اعجبتنى....
أنواع السلفات
كانت ستي الله يرحمها تقول مركب الضراير سار ومركب السلفات غار أو إحتار المهم انه النتيجه بتقول ممكن الضراير يتفقو بس السلفات مستحيل خلينا نشوف ليش ؟؟؟؟؟ونعرف أنواع السلفات 😉
مع الباحثة الاجتماعية في جامعة جون هوبكن
السلفة الفسادة الي ما بتبول في ثمها فولة وبتموت على نقل الحكي والفساد وما بتحب تشوف المراكب سايرة
🙄السلفه الحشرية الفضولية الي عندها تطفُّل قااااتل هاي مستعدة تدفع عمرها بس تعرف كل كبيرة وصغيرة في العيلة ولو بطلع في ايدها تعرف الإشي قبل ما يصير ما بتقصر
السلفة المكيوده الحسودة عليم الله لو شافتك مشنوقة بتقول نيالها بتتمرجح 😅😅😅😅
السلفة الحرباية 🦎🦎 الي في ١٠٠ لون وفي وجهك مراية وفي ظهرك مذراية
🙄السلفة النفسية الي رافعة مناخيرها في السما وما بعجبها العجب ولا الصيام في رجب
السلفة الساهيه اللاهيه الي بشوفها بقول ملاك بس هي 🦂🦂 بقرص وبتخبا وهاي من أخطر أنواع الزواحف ايييييه قصدي السلفات 😅
🤗السلفة الطيوبه وعلاقتها جيده مع الجميع طبعا هاي عملة نادرة بس موجوده 🤣
السلفة المخطوبة جديد هاي حبيبة حماها وحماتها وبجاكرو فيها الكناين وطول نهارهم في سيرتها
لا تردي ولا تحكي خليكي ساكته ودعي الزمان يتحدث اعطيها كم شهر والله لتقهرهم قهر ورح تصير جميع ما ذكر 😂
تنويه : هناك أنواع عديده لم يتم ذكرها في هذا البحث
يلا يا صبايا منشن لسلفاتك واحكيلهم تعالي شوفي
اكتبي في التعليق تحت انت اي نوع والله يقدرني على فعل الخير ..
احنا جايين نهدي النفوس 😅😅😅😅
