من فترة بسيطه جالي بلاغ إن في جريمتين قتل
في إحدي العمارات إتحركت علي الفور لموقع الحادث
كانت حاله من الفوضي قصاد العمارة بالقوه إللي إتحركت معايا فرضت السيطرة علي المكان وأخليته تماماً
من الناس ومنعت دخول أي شخص العمارة
العمارة كانت مكونه من خمس ادوار كل دور فيه شقتين جريمتين القتل حصلت في الشقه رقم 7 في الدور الرابع والشقه رقم 9 الدور الخامس
علي الفور بلغت النيابه بالواقعتين وبعد حوالي ربع ساعه وصل وكيل النيابه لمعاينه الحادث
بسبب أعداد الجثث اللي تجاوز الـ 15 جثه
تم إستدعاء 6 سيارات إسعاف لنقل الجثث للمشرحه
معاينه النيابه للحادثين إستغرق حوالي ساعتين أو ازيد
بعد ذلك تم رفع البصمات لإرسالها للمعمل الجنائي
ضحايا الدور الرابع كانت اسرة مكونه من اب وام
واربعه ابناء منهم طفل لم يتجاوز الثلاث أعوام
وخمسه افراد آخرون من اقارب الزوج
ضحايا الدور الخامس كانت أسره مكونه من أب وام
وبنتين توأم في سن السابعه
المعمل الجنائي مقدرش يحدد نوع الأداه المستخدمه في عملية القتل والمرعب في تقرير الطب الشرعي
إن القاتل ليس بشراً
رغم ذلك إلا إن النيابه إستمرت في تحقيقاتها
لمعرفه أسباب الحادث وبعد مده بسيطه جدا
إتحفظت القضيه ضد مجهول
كنت بتابع أحداث القضيه اول بأول
لإني الحقيقه كنت مهتم بيها جدا نظراً لغموضها الشديد
يمكن من ضمن الألغاز المحيره في القضيه
إن بعد معاينه شريط الڤيديو الخاص بكاميرات المراقبه
اللي كانت موجوده في الدور الرابع ظهر شخص قصير لابس بنطلون لونه أسود وقميص لونه أبيض
برغم إنهم حاولوا يعملوا زووم علي ملامح وشه إلا إنها مكانتش ظاهره كويس بسبب الضبابه اللي كانت عليه
وده يمكن كان غريب شويه
الشخص دخل الشقه رقم 7 بعد ما احد أفراد البيت فتحله الباب وكاميرا المراقبه اللي كانت موجوده في الدور الخامس صورت نفس الشخص بيدخل للشقه رقم 9
الوقت اللي دخل فيه الشخص للشقه رقم 7 والشقه رقم 9 حدثت جريمه القتل وده اللي حدده تقرير الطب الشرعي
يمكن الأغرب في جريمتين القتل إن الاطفال اللي كانوا من ضمن الضحايا تم قتلهم بطريقه غريبه
وهي نزع قلوبهم من اجسادهم
القضيه كانت غامضه والمحير فيها إن يوم
2017/5/6 كانت حدثت جريمه قتل غامضه لشاب من سكان العمارة تم العثور عليه مقتولاً داخل الأسانسير
ويوم 2018/5/6
تحصل جريمتين قتل في نفس العمارة
اظن المكان والوقت مش مجرد صدفه
الحقيقه فضولي دفعني إن لازم أحل لغز القضيه
ًعملت شويه تحريات وقعدت مع بواب العمارة
وبدأت أستدرجه في الكلام قالي حاجه غريبه جداً :-
إن سنه 2016 كان فيه ساكن في العمارة إبنه مريض بالقلب
وفي يوم خرج الأب من شقته زي المجنون بيستنجد بجاره إنه يوصله بعربيته للمستشفي لإن حالة إبنه حرجه
الجار رفض وإعتذر الأب رجع تاني علي شقته خد إبنه وخرج علي المستشفي زي المجنون حاولت أسأله واعرف منه إيه حصل لكن مردش عليا وجري ومن ساعتها مرجعش تاني
وده اللي عرفته من الجار "
قلت للبواب لكن أنت مذكرتش ده في أقوالك في النيابه
قالي يابيه بصراحه انا خوفت معرفش ليه لكن والله
أنا صادق في كل كلمه قلتها لسيادتك
بعد ما عرفت إسم الساكن قدرت اجمع بيانات اكتر عنه وإتأكدت إن بالفعل إبنه كان مريض بالقلب وإن الأب إنتحر حزناً علي إبنه اللي مات
تاريخ وفاة الإبن كان في لغز غريب
إن يوم وفاه الإبن كان 2016/5/6
ويوم 2017/5/6 يتقتل شاب في العمارة
ويوم 2018/5/6 حصلت جريمتين قتل في نفس العمارة
المرعب في القضيه إن الأب اللي إنتحر لحزنه علي موت إبنه هو نفس الشخص اللي ظهر في كاميرات المراقبه
وده اللي إتأكدت منه
جرائم القتل الغامضه في العمارة ملهاش غير سبب واحد مقتنع بيه تماماً وهو إن الأب رجع كشبح ينتقم ويقتل في سكان العمارة ويصادف إنتقامه اليوم اللي مات فيه إبنه
منقوووول
رأيكوووو
