نصائح بخيل
لأنني مللت من اقناع البعض، ان ما افعله يدخل في باب الحرص وليس البخل، فقلت لنفسي سيبك يا ولد منهم، ومن اراد ان يراك بخيلا، سيراك كذلك ولو كان اعمى.
فقد قالت لي الحياة..واثبتت لي التجارب..انه لا يوجد هناك اصلا شخص بخيل واخر كريم..فالمسألة نسبية بحت..انا مثلا اسخى كثيرا على الطعام والقداحات..مره شريت قداحة بميتين دينار والله..بس قلي اثاث بيت او ستائر او فساتين..بتعوذ بالله من الشيطان الرجيم.
بعضهم يسخى على النساء، ولا يسخى على الملابس والطعام، واخر يسخى على الاراضي والبناء ولا يسخى على السيارات، وهكذا.
إذن المسألة تتعلق بالاهتمامات ورغائب النفس كمناط القيمة والاولويات.
الايمان ايضا يعتبر محدد لجهة الانفاق..فاحد اصدقائي كل شهر بروح مكة يعتمر..بس قلو تعال اتبرع بمرجيحه لأولاد الحاره يتمرجحو عليها بقلك فك عن سماي، بكرا في الجنة بيلقو مدن العاب كامله وبتمرجحو على راحتهم...صديق اخر كل يوم والثاني بلقاه حاط صورو عالفيس بالفاتيكان وما بخلي كنيسة بفرنسا تعتب عليه..بس اذا بتقلو هات جاي تا نعمللنا مظلة لركاب باصات قرية :سما السرحان" يخلصهم من الحر و القر.. بقلك الخلاص بالسما عند المخلص مش هان..
شو بدي انا بدين الناس..خليني بحالي..ديني لنفسي ودينُ الناسِ للناسِ.. انا بدي اعطيك جملة من النصائح بتخليك تلعب بالمصاري لعب.. ومن خلالها يمكنك ايضا أن تتبين شخصيتي وتلقي عليها من الضوء بصيصا، فتحكم بنفسك ما إن كنت بخيلا أم حريصا:
* تبين لي ان ما يستهلك دخلك ليس الاشياء الكبرى والثمينة في منزلك..كالثلاجة والتلفزيون..هذه اشياء قد تشتريها لمرة واحدة في حياتك.. بل ان الاشياء الصغيرة الاستهلاكية والتافهة هي المصيبة ( محارم، بطريات، منظفات، معطرات جو..الخ). وقد وجدت الطريقة المثلى لترشيد الاستهلاك عبر منهج التدوير..
طبعا بدك تقلي كيف.. انا بقلكم كيف..اول خطوة مهمه تخليش مرتك تعرف قديش راتبك..لانو وفقا لمعرفتها للدخل تتكيف مع الانفاق والبذل.. اعطيها دائما قيمة الراتب الاساسي..انا بوخذ مثلا الف دينار بقللها بوخذ 225 وهيك..بس اوعك اتدور وراك و تنمسك بعدين بتجيبلك الدوَر..وهات قطبها.
* اوعك تخليها تكب اشي بالزباله..فكل شي قابل للتدوير..مثال (عندك البامبرز تبع الاولاد) وانا شخصيا ما بجلطني بهالحياة وبنغص علي تنغيص غير مصاريف هالفلاعيص..البمبرز علم مرتك تعصرو وتنشفوو وتضغطو..هيك البكيت بقعد عندك سنة زمان، وممكن اذا بتشد حيلك يكفي لجميع ولادك وأحفادك كمان..وبالاخر ممكن تحشيه... بالمخدات..او ريح راسك واعتبر انو البامبرز بدعة من اساسو.. هينا ما شالله علينا قضيناها بحفاظات الشرايط وشوفو ما أحلى ممشانا .. شبوبية ومرجلة..بس جيل اليوم بفوحجو مفاحجة.
*الحليب تبع لولاد كثر فيه مي واعشاب طبيعية، عظاظات لاسنانهم اسحك تشتريلهم..خلي كل ولد يعض اجر اخوه لكبير المزعج..وهيك بستفيدو لثنين الاول بطلعن سنانو، والثاني كانك لخمتو على سنانو.
*اوعك تشتري مماسح ومساكات..ساعيتها المدام بتضطر تعملك من الملابس المهترءة والمناشف القديمة بلاوي لا يمكنك ان تتصورها.. والمنظفات قسمن بالله حكي فاضي فش اشي بطهر مثل لتراب..وضروري تنتبه للفوائد العظيمة لعظم الدجاج..بينعمل منها مرق ومكعبات ماجي ونكاشات اسنان..
* اذا ذهبت للتسوق إياك ان تستخدم العربايات، لإنو اصحاب المولات ملعونين و بفكروك هبيله و صدقني مش حاطينهن لراحتك مثل ما بتتخيل، لأ، العرباي بتشجعك على مزيد من التسوق لأشياء غير لازمه، وتستسهل بالتالي انك تصير تكرفت وتحط خصوصا اذا معك العيلة..لكن اذا بتحمل أغراضك بيدك، تأكد انك لن تحمل الكثير.
* قسمن بالله من ساعة ما اوقفت شراء ملطف الجو وصرت احط كل يوم عرق ميرمية عالنار وابخر البيت..وصحة الاولاد تحسنت..وريحة الاثاث، يا سلام.. كأنك قاعد جوات بريق شاي..صحيح انو مرتي صابها ربو و زكام..بس هاض المطلوب لأنه خف النق والحكي عالانام.
*اعملك حساب سري بالبنك..الجن الازرق ما يعرفوو..ويفضل انت نفسك كمان ما تعرفو لإن النفس امارة بالسوء..وتأكد انه قد يخذلك اقرب واعز الناس اليك وقت الحاجة..الا رصيدك البنكي في اي لحظة يقول لك أمرك يا وردة..موجووود.
* تذكر " من يقول لك ان المال لا يجلب السعادة، فذلك لأنه لا يعرف اين وكيف يتسوق، وعقولة اخونا ماركس الله يجزيه الخير..بالمال تجد اقبح الرجال عابط اجمل النساء".
*اوعك تعطي مرتك المحفظة تاعتك عشان تحاسب كاش..مؤخرا عزمت عيلتي عمطعم غالي بجرش (قلتلكم بشغلة المطاعم والاكل ذيبكم وبروش)..مرتي كونها اجنبية، تعاطفت مع الشغيلة قد ما خدمونا اشي يطعمي لولاد واشي يجيبلهم العاب وكراسي..انا من شدة الحفاوة انسهلت، ورحت الحمام وهي حاسبت من محفظتي..وربكم حميد وإحنا طالعين قلت اطل اشوف قديش حاطه بغشيش هاللاطه..والقالكم 10 ليرات دفعة واحدة، سحبتهن من ذانهن وحطيت مطرحهن دينار واحد.. الجرسون جحرني بعيوني ونظرلي نظرة مش مريحة.. انا طول عمري بسمع بكلمة ( مكفهر) بس قسمن بالله عمري ما فهمت معناها بالزبط غير لمن شفت وجهوو.. طبعا مرتي خبطتني بوز وصارت تقول خزيتنا..بس المثل بيقول (ينخزي حبيبي ولا اطفر أنا).
* عادة عشان لبرستيج وقدام الناس بستخدم خيارات اللغة الانجليزية بالهاتف ومنيو المطاعم والطائرات..بس عند استخدام الصراف الالي مباشرة بختار اللغة العربية.. إوعك..الشغلة هذي فش فيها مزح..
*اذا قدّر لك ان تسحب مبلغ نقدي من البنك..اياك ان تضع المال في مظروف البنك فهذا يستدعي اللصوص فورا..انصحك باستخدام مظروف صور الاشعة او كيس ادوية جيبو من اي صيدلية..(انظر الصورة لتعلم انني لا انصحك بشيء دون ان اطبقه بنفسي ولاحظ حزام الامان لطفا) واذا حملت لفلوس بسياراتك وحد اجاك يقلك في زيت نازل من السيارة او عجلك مبنشر او كل هالحركات تبعت النصب والاحتيال..خليك صاحيلهم..حتى لو قالولك ابنك لزغير تحت السيارة..قول لهم الاولاد بروحو وبيجو..
* أخيرا ..السعيد من اتعظ بغيره.. وتاكد انها الناس كلهم انجاس..إبن عمتي (محمد شاهين) شاب لطيف وكريم.. طول عمره كحيان ودارهم فاضية الا من الجرذان، سنة ١٩٩٠ ربح الجائزة الكبرى باليانصيب 20 الف دينار، ولإنو المتعوس متعوس واذا انسعد بتكرسح او بموت..ابن عمتي مسك المصاري من هون وانعمى من هون..قسمن بالله جد فقد بصرو مسكين.. ما ظلش حد في الحاره الا اجا يخدموو..ام سعيد قاعده جنبو تولعلو سيجارة، وام عدنان وبناتها يفركن في رجليه..ابو العبد يحكلو ظهرو وظهر ام سعيد جنبو ومن ورا ظهرو.. ابو خليل الحلاق سكر المحل واجا عندو يمشطلو حواجبو ويزبطلو شواربو..ابوسماعين الفران جاب خبزاتو، واجا يتغدى كل يوم كفته هو وأولادوو وحماتو...المهم سنة زمان ما ظلش عندو ولا قرش..وكلهم انفضوووو من حولوو انفضاض سمك السردين من وجه القرش. وعلى الطفر فتح الزلمه عيونو وصار يشوف، وبطل يقدر يشتغل اي شغلة فيها شوية قروش، بعد ما تعود على روزم المصاري وأكل الجمبري والفتوش..فتحلو دكانه زغيره بس ما ريحتهوش، صار ينكوش بدافترو القديمه..ويلقالك ارض بفلسطين كاين جدو متبرع فيها لأهل البلد وعاملين فيها مسجد..ويسوي تصريح للضفة ويروحلهم، نطلهم بليلة ما فيها ضو قمر.. هد الجامع عراسهم وعمل مكانو مخازن ومحل لعب، والمصاري رجعت تلعب بيدو لعب.. راح تصور هو ومصرياتو وحط الصوره عالفيس بوك..طول عمرها صورو ما بتجيب 3 لايكات..هو ومرتو والبنات..فجأة وتهل عليه هاللايكات..اشي يقلو منور ابوشاهين، اشي يقلوو مشتاقين، واشي يقلو جهز الخرفان والطنجرة، وهينا جايين.. قاللهم بلا ابوشاهين بلا كندرة.. وين كنتو يا عرصات وانا عايش على صحن لمجدرة..؟
#ابوطراوة
لأنني مللت من اقناع البعض، ان ما افعله يدخل في باب الحرص وليس البخل، فقلت لنفسي سيبك يا ولد منهم، ومن اراد ان يراك بخيلا، سيراك كذلك ولو كان اعمى.
فقد قالت لي الحياة..واثبتت لي التجارب..انه لا يوجد هناك اصلا شخص بخيل واخر كريم..فالمسألة نسبية بحت..انا مثلا اسخى كثيرا على الطعام والقداحات..مره شريت قداحة بميتين دينار والله..بس قلي اثاث بيت او ستائر او فساتين..بتعوذ بالله من الشيطان الرجيم.
بعضهم يسخى على النساء، ولا يسخى على الملابس والطعام، واخر يسخى على الاراضي والبناء ولا يسخى على السيارات، وهكذا.
إذن المسألة تتعلق بالاهتمامات ورغائب النفس كمناط القيمة والاولويات.
الايمان ايضا يعتبر محدد لجهة الانفاق..فاحد اصدقائي كل شهر بروح مكة يعتمر..بس قلو تعال اتبرع بمرجيحه لأولاد الحاره يتمرجحو عليها بقلك فك عن سماي، بكرا في الجنة بيلقو مدن العاب كامله وبتمرجحو على راحتهم...صديق اخر كل يوم والثاني بلقاه حاط صورو عالفيس بالفاتيكان وما بخلي كنيسة بفرنسا تعتب عليه..بس اذا بتقلو هات جاي تا نعمللنا مظلة لركاب باصات قرية :سما السرحان" يخلصهم من الحر و القر.. بقلك الخلاص بالسما عند المخلص مش هان..
شو بدي انا بدين الناس..خليني بحالي..ديني لنفسي ودينُ الناسِ للناسِ.. انا بدي اعطيك جملة من النصائح بتخليك تلعب بالمصاري لعب.. ومن خلالها يمكنك ايضا أن تتبين شخصيتي وتلقي عليها من الضوء بصيصا، فتحكم بنفسك ما إن كنت بخيلا أم حريصا:
* تبين لي ان ما يستهلك دخلك ليس الاشياء الكبرى والثمينة في منزلك..كالثلاجة والتلفزيون..هذه اشياء قد تشتريها لمرة واحدة في حياتك.. بل ان الاشياء الصغيرة الاستهلاكية والتافهة هي المصيبة ( محارم، بطريات، منظفات، معطرات جو..الخ). وقد وجدت الطريقة المثلى لترشيد الاستهلاك عبر منهج التدوير..
طبعا بدك تقلي كيف.. انا بقلكم كيف..اول خطوة مهمه تخليش مرتك تعرف قديش راتبك..لانو وفقا لمعرفتها للدخل تتكيف مع الانفاق والبذل.. اعطيها دائما قيمة الراتب الاساسي..انا بوخذ مثلا الف دينار بقللها بوخذ 225 وهيك..بس اوعك اتدور وراك و تنمسك بعدين بتجيبلك الدوَر..وهات قطبها.
* اوعك تخليها تكب اشي بالزباله..فكل شي قابل للتدوير..مثال (عندك البامبرز تبع الاولاد) وانا شخصيا ما بجلطني بهالحياة وبنغص علي تنغيص غير مصاريف هالفلاعيص..البمبرز علم مرتك تعصرو وتنشفوو وتضغطو..هيك البكيت بقعد عندك سنة زمان، وممكن اذا بتشد حيلك يكفي لجميع ولادك وأحفادك كمان..وبالاخر ممكن تحشيه... بالمخدات..او ريح راسك واعتبر انو البامبرز بدعة من اساسو.. هينا ما شالله علينا قضيناها بحفاظات الشرايط وشوفو ما أحلى ممشانا .. شبوبية ومرجلة..بس جيل اليوم بفوحجو مفاحجة.
*الحليب تبع لولاد كثر فيه مي واعشاب طبيعية، عظاظات لاسنانهم اسحك تشتريلهم..خلي كل ولد يعض اجر اخوه لكبير المزعج..وهيك بستفيدو لثنين الاول بطلعن سنانو، والثاني كانك لخمتو على سنانو.
*اوعك تشتري مماسح ومساكات..ساعيتها المدام بتضطر تعملك من الملابس المهترءة والمناشف القديمة بلاوي لا يمكنك ان تتصورها.. والمنظفات قسمن بالله حكي فاضي فش اشي بطهر مثل لتراب..وضروري تنتبه للفوائد العظيمة لعظم الدجاج..بينعمل منها مرق ومكعبات ماجي ونكاشات اسنان..
* اذا ذهبت للتسوق إياك ان تستخدم العربايات، لإنو اصحاب المولات ملعونين و بفكروك هبيله و صدقني مش حاطينهن لراحتك مثل ما بتتخيل، لأ، العرباي بتشجعك على مزيد من التسوق لأشياء غير لازمه، وتستسهل بالتالي انك تصير تكرفت وتحط خصوصا اذا معك العيلة..لكن اذا بتحمل أغراضك بيدك، تأكد انك لن تحمل الكثير.
* قسمن بالله من ساعة ما اوقفت شراء ملطف الجو وصرت احط كل يوم عرق ميرمية عالنار وابخر البيت..وصحة الاولاد تحسنت..وريحة الاثاث، يا سلام.. كأنك قاعد جوات بريق شاي..صحيح انو مرتي صابها ربو و زكام..بس هاض المطلوب لأنه خف النق والحكي عالانام.
*اعملك حساب سري بالبنك..الجن الازرق ما يعرفوو..ويفضل انت نفسك كمان ما تعرفو لإن النفس امارة بالسوء..وتأكد انه قد يخذلك اقرب واعز الناس اليك وقت الحاجة..الا رصيدك البنكي في اي لحظة يقول لك أمرك يا وردة..موجووود.
* تذكر " من يقول لك ان المال لا يجلب السعادة، فذلك لأنه لا يعرف اين وكيف يتسوق، وعقولة اخونا ماركس الله يجزيه الخير..بالمال تجد اقبح الرجال عابط اجمل النساء".
*اوعك تعطي مرتك المحفظة تاعتك عشان تحاسب كاش..مؤخرا عزمت عيلتي عمطعم غالي بجرش (قلتلكم بشغلة المطاعم والاكل ذيبكم وبروش)..مرتي كونها اجنبية، تعاطفت مع الشغيلة قد ما خدمونا اشي يطعمي لولاد واشي يجيبلهم العاب وكراسي..انا من شدة الحفاوة انسهلت، ورحت الحمام وهي حاسبت من محفظتي..وربكم حميد وإحنا طالعين قلت اطل اشوف قديش حاطه بغشيش هاللاطه..والقالكم 10 ليرات دفعة واحدة، سحبتهن من ذانهن وحطيت مطرحهن دينار واحد.. الجرسون جحرني بعيوني ونظرلي نظرة مش مريحة.. انا طول عمري بسمع بكلمة ( مكفهر) بس قسمن بالله عمري ما فهمت معناها بالزبط غير لمن شفت وجهوو.. طبعا مرتي خبطتني بوز وصارت تقول خزيتنا..بس المثل بيقول (ينخزي حبيبي ولا اطفر أنا).
* عادة عشان لبرستيج وقدام الناس بستخدم خيارات اللغة الانجليزية بالهاتف ومنيو المطاعم والطائرات..بس عند استخدام الصراف الالي مباشرة بختار اللغة العربية.. إوعك..الشغلة هذي فش فيها مزح..
*اذا قدّر لك ان تسحب مبلغ نقدي من البنك..اياك ان تضع المال في مظروف البنك فهذا يستدعي اللصوص فورا..انصحك باستخدام مظروف صور الاشعة او كيس ادوية جيبو من اي صيدلية..(انظر الصورة لتعلم انني لا انصحك بشيء دون ان اطبقه بنفسي ولاحظ حزام الامان لطفا) واذا حملت لفلوس بسياراتك وحد اجاك يقلك في زيت نازل من السيارة او عجلك مبنشر او كل هالحركات تبعت النصب والاحتيال..خليك صاحيلهم..حتى لو قالولك ابنك لزغير تحت السيارة..قول لهم الاولاد بروحو وبيجو..
* أخيرا ..السعيد من اتعظ بغيره.. وتاكد انها الناس كلهم انجاس..إبن عمتي (محمد شاهين) شاب لطيف وكريم.. طول عمره كحيان ودارهم فاضية الا من الجرذان، سنة ١٩٩٠ ربح الجائزة الكبرى باليانصيب 20 الف دينار، ولإنو المتعوس متعوس واذا انسعد بتكرسح او بموت..ابن عمتي مسك المصاري من هون وانعمى من هون..قسمن بالله جد فقد بصرو مسكين.. ما ظلش حد في الحاره الا اجا يخدموو..ام سعيد قاعده جنبو تولعلو سيجارة، وام عدنان وبناتها يفركن في رجليه..ابو العبد يحكلو ظهرو وظهر ام سعيد جنبو ومن ورا ظهرو.. ابو خليل الحلاق سكر المحل واجا عندو يمشطلو حواجبو ويزبطلو شواربو..ابوسماعين الفران جاب خبزاتو، واجا يتغدى كل يوم كفته هو وأولادوو وحماتو...المهم سنة زمان ما ظلش عندو ولا قرش..وكلهم انفضوووو من حولوو انفضاض سمك السردين من وجه القرش. وعلى الطفر فتح الزلمه عيونو وصار يشوف، وبطل يقدر يشتغل اي شغلة فيها شوية قروش، بعد ما تعود على روزم المصاري وأكل الجمبري والفتوش..فتحلو دكانه زغيره بس ما ريحتهوش، صار ينكوش بدافترو القديمه..ويلقالك ارض بفلسطين كاين جدو متبرع فيها لأهل البلد وعاملين فيها مسجد..ويسوي تصريح للضفة ويروحلهم، نطلهم بليلة ما فيها ضو قمر.. هد الجامع عراسهم وعمل مكانو مخازن ومحل لعب، والمصاري رجعت تلعب بيدو لعب.. راح تصور هو ومصرياتو وحط الصوره عالفيس بوك..طول عمرها صورو ما بتجيب 3 لايكات..هو ومرتو والبنات..فجأة وتهل عليه هاللايكات..اشي يقلو منور ابوشاهين، اشي يقلوو مشتاقين، واشي يقلو جهز الخرفان والطنجرة، وهينا جايين.. قاللهم بلا ابوشاهين بلا كندرة.. وين كنتو يا عرصات وانا عايش على صحن لمجدرة..؟
#ابوطراوة