز باسم

غسلت ايديها ولحقت باسم عالمكتب

لين. اتفضل استاز باسم شو في

باسم. لين من ايمتا في بيناتنا استاز وأنسة

تطلعت فيه بمكر لين. من لما قررت انو نترك

باسم. لين لا تجننيني بتعرفي اني كنت معصب ومو بوعيي خلينا نطلع عشي مكان ونحكي

لين. ماني طالعة معك عمحل هه يعني لو تجوزنا وعصبت شوي زيادة ممكن تتطلقني ومانك حاسس

باسم. لين !
بلا عناد خلينا نطلع

لين. ما رح أطلع عمكان

باسم. طيب تمام منحكي هون
انا بعتذر منك لاني حكيت هيك مبارح من دون وعي بس انتي عصبتيني وحسيت انك عم تكذبي عليي بعترف اني غلطت بس كمان انتي غلطتي

لين. ههه خلصت

باسم. لسا
راح لعند مكتبو وطالع باقة ورد أحمر كبيرة وعطاها ياها. بعتذر حبيبتي

دمعو عيونها لين. بتعتذر وين بصرفها هي

مسك ايدها وحطا عقلبو باسم. هون
بتعرفي اني ما نمت طول الليل لاني زعلتك

لين. ههه فعلاً اصلاً لو بيهمك امري كان أتصلت وما خليتني نام زعلانة

باسم. ولو فاتحة موبايلك كان شفتي كمية الاتصالات والرسائل الي بعتلك ياها قبل ما تنامي

قرب منها باقة الورد باسم. بحبك

نزلت راسها عالأرض بخجل. وانا كمان

باسم. خلينا نتزوج

حطت ايدا عتما بصدمة وكأنو كلماتو نزلت لتبرد قلبا لين. شووو!!

باسم. خلينا نتزوج الأسبوع الجاي لين

لين. هههه موافقة

......................................................................
أمسك بيدها أمام الجميع وصرحَ بأنها ملكة قلبه وبأن حياته ملكَ يديها ، قال بأنها ستضيئ عرش دنيته ...وبأنها حياة ليس من دونها حياة .
.....................................................................

همس بأذني "عقبالنا" ومشي كان عم يمشي وتردد صوتو عم يتكرر بمسامعي غمضت عيوني وكأنو في قشعريرة عم تمشي بكل جسمي بعثرني خلاني أشتاق لقربو خلاني جن ليكون جمبي بس ما بدي...ما بدي كرر الماضي

كنا عم نمشي بالطريق انا ولين وريما وكل وحدة بيناتنا في شي براسها شاغلها لين كان مبين الفرح عوشها من دون ما تنطق او تصرح بشي
اما انا كنت حاسة حالي ضايعة بعد كلمة وائل "عقبالنا" اشتقتلوو ...اشتقتلو كتيير...

أمل. صبايا شو رح تعملو اليوم

لين. انا رح اطلع مع باسم بدنا نجهز للعرس

ريما. وانا رح أطلع مع ايمن
وانتي أمول؟!

أمل. ههههه انا بضل لحالي

لين. روحي معنا انا وباسم

أمل. لا لا روحو ونبسطو انا ما جاي عبالي

ريما. شبك أمل ليه حاستك مانك عبعضك

أمل. ما شفتو الاستاز وائل كيف جن لما شاف شقفة بنت كل ما بقول انعدل بيطلع لا نعدل ولا شي

ريما. قصدك عن سالي !

أمل. اي سالي ضريبة السخن يقطعمرا شو مستفزة وسمجة وما بتنطاق

لين. أمل لتكوني غيرانة

أمل. لك ليش لحتى غار

فجأة استوقفني صوت بعرفو كتير منيح وبقدر ميزو من بين مية صوت اي نعم ام محمد

ام محمد. امل...يا أمل

أمل. الله يستر
التفتت لعندا أمل. خالتي كيفك!

ام محمد. امل انتي متزوجة شي

فتحت عيوني على وسعهن أمل. شووو!!

ام محمد. مبارح اجا واحد عالحارة باينتو غني وقلي
انو هو زوجك

امل. شو هاد العمى شو انو كذاب خالتي ان شاء الله ما قلتي لحدا

ابتسمت ام محمد. لا لمين بدي قول يعني

بعد شوي اجو ام ياسين وام عمبدو والابتسامة شاقة وشهون
ام ياسين. امل انتي متزوجة

أمل. احلفلكون بالمصحف اني ماني متزوجة

وشوشتها لين. والله لو بلعتي ورق المصحف ما رح يصدقو انبسطي هيك ما قلتلك مبارح لا تفاولي

أمل. اوووف انا بفرجيك يا وائل الزفت

................................
...............................

كنت عم بفتح باب البيت وانا معصبة ومو رايقة بنوب كيف هيك ريما ولين بيتركوني وبيروحو فجأة فتحت الباب وفتت وانا عم كروت بصوت واطي
حطيت ايدي عقلبي ونقزت من الي شفتو ديقت حدقة عيني وكتفت ايديي عبعضون

كان متمدد عالكنباي وحاطط رجليه عالطالولة تطلع فيني من فوق لتحت ولوا تمو

وائل. على فكرة انا ماني مسامحك

غمضت عيوني ورجعت فتحتون أمل. وائل شو عم تعمل هون؟!

وائل. واو في تطورات بطلت الاستاز وائل هه
وقف وصار يمشي باتجاهي طبق الباب ووقف وراه. انا ماني مسامحك لانك بلغتي عني قبل ما تروحي

فتحت عيوني على وسعن أمل. نعم!!!

وائل. متل ما سمعتي

أمل. انا عملت معك احسن شغلة قبل ما روح لما بلغت عنك وانت بتعرف تماماً لو ما بلغت عنك شو كان ممكن يصرلك

وائل. بتخافي علييي

أمل. مو متل ما مفكر انا كنت عم بحفظ العشرة والملح الي بيناتنا وانو بيوم من الايام كنا عيلة وكان بيربطنا بنت

وائل. الله يرحمها
انتي ما بتحبيني؟

أمل. قلتلك من قبل ومافي داعي عيد مافي اي مشاعر تجاهك يعني شخص عادي ما بحبك ولا بكرهك

وائل. حاج تكذبي

أمل. لو سمحت

قاطعني وائل. مافي داعي تكذبي عحالك وعليي ونحنا منعرف كتير منيح انو لساتك بتحبيني ولا ما كنتي رح تجني لما شفتيني ماشي مع سالي
ابتسم بمكر. ومتل ما بتعرفي ما بيغار غير الي بيحب ولا غلطان

أمل. طبعاً غلطان
انت شو عم تعمل هون ببيتي مين فوتك ووينن الصبايا

وائل. ليش عم تغيري الموضوع

أمل. ليش أجيت

وائل. لاني بحبك وبعشقك وبدي ياكي

أمل. مع الأسف شعور غير متبادل

وائل. لو كنتي حجر كان لان شوي على حالي خلص حاج تكابري نحنا لبعض ومستحيل أتركك تضيعي من ايدي مرة تانية

أمل. لك انت جرحتني...وكان الجرح عميق كتير ومستحيل يترمم كنت بعرف انو جواتك ابيض بس انت كنت نقطتي السودة الي قلبت حياتي فوقاني تحتاني

قاطعني وائل. بظن مافي داعي أرجع و قلك اني تغيرت ...ما بدي منك شي بس عطيني فرصة جديدة لأثبتلك

كان قلبي رح ينفجر حاسة حالي ضايعة تايهة ما بعرف شو لازم اعمل
قرب مني ورجع خصل شعري لورا كان عم يطلع بعيوني بعمق عم يخليني اضعف وافقد السيطرة عحالي
وائل. حبيبتي عطيني فرصة وتأكدي اني مستحيل أخذلك

بهالكلمة فجر كل المشاعر المكبوتة جواتي قربت منو وضميتو بقوة كنت عم بشهق. اشتقتلك كتيير

ابتسم ابتسامة رضا وشد عليي بقوة كنت حاسة بأنفاسو الي عم تطلع وتنزل
وائل. وانا كمان واكتر من ما بتتصوري اكتشفت اني بعشقك

بعدت عنو كانو عيوني حمر وعم يلمعو من الدموع
وائل. ما بدك تشوفي شو جبتلك

سحبني من ايدي وطلعني عالبلكونة حطيت ايدي عتمي وكتمت شهقاتي كانت كلا ورد

وائل. عجبتك

أمل. هههههه اي كتييير

مسك ايديي وتطلع بعيوني وائل. أملي بحبك كتييير

.................................
................................
"بعد سنتين"
"لا تكرري الماضي أمل" شو كنت قول لحالي هالكلمة بس انا لما ارجعت لوائل اخترت بداية جديدة كنت عم عيش حياة تانية ما عم كرر الماضي فيها كنت عم برسم معو طريق جديد وحاسة بالرضى تجاه حياتي
لما منلاقي الحب والصدق لازم نبلش معو من جديد وانا بلشت من جديد

وائل. اسمعيني

أمل. خلص وائل حل عني

حاوطني من خصري ووشوش عند اذاني وائل. ما رح حل عنك لحتى ترضي

لفيت وشي عالجهة التانية أمل. مو مهم انا المهم الأنسة سالي ما تزعل

لفلي وشي لعندو وثبتو وائل. خلص بقى قلتلك هي طلبت مني المساعدة شو بقلا يعني مرتي بتغار

سحبت حالي من بين ايديه وقعدت عالكنباية أمل. اي روح ساعدها لا تقلا شي

مسكت موبايلي ودقيت للين

أمل. كيفك شو عم تعملي

لين. ولا شي

أمل. الهيئة لازم نرجع نعمل خطط جديدة لانو في براكين عندي عم تشتغل شوي..شوي

لين. هههههه هيك الهيئة لانو كمان عندي شاعلة

..............................

كنا مجتمعين نحنا والصبايا بنفس البيت الي جمعنا شو سهرنا ضحكنا وبكينا بهالبيت وبعدين كل وحدة منا راحت بطريق وما ضل غير وسن وولادها عايشين فيه بس كان هالبيت بمثابة الجدار الي بيسندنا كل ما وحدة منا تدايقت بتروح عليه كان الشي المشترك الي رح يضل يجمعنا لو مهما صار

أمل. بتعرفو صبايا الحياة كتير بسيطة بس ما بعرف ليش نحنا البشر منعقدها

أزهار. هاد رسم القدر شو دخل البشر

ريما. معك حق بس البشر الهون دور كتير كبير

وسن. مثلاً صح القدر بيكون مكتوب بس نحنا الي منحدد كيف مسار حياتنا نحنا الي منختار نعيش سعداء حتى لو معنا شي قليل

لين. اي والله والله الحياة حلوة

رسالتنا هي:
السعادة ،وفي شي أجمل من السعادة بهالحياة لنوصلو للعالم لو كيف ما كانت حياتك لازم ترضى وتعيش بسعادة مو غلط تبدا من جديد دور عكل الطرق الي بتخليك سعيد وعيش فيها لأنو الحياة ما بدا غير سعادة...#النهاية
................................................................
وكل الطرق جميلة عندما توصلك إلى السعادة.
..............................................................


تعليقات



حجم الخط
+
16
-
تباعد السطور
+
2
-