الجملون..
بعد حراثة 20 سنة بالغربة..قلت يا ولد بلاش تظلك اتدكن بهالمصاري عبارة عن شهادات توفير بنكية "صكوك"، ولازم تبدأ تظهر عليك النعمة لا يفكروك الناس بعدك صعلوك..قمت شريت ارض زغيرة وعمرت عليها 3 محلات تجارية..وانا بالغربة ما شفت لا الارض ولا العمار..بس حسب كلام المقاول "نسيبي" قالي حطيتلك بالاساسات مليون قضيب حديد زيادة وحسسني انو معمرلي مول..اخذ مني اخر العمار الف دينار زيادة..قلتلو لشو هذول قال بدي اعملك السطح وبيت الدرج "جملون" ..
ولأن هذه الكلمة من ضمن المفردات التي ولدت اثناء غربتي لم افهم معناها..قلتلو اذا مش ضروري هذا الجملون بلا منو.. قالي " انت مش فاهم الوضع.." وانا اكره ما علي واحد يقلي اني مش فاهم خصوصا اني دايمن بحس نفسي ابو المفهومية.. المهم قلت اعطي الخبز لخبازو.. بعد ما اطمن قلبي لمن سمعتو عالخط الثاني بيقول لصاحبو نزلولي خمس شوالات شميمتو عند عمرة نسيبي وجيبو مشاوي للعمال..، والله اولها تضايقت من كلمة "المشاوي" بس كيفت على كلمة "عمرة" اول مره بسمعها بحياتي وشعرت بنشوة الاثرياء..ما صدقت انزل عالاردن عشان اشوف الوضع ما لقيت لا عمرة ولا جملون..باستثناء فواتير المشاوي.
نسيبي مجتهد والحق يقال لكن تركيزو دايمن على العمار المخفي تحت الارض..رحت لنسيبي الثاني هذا بهتمش بالمخفي مطلقا الو فقط بالظاهر بس مشكلتو ما عندوش طولة بال على الاستكمال..حتى انه تقاول مره مع الاوقاف لبناء مسجد كملو كامل ماشالله في غضون اشهر ..بس ترك الميذنة 5 سنين دون استكمال، هو بقول انها الناس لحوحة ومعندهاش صبر..وانا غرشت رغم اني بعرفوو "مطمطجي" لانو اعقب كلامه بجملة مديح راقت لي وقال يا ريت كل الناس مثلك يابونسب..قلتلو كيف؟ زدني؟ قال خابر لمن اعطيتني 100 دينار عشان ازبطلك قبر الوالد..قلتو طبعا انا الي خابر وك..قال شو كانت شروطك.. قلتلو مش متفطن ذكرني؟ قال انت يومها طلبت مني ازبط القبر عطولة بالي المهم انجزو قبل يوم لقيامة..
رحت طلبت منو يكحل الواجهة الحجرية "لعمرتي المزعومة" على الاقل حتى الناظر يحس حالو قدام بناء واعد وخصوصا انو وعدني يعملي اياها تحفة البلاد واجمل من الجملون ..مر الصيف كلو وما سوهاش وقالي"انت مش فاهم..بالصيف بيطلع غبره كثير نتيجة حت الحجر...فجاءت الشتوية وقال انها الناس ما بتكحل بالشتا عشان ما يأثر المطر على صبغة التكحيل..بعد 5 سنين ظلت الواجهة على حطت ايدك..بعرفش ليش زعل من سؤالي لمن قلتلو لعاد متى الناس بتكحل يا ابن المكحولة..
بعدها حلفت يمين برب الجملون انه بالشغل ما اتعامل لا مع قريب ولا نسيب..جبت غريب يعملي حمام خارجي للضيوف بمزرعة شريتها مؤخرا..بس لسوء حظي طلع المعلم ما عندو اهتمامات بالمناظر فوق الارض ولا تحتها..قبض نص الاجرة 250 دينار على اساس اكملو النص الثاني بس اشوف الانجاز..(ذيبكم صرت صاحي بعد المول).. المهم اتصلي المعلم وقال وديلي الدفعة الثانية لانو "الحمام" كلف كثير و صار شبه جاهز..قلتلو ان شالله..بس رحت بعثت اخوي عالمزرعة بالسر عشان يصورلي بتلفونو الحمام..شفتلكم هالمنظر
👆�..ما ظلش براسي عقل.. ومباشرة اتصلت "للمعلم" وسألتو سؤال واحد لغاية الان مش فاهم ليش زعل بعدها مني وشال العدة..رغم اني سألتو بكل هدوء وأدب.. وقلتلو بالحرف الواحد :
" اخي الكريم سؤال.. هل في مجال يفضح عرضك؟"
#ابوطراوة
بعد حراثة 20 سنة بالغربة..قلت يا ولد بلاش تظلك اتدكن بهالمصاري عبارة عن شهادات توفير بنكية "صكوك"، ولازم تبدأ تظهر عليك النعمة لا يفكروك الناس بعدك صعلوك..قمت شريت ارض زغيرة وعمرت عليها 3 محلات تجارية..وانا بالغربة ما شفت لا الارض ولا العمار..بس حسب كلام المقاول "نسيبي" قالي حطيتلك بالاساسات مليون قضيب حديد زيادة وحسسني انو معمرلي مول..اخذ مني اخر العمار الف دينار زيادة..قلتلو لشو هذول قال بدي اعملك السطح وبيت الدرج "جملون" ..
ولأن هذه الكلمة من ضمن المفردات التي ولدت اثناء غربتي لم افهم معناها..قلتلو اذا مش ضروري هذا الجملون بلا منو.. قالي " انت مش فاهم الوضع.." وانا اكره ما علي واحد يقلي اني مش فاهم خصوصا اني دايمن بحس نفسي ابو المفهومية.. المهم قلت اعطي الخبز لخبازو.. بعد ما اطمن قلبي لمن سمعتو عالخط الثاني بيقول لصاحبو نزلولي خمس شوالات شميمتو عند عمرة نسيبي وجيبو مشاوي للعمال..، والله اولها تضايقت من كلمة "المشاوي" بس كيفت على كلمة "عمرة" اول مره بسمعها بحياتي وشعرت بنشوة الاثرياء..ما صدقت انزل عالاردن عشان اشوف الوضع ما لقيت لا عمرة ولا جملون..باستثناء فواتير المشاوي.
نسيبي مجتهد والحق يقال لكن تركيزو دايمن على العمار المخفي تحت الارض..رحت لنسيبي الثاني هذا بهتمش بالمخفي مطلقا الو فقط بالظاهر بس مشكلتو ما عندوش طولة بال على الاستكمال..حتى انه تقاول مره مع الاوقاف لبناء مسجد كملو كامل ماشالله في غضون اشهر ..بس ترك الميذنة 5 سنين دون استكمال، هو بقول انها الناس لحوحة ومعندهاش صبر..وانا غرشت رغم اني بعرفوو "مطمطجي" لانو اعقب كلامه بجملة مديح راقت لي وقال يا ريت كل الناس مثلك يابونسب..قلتلو كيف؟ زدني؟ قال خابر لمن اعطيتني 100 دينار عشان ازبطلك قبر الوالد..قلتو طبعا انا الي خابر وك..قال شو كانت شروطك.. قلتلو مش متفطن ذكرني؟ قال انت يومها طلبت مني ازبط القبر عطولة بالي المهم انجزو قبل يوم لقيامة..
رحت طلبت منو يكحل الواجهة الحجرية "لعمرتي المزعومة" على الاقل حتى الناظر يحس حالو قدام بناء واعد وخصوصا انو وعدني يعملي اياها تحفة البلاد واجمل من الجملون ..مر الصيف كلو وما سوهاش وقالي"انت مش فاهم..بالصيف بيطلع غبره كثير نتيجة حت الحجر...فجاءت الشتوية وقال انها الناس ما بتكحل بالشتا عشان ما يأثر المطر على صبغة التكحيل..بعد 5 سنين ظلت الواجهة على حطت ايدك..بعرفش ليش زعل من سؤالي لمن قلتلو لعاد متى الناس بتكحل يا ابن المكحولة..
بعدها حلفت يمين برب الجملون انه بالشغل ما اتعامل لا مع قريب ولا نسيب..جبت غريب يعملي حمام خارجي للضيوف بمزرعة شريتها مؤخرا..بس لسوء حظي طلع المعلم ما عندو اهتمامات بالمناظر فوق الارض ولا تحتها..قبض نص الاجرة 250 دينار على اساس اكملو النص الثاني بس اشوف الانجاز..(ذيبكم صرت صاحي بعد المول).. المهم اتصلي المعلم وقال وديلي الدفعة الثانية لانو "الحمام" كلف كثير و صار شبه جاهز..قلتلو ان شالله..بس رحت بعثت اخوي عالمزرعة بالسر عشان يصورلي بتلفونو الحمام..شفتلكم هالمنظر
👆�..ما ظلش براسي عقل.. ومباشرة اتصلت "للمعلم" وسألتو سؤال واحد لغاية الان مش فاهم ليش زعل بعدها مني وشال العدة..رغم اني سألتو بكل هدوء وأدب.. وقلتلو بالحرف الواحد :" اخي الكريم سؤال.. هل في مجال يفضح عرضك؟"
#ابوطراوة