قبر الوالد..
لمن كنت زغير.. كان في مقبره جنب المدرسة..ظليتني اهرب واتخبى فيها ادخن..كانت مقبرة اقرب الى المزبلة منها للمقابر.. مهجورة وموحشة ومشلفقة مثل بيوت المخيمات الفلسطينية زمان. اشي راسو يمين ناحية القبلة واشي جريه شمال ناحية شرم الشيخ.. واشي ممدود بالطول واشي بالعرض.. واشي داحشينو دحش مثل الي بيدفن حماتو.. و تقول الناس كاينين يكرفتو موتاهم كرفته.
ومن شدة خوفي على وضعي وعشان ما يدحشوني بينهم.. ترجيت ابوي يشتري دار فيها حوش ونعمل فيها مدفن عائلي مثل المصاروى زمان..وهيك الواحد بشعر بقبرو بالاطمئنان انو بين اهلو وناسو..خصوصا لمن كنت اشوف قبور منكوشة اما باحشيتها لكلاب او هواة جمع الجماجم من طلبة كلية الطب هلعرصات..واكيد فش حد فينا بحب وهو ميت يطل عليه كلب ينهش رجلو وهو مش قادر يتحرك يدافع عن حالو ويلخمو عصباحو.. او يمنع طلبة الطب من انهم يسرقو جمجمتو ويعبثو فيها..
ابوي قالي سيبك يا ولد من هالفكرة لانو ما عنا وساع بالدار للاحياء..حزنت من تقاعسو.. وترحمت على روح جدي لأنو كان احسن من ابوي بكثير..ظل محافظ على قبور اسلافه ودافنهم بالحوش بيجي ثلاث اربع قبور وما رضي يفرط فيهم .. حتى لمن اغرووه جماعة البلدة انه يتنازل عن حوش دارو وأجو يجرفو لقبور لصالح طريق حيوي بدهم يفتحوه هناك.. وقالولو انو هذا الطريق بخدم القرية كلها.. قاللهم بالحرف الواحد يلعن اختكم على اخت القرية.. وظل متمسك بموقفو رغم الجاهات التي كدوووها عليه.. ولا رضي يفرط بأسلافو وعظمات الاجداد..ودفعولو يومها 50 دينار ورفض بكل انفة وشموخ وعزة.. انا بصراحة احترمته جدا على نبالتو.. لكن لمن زودولو المبلغ لغاية 55 دينار..قال هاتو الجرافة.. سقط من عيني والله لمن اكتشفت نذالتو.. مش لأنو وافق على ازالة القبور..لا والله.. بس لأنو قبض لفلوس وانشغل بعدهن ليرة ليرة، وما اكترث ولا تأثر لمن شاف واحد من العمال لملم هالعظمات بكيس زبالة و رماهن بالحاوية..
المهم.. الوالد لمن مات.. حبيت اعملو اشي عظيم يريحو بقبرو.. خصوصا لمن شفت لقبور بالسويد بتشرح النفس.. اشي حاط فوق قبر امو شمعدان فضة او كرستال..اشي حاطط متعلقات والده التي كان يحبها..( غليون، صور، تحف، دلة قهوة..) واحد حاطط العاب بنتو وادواتها الثمينة..ابوي ما كان عندو شيء ثمين بالحياة الا بسكليتو..بس كيف بدك تحط بسكليت فوق القبر في مجتمع بيسرق الكحلة من العين؟
ابوي كان ما يحب يقعد بمكان واحد..يظل يحوس هون وهون..يدور على لعبة شدة او قعدة فيها الطراوة.. لمن مات قلت بس اجت والله جابها.. رحت اصمملو شاهد رخامي انقش عليه جوكر او شايب سنك وأكتب عليه (هنا يرقد ملك الهند)..بس الناس كلهم قالولي عيب بصيرش هالحكي..قبل تنفيذ فكرتي رحت عالمقبرة اخذ القياسات، دور عليه هون هون مالقيتش القبر إيه وين راح الزلمه..انا علمت قبرو قبل سنتين بشجرة زيتون زرعتلو اياها لانو كانت نفسيتو ترتاح بالقعدة تحت الشجر..لقيت الشجرة مخلوعة والطوبات سارقينهن لقبر ثاني..والقبر كله مفرررش ومترس..تقول واحد سالخو هند وهو فرار.. واكتشفت انو هذول العالم ما بلبقلهم تحف او لمسات فنية.. ﻷنهم بصراحة مش "شدة" ايدك..
#ابوطراوة
لمن كنت زغير.. كان في مقبره جنب المدرسة..ظليتني اهرب واتخبى فيها ادخن..كانت مقبرة اقرب الى المزبلة منها للمقابر.. مهجورة وموحشة ومشلفقة مثل بيوت المخيمات الفلسطينية زمان. اشي راسو يمين ناحية القبلة واشي جريه شمال ناحية شرم الشيخ.. واشي ممدود بالطول واشي بالعرض.. واشي داحشينو دحش مثل الي بيدفن حماتو.. و تقول الناس كاينين يكرفتو موتاهم كرفته.
ومن شدة خوفي على وضعي وعشان ما يدحشوني بينهم.. ترجيت ابوي يشتري دار فيها حوش ونعمل فيها مدفن عائلي مثل المصاروى زمان..وهيك الواحد بشعر بقبرو بالاطمئنان انو بين اهلو وناسو..خصوصا لمن كنت اشوف قبور منكوشة اما باحشيتها لكلاب او هواة جمع الجماجم من طلبة كلية الطب هلعرصات..واكيد فش حد فينا بحب وهو ميت يطل عليه كلب ينهش رجلو وهو مش قادر يتحرك يدافع عن حالو ويلخمو عصباحو.. او يمنع طلبة الطب من انهم يسرقو جمجمتو ويعبثو فيها..
ابوي قالي سيبك يا ولد من هالفكرة لانو ما عنا وساع بالدار للاحياء..حزنت من تقاعسو.. وترحمت على روح جدي لأنو كان احسن من ابوي بكثير..ظل محافظ على قبور اسلافه ودافنهم بالحوش بيجي ثلاث اربع قبور وما رضي يفرط فيهم .. حتى لمن اغرووه جماعة البلدة انه يتنازل عن حوش دارو وأجو يجرفو لقبور لصالح طريق حيوي بدهم يفتحوه هناك.. وقالولو انو هذا الطريق بخدم القرية كلها.. قاللهم بالحرف الواحد يلعن اختكم على اخت القرية.. وظل متمسك بموقفو رغم الجاهات التي كدوووها عليه.. ولا رضي يفرط بأسلافو وعظمات الاجداد..ودفعولو يومها 50 دينار ورفض بكل انفة وشموخ وعزة.. انا بصراحة احترمته جدا على نبالتو.. لكن لمن زودولو المبلغ لغاية 55 دينار..قال هاتو الجرافة.. سقط من عيني والله لمن اكتشفت نذالتو.. مش لأنو وافق على ازالة القبور..لا والله.. بس لأنو قبض لفلوس وانشغل بعدهن ليرة ليرة، وما اكترث ولا تأثر لمن شاف واحد من العمال لملم هالعظمات بكيس زبالة و رماهن بالحاوية..
المهم.. الوالد لمن مات.. حبيت اعملو اشي عظيم يريحو بقبرو.. خصوصا لمن شفت لقبور بالسويد بتشرح النفس.. اشي حاط فوق قبر امو شمعدان فضة او كرستال..اشي حاطط متعلقات والده التي كان يحبها..( غليون، صور، تحف، دلة قهوة..) واحد حاطط العاب بنتو وادواتها الثمينة..ابوي ما كان عندو شيء ثمين بالحياة الا بسكليتو..بس كيف بدك تحط بسكليت فوق القبر في مجتمع بيسرق الكحلة من العين؟
ابوي كان ما يحب يقعد بمكان واحد..يظل يحوس هون وهون..يدور على لعبة شدة او قعدة فيها الطراوة.. لمن مات قلت بس اجت والله جابها.. رحت اصمملو شاهد رخامي انقش عليه جوكر او شايب سنك وأكتب عليه (هنا يرقد ملك الهند)..بس الناس كلهم قالولي عيب بصيرش هالحكي..قبل تنفيذ فكرتي رحت عالمقبرة اخذ القياسات، دور عليه هون هون مالقيتش القبر إيه وين راح الزلمه..انا علمت قبرو قبل سنتين بشجرة زيتون زرعتلو اياها لانو كانت نفسيتو ترتاح بالقعدة تحت الشجر..لقيت الشجرة مخلوعة والطوبات سارقينهن لقبر ثاني..والقبر كله مفرررش ومترس..تقول واحد سالخو هند وهو فرار.. واكتشفت انو هذول العالم ما بلبقلهم تحف او لمسات فنية.. ﻷنهم بصراحة مش "شدة" ايدك..
#ابوطراوة